الموضوع: أيهم أفضل في الأداء البيتلز القديمه ام ال 128 ام 127 ( الفيات

مش هتنفعك غير البيتلز لعده اسباب
قوه التحمل جامده جده يعني حماله قاسيه
ثباتها علي الأرض اكتر من رائع
الموتور ممتاز وتبريد هواء يعني مش هتسخن منك ابدا
بصراحه هي افضل من ال 28 وال 27
بس العيب اللي فيها شكلها وانها ضيقه من جوه بس لكن غير كده ممتازه
ملحوظه اللي كانت معايا 1303 وخلي بالك ليها مكانيكيا مخصوصين مش اي حد بيعرف فيها

المشاركة الأصلية كتبت بواسطة zarw

السلام عليكم و رحمه الله و بركاته
في البدايه انا سعيد بأشتراكي و تسجيلي معكم في منتدي السيارات فأقبلوني عضوا بينكم
أرجوا ممن لديه الخبره و الدرايه في السيارات القديمه صغيره الحجم و خصوصا السيارات الفولكس فاجن ( البيتلز ) و السيارات الفيات ال 128 أو 127 ان يجيب علي استفساراتي
حيث أنني انوي علي شراء سياره صغيره علي قد حالي (بالمفهوم المصري ) لأقضي بها مصالحي في بدايه حياتي العمليه الي ان ينعم الله علي بسياره أكبر و أفضل منها
أولا : ما الفرق بين موديلات البيتلز المختلفه 1300 و 1302 و 1303 و ما مميزات و عيوب كلا منه
كماأنني أسمع ان منها ألماني و برازيلي و غيرها فهل تختلف بلد الصنع و كذلك سنه الصنع
حيث يقال أن الأفضل موديلات 1974م
و هل هذه السياره تتحمل كثره التنقلات حيث انني كمهندس معماري طبيعه عملي قد تحتم علي الأنتقال من موقع الي اخر و معظمها أماكن بعيده بعضها البعض
و هل هذه السياره تتحمل درجات حراره الجو صيفا ام لا

و أخيرا بما تنصحني أن أشتري
البيتلز ام 128 أم 127 (الفيات )

و في النهايه أشكر كل من أدلي بخبرته و نصائحه و كل من اهتم بهذا الأمر
و السلام عليكم و رحمه الله و بركاته

السلام عليكم و رحم الله و بركاته
أخى الكريم
البيتلز عن تجربة أفضل سيار إعتمادية فى العربيات القديمة و ممكن حضرتك تراجع و تشوف الروابط دى هاتفيدك جداً و لو عزت أى حاجة فى البيتل أنا تحت أمرك أنا و جميع أعضاء البيتل الكرام

http://www.nilemotors.net/Nile/showthread.php?t=53757

http://www.nilemotors.net/Nile/showthread.php?t=53902

و إن شاء الله المواضيع دى هاتوضحلك كل شىء حضرتك عاوزه

و شكراً

المشاركة الأصلية كتبت بواسطة TheInfernal

بس البيتل عامل الأمان فيها سيء جدا. دول حتى حطوها #5 وسط أسوأ 10 عربيات في اختبارات الأمان:
http://www.youtube.com/watch?v=irTqF0wPKso

انا شوفت الفديو على شان اتاكد بس اللى مستغرب منة
انه كل العربيات حديثة اشمعنة يحطو بيتلز ضمن الاختبار دة ؟؟
دى موديل 1300
http://www.youtube.com/watch?v=YRbwTutw-Hk
الفديو تانى اهوو بس فى معلومة احب اوضحة

انو فى 1302 1303
الدركسيون متصصمم من شركة بورش انو فى حالة اى حدث يطبق على بعض على شان ما يخيش جنب السوئق
وكمان فى حاجة تانى الشاسية بتاع العربية دى
اقوى من قضيب القطار يعنى جامد جداااا
والدليل اكسر على اى عربية هتلقى خايف منك على طول
ههههههههه

ونصيحة بقى الى صاحب الموضوع
128 الثبات بتاعة على الطريق مش عايز اقولك عامل ازى وحش جدااا
بلمقارنة بلبتلز

لكن من وجهة نظرى المتوضعة ترتيب العربيات هى

البيتلز
128
127

:k4:

المشاركة الأصلية كتبت بواسطة Terrible_DaRsH

هى البيتلز ثابته على الارض لدرجه انها تقيلة جدا ...
وكمان شكلها قديم جـــدا ومهما صرفت عليها شكلها مش هيتغير ..
من وجهة نظرى الشخصية ..128 احلى بكتير ...
وممكن فى يوم تسقط موتور لو عايز وصالونها اكبر من البيتلز ...

السلام عليكم و رحمة الله و بركاته

* طبعاً مفيش حد بيختلف فى إن الثبات الألمانى لا يعلى عليه و البيتل من أكثر العربيات ثباتاً حتى على السرعات العالية لأنها مصممة بطريقة تجعلها من الصعب إنها تتقلب لا قدر الله و لو إتقلبت بتتعدل لوحده لأن السقف بومبيه.
* عفشة البيتل من أقوى العفشات اللى شوفتها سواء كانت دنجل أو سوست و مساعدين و الدليل مش هتلاقى صنايعية تخصص عفشة بيتل بخلاف الفيات عامة و 128 و 127 خاصة.
* قطع غيار بتكون فعلاً أغلى من 128 بشىء بسيط فى بعض المكونات و لكن معمرة جداً جداً و الحمد لله عن 128 اللى قطع غيارها رخيصة بس مضروبة و مش معمرة خالص.
* بالنسبة للقوة و العزم البيتل طبعاً تكسب بمراحل عن 128 فى السحب و التسارع و قوة الماتور و تبريده و هكذا.
* بالنسبة للشكل دا بيبقى أزواق و لكن البيتل من العربيات اللى سهل جداً تظبيطها و بيبان عليها التجديد و التظبيط و كمان ليها موديلاتها زى 1300 و 1302 و 1303 و كمان البيتل من العربيات المنتشرة فى الغرب لسهولة تعديلها و لشكلها الشيك و بالرغم من إنها اسبور مش 4 باب .
* و مش أى ميكانيكى ممكن بيشتغل فيها و هو دا اللى ممكن يكون عيبها و لكن ميزته إن مش كل اللى بيقول أنا ميكانيكى يقدر يصلحها لأنها فعلاً عربية عزيزة و بتحتاج ميكانيكى متخصص هو اللى يمد إيده فيها.
* و صدقنى دا مش هجوم على 128 أو 127 أو الفيات و لكن دا عن تجربة شخصيو و عن تجربة و تقييم ناس كتيير أعرفهم و مرو بمشاكل عفشة و شاسية و سخونة و غيره و كمان قبل ما أجيب عربيتى البيتل جربت كتير 128 و 127 و 132 كمان و لكن لما ركبت البيتل و جربتها حسيت بفرك كبير فى الثبات و السحب و غيره بس يمكن يكون الكنبة الخلفية ضيقة شوية من عند الرجلين بس فى العرض واسعة و مريحة و بتاخد ثلاثة أجسام كمان.