سؤال مستفز يلح عليا ....
هل تقوم بإلقاء المهملات من شباك عربيتك ؟؟ ولا لأ ...
------------------------------------------------
تم التعديل بناء على رغبة كاتب التعليق
مشرف القسم
عرض للطباعة
سؤال مستفز يلح عليا ....
هل تقوم بإلقاء المهملات من شباك عربيتك ؟؟ ولا لأ ...
------------------------------------------------
تم التعديل بناء على رغبة كاتب التعليق
مشرف القسم
أبدا....
انا بحتقر أى حد بيعمل كدة.
مبدئيا يا ريس انت بالكلام دة خوفت اى حد بيعمل كدة انة يرد فى الموضوع :k40:
...
...
...
اكيد دة عمل حقير
بس هو منتشر جدا فى شوارعنا للاسف الشديد
و هذا التصرف فى السيارات الفارهه و الميكروباص على حد السواء
و لما تشوف الموضوع دة فى الشارع
[blink] يبقى انت اكيد اكيد فى مصر[/blink]
لا ... و عمرى ما هعمل كدا
هي الفكرة ان الشوارع مفيش حد بينضفها عدل وحتى لو كلنا امتعنا عن الرمي هتلاقي الشوارع مش نضيفة
ده الناس اللبلموا الزبالة الصبح من الصناديق بيوقعوا نصها على الارض وهما بيحطوها في العربية
بس بجد انا ان شاء الله مش هرمي من العربية حاجة تاني
سعات و سعات
حسب المزاج
لا يمكن ده يحصل ابداااااا
اللى يعمل كده اساساً مش مفروض يركب عربيات.
معهليش ده رأى بصراحة
ومعذرة للاعضاء اللى ممكن تعمل كده
كافية نظرة اولادك لك
مستحيل ..
ومش هقول رأيي في اللي بيعمل كدة لأنه جواه عارف الأجابة بكل تأكيد .
انتوا كدة ياجماعة اي حد هايخش هايقول لا مش برمي علشاان الاراء دة
ماهو بالفعل في ناس صوتوا على أنهم بيرموا من شباك العربية والنسبة نص بالنص بس لما شافوا الردود عرفوا أنهم غلط وحسوا بالذنب لدرجة أنهم مقدروش يقولوا أيوة أحنا بنرمي بكل صراحة .
أحب أقول لحضراتكم أن البلد دي مش بتتوسخ لوحدها ولا في كائنات فضائية بتيجي ترمي زبالة عندنا وياريت قبل ما أي واحد فيكم يقول دي بلد بنت ستين في ثمانين يعرف أنه هو السبب في كدة لما بيفتح شباك عربيته ويرمي منه .
في النهاية كيس صغير تمنة 5 قروش أو 10 قروش يحل المشكلة وتحط فيها حاجتك وأنت نازل في أي مكان هتلاقي قدامك صندوق قمامة روح أرميه وأبقى قولي حسيت ساعتها بأية .
انا عامل كيس للمهملات فى العربية و كل فترة بفضية و عمرى ما حرمى من الشباك ان شاء الله
كلا و الف كلا
انا جايب باسكيت صغير من كارفور و حطة قدام الكرسي اللي جانبي و كل فتر بفضية في اي صندوق قمامة كبير
الشىء الوحيد الى برميه مالشباك المناديل
غير كدة بجيب كيس واحط فيه وارمى الكيس مرة واحدة هههههههههه بهزر
غير كدة برمى الكيس عند اول مقلب زبالة الاقيه.
برمى كل حاجة من الشباك
معلش يعنى الشوارع اصلا رايحة فى داهية مطبات وزبالة وكله بيكسر على كله
مفيش حاجة صح اصلا
ومحدش يقولى ابدأ انتا بنفسك
دى شوارعنا موووووووولد
تعالى عربيتي و هتلاقي أكياس و حاجات ما برضاش أرميها في الشارع و بانساها في العربية لحد ما أجمعها و ارميها في الزبالة :)
مانساش والدي من و أنا صغير كان يخلع طفاية العربية و يقول لي "روح ارميها في صندوق الزبالة و تعالى"
عشان كده لما أشوف عربية بيترمي منها حاجة باقعد أشتم. و يا سلام بقى على الناس اللي بتبصق في الشارع :(
بصراحة لما بكون على الصحراوي بس برمي لانها صحرا والهوا مش هايخي اي حاجة على الطريق
دي انا بسميها رخامة انا ممكن ارميها بس هكون مهدي جنب باسكت وبحدف
انا ما بارميش حاجة بره العربية لدرجة انى لو مسافر بارجع و العربية مليانة اكياس و علب و ورق شيكولاته ....
اصلي باتخيل منظري من بره و انا بارمي ....اكيد شكلي هايبقى وحش (قدام نفسي).
و باحس اني هاكون عامل زي القرد في الغابة كده ..ياكل الموزة و يرميها على اي قرد معدي ههههههههههههه
[align=center]
+1
[/align]
[align=center]
طب وفيها ايه ان الواحد لما يغلط يعترف بغلطه ماكلنا بنغلط وعمر ما البني آدم هايمشي صح 100 % المهم انه لما يعرف الغلط يحاول يقف مع نفسه ويفكر هوة ليه بيعمل كده .. ومش عيب انه يعترف بكده أبدا يبقى كلنا نروح ننتحر بقى ماحنا مليانين أخطاء من فوق لتحت
[/align]
[align=center]
ده أكيد صح 100 % وحتى لو جت عربية جمع القمامة ودلقت نص الصندوق في الأرض وحتى لو كانت الأرض أصلا مش متسفلتة وحتى لو كان الشارع عبارة مقلب قمامة كبير ده مايدنيش الحق في إني أرمي زبالتي أنا كمان في الشارع .... كل إناء بما فيه ينضح ....
وبصراحة أنا في نهاية كل أسبوع بعد صلاة الجمعة بلم كل المهملات اللى بتبقى موجودة في العربية (أماكن المهملات في العربية عندي معروفة وهى جيوب البابين الأماميين بالنسبة للركاب اللى قدام وجيوب الكرسيين اللى قدام من ورا بالنسبة للركاب اللى ورا ... عشان كده عمري ماشتري فرش كراسي مافيهوش جيوب في ظهر الكرسيين اللى قدام) وبيبقوا مليانين علب عصير وأكياس شوكولاتة ورق مناديل وبحط كل ده في شنطة بلاستيك (دايما شايل شنط بلاستيك جديدة في العربية لأي غرض) وأرميها في صندوق القمامة الخاص بالعمارة ... وطبعا ده مايمنعش أني في خلال الأسبوع ممكن ألم الحاجات دي على السريع لو لاقيت صندوق قمامة بجواري في أي مكان[/align]
احتفظ بها حتى ولوا كنت ذاهب الى البيت وفى سلة القمامة القيها فيها
ولو فى الشارع ابحث عن اى صندوق قمامة
الحاجه الوحيده اللى برميها اللب :d ههههههههههههههه
غير كده مش برمى حاجه واللهى ولا مناديل ولا غيره بس اللب بقى مش وانا بسوق هقعد اكل واحط مش عارف فين وبتاع ع طول طير من الشباك
أخي العزيز مع كامل أحترامي لرأي حضرتك لو ممكن تذكرلي رد واحد قالاقتباس:
طب وفيها ايه ان الواحد لما يغلط يعترف بغلطه ماكلنا بنغلط وعمر ما البني آدم هايمشي صح 100 % المهم انه لما يعرف الغلط يحاول يقف مع نفسه ويفكر هوة ليه بيعمل كده .. ومش عيب انه يعترف بكده أبدا يبقى كلنا نروح ننتحر بقى ماحنا مليانين أخطاء من فوق لتحت
أنا برمي .. أنا غلطان ... أنا بعترف بغلطي وحغير سلوكي للأفضل ؟؟
ولا رد غير عضو كريم قال أنا برمي والشوارع كدة كدة بايظة ومحدش يقولي أبتدي بنفسك وهو دة في الغالب رد ال 18 عضو اللي أختاروا أنهم بيرموا قمامة من شباك عربياتهم يبقى فين الناس اللي غلطت وأعترفت بغلطها وقررت تغير من سلوكها الخاطئ ؟؟
في النهاية مفيش حد معصوم من الخطأ كلنا بشر لكن الخطأ في نظري أننا نعمل الغلط وأحنا عارفين أنه غلط .. ولك مني كل الحب والمودة .
كامل تقديري وأحترامي لكل من صوت بأنه يرمي القمامة في الطريق فأنا مقتنع بأن حدود حريتي تنتهي عند حدود حرية الآخرين بالأضافة لأقتناعي بأن كلنا فينا الحلو وفينا الوحش ومحدش أحسن من حد .
[align=center]في الطفاية ياباشا أسهل حل
لسه كنت هقول حاجتيين يا ريت اللى بيعملهم ميعملهمش أولهم وأخفهم اللى أنت بتعمله بتبقى حاجه سيئه لما تطلع اللب من بقك والهوا يلطعوا فى وش اللى وراك ودي حصلت معايا أكتر من مرة أبص الاقي حاجة مبلولة لزقت فية وانا ماشي وتطلع قشرة لب
والحاجة التانية والأكثر قبحا على الأطلاق ومعذرة على اللفظ لكن لا يناسبها أقل من ذلك من يخرج رأسه من شباك سيارته وفجأة يبصق على أرض الشارع لا تتخييلوا قباحة المنظر
أرجو من كل من يقوم بذلك أو يعرف من يقوم بذلك أو من يرى من يفعل ذلك يحاول أن يبين مدى الأذى الذى يصيب به الناس ... ممكن لو لقيت حد عمل كده فى الطريق تديله علبة المناديل الخاصة بك فى اشارة رقيقة للحل المناسب اللى المفروض يتخذه[/align]
طبعا كل حاجة برميها من الشباك لإن شوارع مصر بالنسبالي هي باسكت الزبالة
وبقول للأعضاء إللي ماترميش من الشباك وبتحتقر إللي بيعملوا كده بقى قال يعني إنتوا أما تعملوا كده الشوارع حتنضف تماما وحتغيروا البلد طبعا لأأأأأأ إنتوا بتنفخوا في إربة مخرومة
[align=center]المبدأ ده هو اللى مخلينا واقفين مكاننا وأسمح لى ده مبدأ خاطىء
سيبك من البلد هى نضيفه ولا لأ وفكر فى نفسك ورضاك عنها ... فكر فى عقيدتك التى تأمرك بالنظافه والبحث عن الجمال.. أما بقا من ناحية البلد أه لوكل واحد بدأ بنفسه شوارعنا هتختلف وهنبتدى نغير ثقافة ناس بتشوفنا وأحنا بنتصرف صح
بلاش اللهجه البائسة ديه لأنها تؤدى الى التخريب ليس أكثر[/align]
أكيد لا
إيه السؤال الغريب ده؟؟؟؟؟
انا على حسب المكان اللى انا ماشى فية يعنى لو انا ماشى فى شارع نظبف طبعا عمرى محرمى واوسخ الشارع النضيف لكن لو الشارع متسخ يبقى برميها طبعا لانة الشارع وسخ اصلا .
الحمد لله عمري مبعملها و ربنا يقدرني معملهاش أبداً.
أنا بس بقول لإخوانا اللي بيرموا في الشارع... هل ممكن تعمل كدة لو إبنك الصغير اللي بيراقبك و يتعلم منك قاعد جنبك في العربية علماً بإن الصح صح و الغلط غلط .. يعني إنت بتعلمه إن الغلط مفيهوش مشكلة و عادي.
هل و إنت ماشي و اللي قدامك لقيته مرة واحدة رمى سندوتش ولا علبة بيبسي ولا غيره، هل مش بتضايق؟
طب لو إنت راكب جنبك واحد أجنبي صديقك و لا تبع الشغل و اللي قدامك رمى حاجة ...شعورك هيكون إيه؟
لا ... و عمرى ما هعمل كدا
لأ ... حتى لو على طريق سفر ...
هو الصرحة الصرحة انا برمي سعات كنزات وانا ماشي بس على جنب الطريق مش في الوسط ياعني
كنت
دلوقتي بجمع في الكيس اللي اشتريت الحاجة فيه وارميه بعد كدة في اي باسكت وانا ماشي - بس للأسف ساعات بتطلع برة
وعامةً ماكنتش باخد بالي بس واحدة معايا في الشغل هي اللي كسفتني مرة فقلت امال الغريب يقول ايه ؟!؟!؟!؟
لا طبعا و دايما بخلي اللي انا عايز ارميه معايا في العربية لحد ما انزل و ارميه في صندوق الزبالة و لو زبالة كتير بحطها في اي كيس لحد ما اوصل و ارميها في صندوق الزبالة حتي قشر اللب و احنا علي الصحراوي بحطه في شنطة او في طفاية السجاير في العربية مش هخسر حاجة و لا الطفاية هتخس لما ارمي فيها قشر اللب.
بس الغريب أني لو أصحابي معايا في العربية و عملت كدة بيبصوا لي و كأني من عالم آخر و بيضحكوا عليا و يمسكوا الزبالة برموها نيابة عني و كأنهم بيعملوا واجب قومي.
و مرة كنت راكب ميني باص و الواد المنادي أكل علبة كشري و رماها في الشارع في مصر الجديدة في وسط الشارع بجد منظر مقرف و كان نفسي اقوم اقلبه انزله تحت الدوبل الوراني بتاع الميني باص بس في واحد كان ماشي جنبنا بعربية و اداله كلمتين في عضمه خلاه معرفش ينطق و بصراحة كنت فرحان فيه بطريقة.
و الغريبة انك بتلاقي ناس راكبة عربيات في منتهي الفخامة بس هما من جواهم لا مؤاخذة....... و تلاقيهم فتحوا الإزاز الكهربا و رموا الزبالة و قفلوا منظر بجد مقرف.
السلام عليكم
طبعاً كنت برمى من العربية فى أى مكان لكن مرة كنت مع واحد حبيبى و قال لى : ( عارف أن الورقه اللى بترميها فى الشارع دى هتشهدلك أو هتشهد عليك ) بصراحة مكنتش مهتم أوى بكلامه لكن فضلت أفكر فيها مدة طويلة و لقيت أن أكيد ربنا ميرضاش بكده و كمان النبى صلى الله عليه و سلم كان عنوان النظام و النظافه مش أحنا بنقول "إلا رسول الله" أكيد لازم نكون مثله .
مش فى كل مكان
اكيد برميها من الشباك تعرف لية
عشانين البلد المعفنة دية مفيهاش صناديق زبالة
وأي واحد عيشلي الدور وبيقول لا احب اقلة لو مبترميهاش في سلة الزبالة يبقي بترميها جو عربيتك اكيد عشان لو حبيت ترميها في سلة مهملات مش هتلاقي
او هتطلع عينك عقبال متلاقي سلة مهملات ييييييييييييييييياحلاوة