هل الألنترا بتاكل بنزين ؟؟؟

**mrx_79** · 13-12-2008 12:00 AM

ازيكم ياجماعة عندي استفسار مهم لأني لسه شاري الالنترا جديد ومكملتش معايا 1000 كيلوا وانا جايبها بتاعة غبور هاي لاين بس حاسس انها بتاكل بنزين فياريت ياجماعة حد يقول لي معدل استهلكاها قد ايه ؟؟

**bassam nagy** · 13-12-2008 11:39 AM

الاستهلاك الكويس للعربية لما تعدى 5000 كيلو هايبتدى يظهر استهلاكها الطبيعى

**mrx_79** · 13-12-2008 04:16 PM

شكرا ياباشا علي الرد بتاعك بس ياريت لو تقول لي معدل استهلكاها قد ايه

**Silver_Arrow** · 18-12-2008 11:16 AM

The consumption is good .
with AC about 10 KM / L (mixed road(
Low AC usage (mixed road( about 11 KM / L
did not try it without AC

**goodman** · 18-12-2008 10:14 PM

أنا عندي بتعمل 13 كم / لتر ... يعني 260 كم / الصفيحة وده داخل البلد ... وفي السفر عملت 303 / الصفيحة ... علما بأن سيارتي هاي لاين خليجي.
مع تحياتي للجميع

**ah_boba_ly** · 18-12-2008 11:43 PM

السلام عليكم ورحمة الله وبركاته
انا فعلا كنت جايب النترا موديل 2008 ايجار ولاحظت انها بتاكل بنزين كتير يمكن زي الفورتشنر الي معايا (2700 سي سي) ويمكن أكتر, انا مش عارف اذا كانت هيا بتستهلك بنزين ولا الخزان بتاعها مش كبير؟؟؟؟؟

**mecho_392** · 19-12-2008 01:37 AM

الماتريكس 2007 بتعمل معايا 630-670 كم لكل 46-47 لتر (اول تفويله و العربيه جديده كنت معدى 660 كم و حطيت 42 لتر) الاستهلاك بيفرق على حسب الشد (النقلات) و التحميل و الحمل على المحرك بس دايما سواقتى معقوله و بنقل عند السرعات الموصى بها فى الكتالوج يعنى لو حسبتها هتلاقى الصفيحه بتعمل 275 كم (محسوبه على اخر تفويله) العربيه عامله 51600 كم
الالنترا موتورها افضل و التكنولوجيا بتعتوا جامده جدا (CVVT) و لازم تكون بتقلل استهلاك البنزين اهم حاجه متقرصش على النقلات انقل فى الحدود دى:
الاول حتى 20 كم و ممكن اقل من بعد بداية الحركة
التانى حتى 40
التالت 55-60
الرابع حتى 75-80
الخامس الجرى بيفرق فى استهلاك البنزين جامد جدا يعنى لو بتمشى 120 جرب امشى على 100 مش هقولك 90 علشان متتخنقش هتلاقى فى اختلاف فى الاستهلاك بسبب تقليل مقاومة الهوا على جسم العربيه تسمى drag force و دى بتعتمد على انسيابية العربيه و المساحة المعرضه للريح.... و ايضا مع السرعات مفاقيد الاحتكاك بتزيد فى الاجزاء الميكانيكية (و دى انت مش بتستفيد منها)....

يعنى من الاخر انقل بعد لما توصل 3000 لفه على عداد ال rpm. لان لو حملت اكتر من كده على الموتور يعنى مثلا 5000 هتلاقى استهلاك البنزين بيزيد لحد %40 او اكتر و دى انا لسه قاريها امبارح فى مرجع انا طالب بكالوريوس هندسة
اسف للاطاله
لو حد شايف حاجه غلط يا ريت يقولى. سلام

**mrx_79** · 22-12-2008 12:00 AM

سلام عليكم ياشباب شكرا علي كل ردودكم بس حابب اقول لكم اني رحت عملت صيانه ال 1000 عند وكيل معتمد وسألت علي الموضوع ده وافادوا ان معدل استهلاكها للتفويله حوالي 450 كيلو واقل من كده في حاله استخدام التكييف بس انا مازلت مش مقتنع وناس تانيه قالوا لي احكم بعد صيانه ال1000 بس مازلت شايف انها استهلكها عالي بس حاسس انه في المقابل الاداء ممتاز جدا لو حد ممكن يسأل في غبور نفسه نشوف رأي الجماعه ايه هناك:b4_048:

**tefeamer** · 22-12-2008 12:23 AM

انا لسة مستلم العربية النترا 2008 يوم الاربعاء الماضى بقالها معايا 4 ايام وحاسس فعلا انها بتستهلك بنزين وانا فعلا عند صيانة 1000 كيلو هسال التوكيل وافدكم بالرد ان شاء الله