-
مشكلة فى أكورد 2003
السلام عايكم يا شبابز
أنا معايا أكورد 2003 اوتوماتك و انهاردة فجأة و انا سايق و مشغل التكيف لقيت الار بى ام عمال يعلى لوحده و العربية بتجرى منغير ما ادوس بنزين و كان فيه ريحة شياط خفيفة جوة العربية.
نقلت على ال p و الار بى ام على ل 3 و اكتر و مش راضيه تاخد اي نقلة تانية.
بطلت العربية و سيبتها حوالى 10 دقائق على ما بصيت على الموتور و لما دورتها تانى و التكييف مقفول اشتغلت طبيعى.
جربت اشغل المروحة من غير تكييف عملت نفس المشكلة على طول و لما قفلت المروحة و بطلت و دورت لقيت الار بى ام برضه بيعلى جامد.
حد قابل مشكلة زى دى او يعرف العربية فيها ايه؟
انا لسة ظابط تاكيهات من اسبوعين لو ده ليه علاقة يعنى.
ألف شكر مقدما
-
ممكن من حساس الايديال محتاج نظافه او تغيير
اغلب مشاكل ال rpm اللى بيلعب منه
-
الف شكر يا باشا على الرد. بس الار بى ام مش بيلعب ده ثابت مكانه.
هو بس بيعلى لما بشغل الهوايات حتى لو التكييف مقفول و اول ما بنقل للبارك بينط ل 3000 تقريبا
لو فضلت ماشى بالعربية بلاقيها بتجرى لوحدها يعنى بتوصل ل 50 او 60 من غير ما ادوس بنزين
-
غالبا فيه مشكلة في ريليه مروحة التكييف.. أو ممكن تكون المشكلة في الدينامو..
أي حاجة بتشتغل بالكهرباء في العربية بتحمل على الدينامو... وده بيعمل حمل زايد على الموتور.. ففي العادة بيخلوا الموتور يزود دورانه شوية بحيث يعادل الحمل الزايد..
اكشف عليها عند كهربائي بيفهم.
-
كشفت عليها و مفيش مشاكل فى الكهربا ولا فيه اعطال على الكمبيوتر. و أخدت بالى ان المشكلة احيانا بتحصل حتى من غير تشغيل التكييف و مش كل مرة بيحصل نفس الار بى ام.
هاخدها لمركز تانى يشوفوها بس انا بدأت اعتقد انها يا اما البوابة بتعلق او الحساس بتاعها مش مش مظبوط.
ربنا يسهل
-
لو فى خرطوم فاكيوم مقطوع ممكت تعمل كدا
هل فى صوت تنفيس - يمكن يكون صعب تسمعه وصوت الموتور عالى لكن حاول تدور على اى صوت تنفيس
فى طريقه بيعملوها عشان يكتشفوا التسريب
بيجيبوا بخاخه ميه ويرشوا خفيف على الوصلات والمانيفولد وبيتابعوا صوت المحرك لو برجل يبقا فى تسريب
طبعا الشغلانه دى محتاجه صبر
وبتمشى حته حته
-
هخلى المركز يبصوا على الموضوع ده. انا فكيت البوابة و نضفتها هى و محبس الايدل و حطيت wd40 على كابل و سوستة البوابة و برضه مافيش فايدة.
انا مستغرب ان كمبيوتر العربية مش مدى أى اعطال.
-
مشكلة ال tps بيدى اشارات غلط للكنترول , الحل هنا حاجتين يتعملة calibration من جديد او تراجع الفيش والوصلات بتاع البوابة والحساسات
-
أستاذ سامح تقصد ايه بال calibration؟ قياس الفولت من ال tps؟ ولا برمجة الكنترول(base idle setting)؟
انا اعرف ان ال tps المفروض يدى 0.5 فولت و هو مقفول و 4.5 فولت و هو مفتوح بس ده بيتغير لو فكيت ال tps من مكانه. و هو عندى لسة ببرشام الفابريكة.
هنضف فيش الحساسات كلها برضه و اشوف ايه اللى هيحصل.
-
بالظبط كدة زى مانت قولت , هيتحط على جهاز كشف اعطال ونشوف القرايات اللى بيطلعها زى مانت قايل كدة ولا لأ
Content Relevant URLs by
vBSEO 3.6.0 PL2