لسه محتار؟؟؟؟

**Qamar** · 14-12-2008 04:54 PM

لأن النوبيرا هي الفئة الأعلى من اللانوس (اللى هي ما تفرقش كتير عن الأفيو)
آخر كلام وصلتله أن الأفيو موتور أشبه ما يكون باللانوس و عفشة أشبه ما يكون بالنوبيرا (و العهدة على الراوي)

النوبيرا موتورها يتقارن بالفيرنا1600 لكن عفشة النوبيرا لا يستهان بها
لكن الفيرنا موفرة في البنزين عن النوبيرا
و الأفيو كمان موفرة في البنزين عن النوبيرا
مش عارف فيرنا ولا أفيو أوفر في البنزين
الأفيو تقريبا أغلى واحدة في قطع الغيار والوحيدة 1500
الاتنين التانيين 1600
انا اللى احترت دلوقتي
شوف انت ايه أهم بالنسبه لك و اختار بناء عليه

**Qamar** · 14-12-2008 05:00 PM

أنا اخترت النوبيرا كفئة اعلى من الأفيو و الفيرنا

**HAZOMAL** · 14-12-2008 05:24 PM

من الصعب مقارنة النوبيرا بالافيو او الفيرنا

بصراحة انت كده بتظلم النوبيرا

**TheInfernal** · 14-12-2008 11:25 PM

هي الصورة كالآتي:
النوبيرا وقف تصنيعها عالميا في 2002 و تم استبدالها بما يعرف حاليا بالشيفروليه أوبترا.
الفيرنا وقف تصنيعها عالميا في 2005 و تم استبدالها بما يعرف حاليا بالنيو أكسنت...و لكن الهند و مصر لسه بتجمع الموديل القديم.
الشيفروليه أفيو هي تحديث الدايو لانوس اللي وقف تصنيعها عالميا في 2002.

طبعا العربيات اللي وقف تصنيعها عالميا لسه فيه مصانع بتنتجها لحد دلوقتي و بتصدرها لينا لأنها كانت واخدة ترخيص من الشركة الأم...

نستخلص من الكلام ده:
الفيرنا أقدم من الأفيو و أقل من النوبيرا, و لكن بالمقابل هي أرخص.
الأفيو أحدث من الفيرنا و النوبيرا, و لكنها أقل من النوبيرا مع العلم ان الاتنين نفس السعر تقريبا.
النوبيرا أقدم من الأفيو و لكنها أعلى, و بنفس السعر تقريبا.

من رأيي النوبيرا طبعا تكسب...و لكن أنا لو هشتري, هزود 10 بواكي و أجيب البروتون جين 2. أحسن من كل العربيات اللي في المقارنة بفارق شاسع و تستحق كل مليم زيادة يتدفع فيها.