80% عايز وخايف

**ayman71** · 12-12-2008 04:33 PM

انا جديد واول مرة اكتب هنا
برجاء المساعده كان عندى بنوليز وبعتها وقررت اشترى لادا لسعرها المعقول ولانها عربية بيقولوا انها كويسه
انا بعمل فى اليوم من 40 الى 50 ك متر فقط لاغيريمكن اقل
وبسافر اسكندرية مرة فى السنه والاسماعيلية انا من سكان القاهرة
فقط دى كل مشاويرى
هل ترشحون لى الادا 2107 مع العلم انى قيادتى هادئة وملتزمة جدا
عندى كام سؤال لو تكرمتم
هشترى لادا زيرو.
ايه الصيانه الى ممكن اعماها فيها وكل كام كيلو؟
اخلى بالى من ايه؟
بسمع عن بيض الادا؟ وانهم بنزوه يعنى عملوا له بنز بحيث انه ما يفركش؟هل صح؟
سخونه العربية ؟
امتى الموتور يحتاج صيانه على استخدامى الى ذكرته لكم؟
اين توكيل لادا؟
واريد مزيد من المعلومات لو تكرمتم؟

**lonedoctor** · 12-12-2008 05:55 PM

انا ارشح لك السيارة بكل قوة وتوكل على الله بعد الاستخارة طبعا وياريت يكون فيها الباور اساسى عشان تتلافى مشكلة تقل الدركسيون وده موقع شركة الامل او لادا ايجيبت فى القاهرة وكيل السيارة تقدر تتصل بيهم او تروح بنفسك وتعمل تست درايف وتجرب السيارة وهناك خدمة العملاء تقدر تسالهم عن كل ما يدور فى ذهنك من اسالة قبل الشراء
وبالتوفيق ان شاء الله
http://www.alamal-group.com/Alamal%2...ml/a-home.html
وده هو المعرض الرئيسى
العنوان : 8 شارع البحرين أمام حديقة الميريلاند
+ (202) 4557503 ت

**ayman71** · 12-12-2008 06:20 PM

اشكرك اخى العزيز على المعلومات القويه وسأزور شركة الامل
بسمع عنها متخصصة فى الادا

**TaoTao** · 12-12-2008 09:18 PM

أهلاً بيك يا أستاذ أيمن .. الأمل هي وكيل لادا في مصر وكمان بتصنع لادا محلياً.
انت عاوز تشتري زيرو؟ ولا مستعمل؟ لو زيرو يبقى الأسئلة اللي حضرتك سألتها كانت مشاكل في الموديلات القديمة واتحلت وممكن تلافيها بالصيانات الدورية.. وكمان ممكن في التوكيل تبص بصة ع الموديلات الجديدة من لادا زي 2110 شكلها جديد وبعيد عن الشكل الصندوقي الشهير للادا

وإن شاء الله نباركلك على السيارة الجديدة وسعيد بمعرفتك

**mohamed2002** · 12-12-2008 09:31 PM

ال 2107 مناسبة لك بس هاتها بالباور ويفضل الاوكراني علي المصري

**ayman71** · 14-12-2008 09:51 AM

المشاركة الأصلية كتبت بواسطة TaoTao

أهلاً بيك يا أستاذ أيمن .. الأمل هي وكيل لادا في مصر وكمان بتصنع لادا محلياً.
انت عاوز تشتري زيرو؟ ولا مستعمل؟ لو زيرو يبقى الأسئلة اللي حضرتك سألتها كانت مشاكل في الموديلات القديمة واتحلت وممكن تلافيها بالصيانات الدورية.. وكمان ممكن في التوكيل تبص بصة ع الموديلات الجديدة من لادا زي 2110 شكلها جديد وبعيد عن الشكل الصندوقي الشهير للادا

وإن شاء الله نباركلك على السيارة الجديدة وسعيد بمعرفتك

اشكرك اخلى الفاضل على ردك واهتمامك ان شاء الله ناوى على الزيرو بس بالتقسيط
اظن بيكون فى ضمان سنه على العربية ؟ وهل لازم اعمل الصيانه هناك فى التوكيل نفسه؟