مشكلة بمفتاح الكليو المشفر ( ارجو المساعدة )

**Eslam_A** · 12-12-2008 01:54 PM

السلام عليكم وكل عام وانتم بخير وعيد سعيد عليكم جميعا

تاني يوم العيد قبلتني مشكلة غريبة جيت افتح العربية بالمفتاح لقيت اللمبة اللي في المفتاح مش بتنور قلت يبقي المفتاح عاوز بطارية جديدة فتحت العربية عادي من الكالون ورحت اشتريت البطارية وجيت اركبها لقيت الزرار بتاع السنتر اللي جوة المفتاح مكسور لحمته في البوردة وجربت المفتاح وانا في البيت لقيت اللمبة بتنور عادي وكلو تمام التمام

نزلت عشان اخرج بالعربية افتح السنتر فتح عادي ادور العربية دارت وراحت مبطلة علي طول قولت ادور تاني نفس الحكاية ببص علي لمبة السنتر اللي في لوحة العدادات لقيتها عمالة تنور وتطفي بسرعة فطلعت جبت النسخة الاحتياطي لقيت العربية دارت عادي جدا

رحت الشغل امبارح وكان معايا النسختين وانا راجع من الشغل قولت اجرب النسخة البايظة لقيتها اشتغلت عادي ووانا خارج بليل مشتغلتش تاني فاضطريت اطلع اجيب النسخة السليمة

ومجربتش تاني انهاردة مش عارف بقي المشكلة كدة في اية والحل اية ؟؟؟؟

**Ramy_Tantawi** · 12-12-2008 03:44 PM

عليكم السلام ورحمة الله وبركاته
كل عام وحضرتك بخير يا استاذ اسلام وان شاء الله المشكله بسيطه وتتحل على طول .

في الغالب طالما حضرتك لقيت زرار السنتر مكسور او لحامه فك فا وارد جداً يكون في حاجات تانيه لحامها فك وده نتيجه وقوع المفتاح مثلاً او اي حاجه مش مهم السبب .

عموماً التشخيص المبدئي للمشكله ان في حاجه لحامها فاكك في ال IC المسؤوله عن تشفير المفتاح فك المفتاح تاني ومعاك عدسه مكبره وص على البورده تاني وان شاء الله تلاقي الحاجه اللي لحامها فك الحمها وان شاء الله كل شيء هايرجع تمام.

الكلام اللي كتبته ده كله كان في موضوع اخونا عمرو عماره جزاه الله خير عنا وده لينك الموضوع بتاع عمرو باشا .

[align=center]إصلاح مفتاح الكليو المشفر[/align]

ان شاء الله تقدر تصلحه على طول يا استاذ اسلام ومش هاوصيك تدعي خير لعمرو باشا صاحب التجربه والموضوع ........ولو قدر الله وماتصلحش لا مانع انك تدعي عليا مش مشكله انا مسامح.

تحياتي اخي الكريم .

**Eslam_A** · 12-12-2008 05:07 PM

الف شكر يا أستاذ رامي علي ردك

وإن شاء الله هاشوف لو في اي لحامات فاكة من البوردة بس للاسف انا مش معايا عدسة فهحاول اودي المفتاح عند حد بتاع الكترونيات بكرة بإذن الله .

وطبعا لايمكن اني ادعي عليك ادعي عليك ازاي وانت ساعدتني جزاك الله خيرا وجعله في ميزان حسناتك وميزان حسنات عمرو باشا عمارة

( فرضا ان المفتاح متصلحش يبقي اية الحل في حد بيصلحهم او بيعمل عليهم ولو غيرتو في التوكيل التكلفة كام تقريبا )

**عمرو عمارة** · 12-12-2008 08:37 PM

إسلام باشا......إن شاء الله تقدر تصلح المفتاح......طلاما هو بيعلق وساعات يشتغل يبقى إن شاء الله هايكون في لحام فاكك في الـic الي أنا وضحته في الصورة وعلى فكرة إنت ممكن تشوف الأرجل بتاعت الـic ده من غير عدسة ....بس إنت حاول تركز فيه شوية وإوعة تلحمه لو مش معاك مكانة لحام بسن رفيع عشان ماتبوظش حاجة.....ربنا يوفقك

شكرا رامي حبيبي على زوقك وكلامك الجميل ده

**Eslam_A** · 13-12-2008 12:53 AM

عمرو باشا

الف شكر علي نصايحك الغالية وعلي مساعدتك

ان شاء الله اودي المفتاح لحد بتاع الكترونيات عشان انا مش عندي مكواة لحام بسن رفيع

جزاك الله خيرا يا عمرو باشا علي مساعدتك

**عمرو عمارة** · 16-12-2008 03:23 PM

طمنا يا إسلام......عملت إيه في المفتاح؟؟...

**Eslam_A** · 18-12-2008 03:24 PM

لسة والله معملتش فيه اي حاجة تصدق والله انا كنت نسيت وافتكرت لما شوفت ردك هههههههههه

**عمرو عمارة** · 22-12-2008 12:45 PM

إسلام باشا أنا بعت إيميل لشركة مفتاح عزب عشان أستفسر عن إمكانية عمل مفتاح الكليو......أصلي أنا كمان عايز أعمل واحد عشان المفتاح الإحتياطي مدمر تماماً والسليم تقريباً قربت أعلقوا في صدري من خوفي عليه

المهم ده نص ردهم " السلام عليكم
مفتاح رينو كليو موجود ويمكن عمله فى حوالى 15 دقيقة
السعر : 150 ج

نحن فى انتظار أى أستفسار أخر
مفتاح عزب "

أنا إن شاء الله هاروح أعمل واحد قريب......هابلغك بالتفاصيل

**Eslam_A** · 22-12-2008 04:08 PM

الف شكر يا عمرو باشا علي ردك

وأول متعمل المفتاح ياريت تقولي كل التفاصيل ومكان الراجل بالتفصيل اصلي مش من القاهرة

وياريت تقولي علي جودة المفتاح وباقي التفاصيل

شكرا يا عمرو باشا وجزاك الله خيرا وبارك فيك

الموضوع: مشكلة بمفتاح الكليو المشفر ( ارجو المساعدة )

LinkBack

أدوات الموضوع

عرض

مشكلة بمفتاح الكليو المشفر ( ارجو المساعدة ) - انشر الموضوع فى :

-

-

-

-

-

-

-

-

المواضيع المتشابهه

مشكلة البايك الي بمفتاح مش متشفر

مشكلة بمفتاح السانديرو

شوية حاجات مضايقاني في الكليو ... ارجو المساعدة

مشكلة فى الكليو أرجو المساعدة من أصحاب الخبرة

إصلاح مفتاح الكليو المشفر

الكلمات الدلالية لهذا الموضوع

المفضلات

المفضلات

ضوابط المشاركة