انا معايا شاهين 2002 وعندي الشوك الي بيسخن العربيه الصبح مش شغال
وكنت عايز اعرف احسن نوع وعامل كام
انا اسف جدا علي الاطاله بس محتاجه ضروري عشان العربيه بتتعبني الصبح لما بدور
واسف تاني علي الاطاله
انا معايا شاهين 2002 وعندي الشوك الي بيسخن العربيه الصبح مش شغال
وكنت عايز اعرف احسن نوع وعامل كام
انا اسف جدا علي الاطاله بس محتاجه ضروري عشان العربيه بتتعبني الصبح لما بدور
واسف تاني علي الاطاله
التشوك بالفعل جزء من الكاربراتير لكن ممكن يتغير لوحده
بس هل انت تأكدت اولا انه مظبوط قبل ما تحكم أنه مش شغال نهائيا، يعنى التشوك له مسمار ريجلاش علشان يحدد امتى يشتغل وامتى يفصل ، حوال تظبط المسمار ده الأول وتشوف هيجيب معاك نتيجة وللا لأ، الحاجة التانية هى انك لازم تتأكد من ان الوصلات الهوائية بتاعة التشوك كلها سليمة
لو موصلتش لحاجة يبقى انت محتاج لزيارة لورشة كاربراتير ولو كان التشوك ينفع يتصلح هيصلحهولك، ولو ماينفعش هيفيدك تجيبه منين
الحاجة التانية ان موديل 2002 فيها شفاط يدوى تحت التابلوه على الشمال، ممكن تستعمله لما تكون العربية باردة علشان تدورها وتسخنها لحين ما تصلح التشوك
اولا اشكرك جدا على الإطراء ، يعنى ده بس من ذوقك يا فندم
بالنسبة للشفاط فالمفروض انك لو رجعته مكانه تماما مياكلش بنزين، علشان تتأكد انه بيرجع مكانه مظبوط افتح الكبوت وقف على يمين السيارة وبص علىالكاربراتير تحت العمة، وخلى حد يشد الشفاط ، هتلاقى فيه سلك مربوط بمفصلة ميكانيكة اتحرك، خلى من بداخل السيارة يرجع الشفاط تانى، مفروض ان المفصلة ترجع لآخر مشوارها، امسكها بيدك(بس حاسب من سخونة المانيفولد وفرن الشكمان ، يفضل تعمل التجربة دى والمحرك بارد صباحا) وحركها فى اتجاه الرجوع وتأكد انها خدت مشوارها بالكامل ، لو لقيت انها مبترجعش للآخر هات WD40 ورش عليها ورش جوة جراب السلك بتاعها،
(ده رابط لموضوع عن الWD40 لو ناوى تسأل هو ايه )
http://nilemotors.net/Nile/showthread.php?t=332
وتأكد ان السلك بتاعها مافيهوش عضة (انثناء) يمنعة من الرجوع لمكانه، لو هى بترجع لمكانها مظبوط متاكلش بنزين لكن طبعا لو مبترجعش مكانها هتاكل بنزين كتير، وطبعا هى لا تستعمل سوى فى التسخين صباحا وبعد كدة تقفلها