لو سمحتم عايز اعرف اية هية فايدة الشفاط وهل اقدر اشغلة على طول ولا لآ خصوصا انة لما يكون مفتوح بقلل جدا من هزة الماتور والتابلوة
تحياتى
احمد فوزى
عرض للطباعة
لو سمحتم عايز اعرف اية هية فايدة الشفاط وهل اقدر اشغلة على طول ولا لآ خصوصا انة لما يكون مفتوح بقلل جدا من هزة الماتور والتابلوة
تحياتى
احمد فوزى
الشفك بيكون موجود في العربيات اللي فيها كاربيراتير.. و فايدته انه يسخن العربيه عند بدايه التشغيل فقط. المفروض انك ماتستعملوش بعد ما العربيه تسخن لأنه هايزود استهلاك البنزين و هيكتم العربيه. لو الموتور عندك بيتهز و التابلوه كمان فده لأن الموتور مش مضبوط.. ممكن يكون عايز يعلى شويه و في الحاله دي الهزه هاتروح. روح لميكانيكي يعليلك الموتور شويه.
اشكرك جدا على الرد السريع
حاول تشوف عداد RPM بكون تقريبا علي 800-900 اقل من كده ممكن تحس برعشه الموتور .
الهزه دي علشان الهوا بتاع العربيه مش مضبوط اضبط الهوا و الكهربا و صوت الموتور و ان شاء الله الموضوع حيتحل
فعلا ممكن تجرب تعلي الموتور شوية من البكره اللي موجودة تحت العمة وشوف الرعشة هتروح ولا لاء بس عامة طبييعي ان يبقي فيه رعشة بسيطة في العربية (بقول بسيطة) في التسخين صباحا لحد ما سرعة السلانسية تتظبط مع سخونة الزيت والمحرك
الشفاط (choke valve) بتشده وانت لسه بتسخن العربيه الصبح وهي بارده وهو يقوم بتقليل كميه الهواء الداخله للموتور وبالتالي زياده كميه الوقود تعلي نسبيا(f/a)هتزيد
ده بيفضل شغال لحد ما العربيه تسخن (warm up) وبعد كده بتنزله تاني لتعود(f/a)لوضعها الطبيعي ولو منزلتوش مش هيحصل حاجه غير ان العربيه هتاكل بنزين وممكن تشرق بس انت لازم تنزله بعد مالعربيه تسخن
وهو نظريا فعلا لو في هزه في الموتور بيلغيها لان انت كانك دايس سنه بنزين
لكن يفضل ضبط الموتور علي السرانسيه دون رفع الشفاط حتي لا تستهلك كميات عاليه من الوقود
اشكر كل الاخوة الافاضل على الاهتمام