عارفين ياجماعة اللمض الزرقة اللي عاملة زي الزينون اللي بتركب في الاشارات في الفوانيس الخلفي والامامي ياريت اللي يعرف بكام يقلنا عليها
عرض للطباعة
عارفين ياجماعة اللمض الزرقة اللي عاملة زي الزينون اللي بتركب في الاشارات في الفوانيس الخلفي والامامي ياريت اللي يعرف بكام يقلنا عليها
دى عباره عن لمبه فيها كذا ليد مع بعض (حوالى 24 ليد) انا جبتها من التوفيقيه ب 5 جنيه عندنا
انت هتلاقيها عند بتوع الكماليات عندك فى المنصوره قوله لمبه فيها كذا ليد جنب بعض(زى ورده كده وفيها كذا ليد )
دي في المنصوره غليا أوي الوحدة ب 25 جنية أنت متأكد من سعرك
طبعا متأكد انا جايب اتنين منها كمان وكمان كنت مستغليهم !!!!!!!!!!!!
ده عندنا بقى الاسعار رحمه على كده
اللمبة اللى انت قصدك عليها نورها ابيض نيون وليدات ب 20 جنيه اللمبة ودى شكلها
http://img509.imageshack.us/img509/8...lampbigyv4.jpg
يا جوست اتأكد من السعر اذا كان اللمبتين الصغيرين خالص بتوع النور الصغير اللمبة فيها 4 ليدات بس
وبتتباع اللمبتين ب 10 جنيه
http://img155.imageshack.us/img155/6...erpackizl3.jpg
[ قصدك عليها نورها ابيض نيون وليدات ب 20 جنيه اللمبة ودى شكلها
دة الواحدة ولا الاتنين
اللمبة الوحدة ب 20 جنيه والسعر ده كان من شهر كده
انت شكلك قصدك علي شريط ليدات واسمه شريط نور وفيه منه الابيض والازرق هتلاقي الواحد ب15 جنيه عند اي محل اكسسوار
فى اسكندريه الجوز ب 40 جنيه
بس مش بيدوا اضائه حلوه
الليدات دى فى منها لنور التابلو
و ممكن تعل مشكلة فى الكهرباء ولا لا ؟
فى ناس متخصصة فى انوار التابلوه
بص مثلا دى صورة لتابلوه عربيتى
طبعا العدادت لونها احمر غامق بس الفلاش مش مبينها اوى
http://img409.imageshack.us/img409/2251/mywoo2ii6.jpg
واللى اشتريت منه العربية قالى انه عاملهم عند محل فى شارع دمشق بس مش فاكر اسمه
لا ياباشا الليدات متنفعش فى نور التابلوه لانها بتدى إضاءه مركزه والتابلوه عاوز اضاءه عاديه تنتشر فكل اللى بيعمله اى كهربائى يفكلك العدادات ويفكلك اللمبات اللى جوه وجيب علبة اسبراى ب7 جنيه ورش اللمبات دى وركبها تانى (انا عملت كده فى عربيتى وخليت الاضاءه حمراء)
اللمض دى جبتها منين بالظبط يا مصطفى عشان انا عاوز اجيب منها
جبتها من التوفيقيه وموجوده كمان فى ش احمد سعيد او اى حد بتاع كماليات بس الاسعار مختلفه من واحد للتانى
يا جماعه انا ليا سؤال بعد اذنكم هو انا لازم اركب كتاوت للمبات دى ولا اركبها على طول
يعنى مش هتعمل مشاكل فى الكهرباء؟
ولو حد ركب لمبات ثلجى فى الشبورة للانوس يقولنا بليز
طيب بعد اذنك يا حسام باشا مواصفاتها ايه ؟ معلش هتعبك معايا
يا جماعة الليدات البيضا مقاسها مناسب لنور الصالون اللى بيشتغل مع فتح الباب ؟ حاسس إن حجمها كبير
انا بلاحظ دايما فى العربيات النوبيرا كشافات الشبوره بيبقى شغال فانوس واحد بس والتانى فاصل بس اكيد مش فى كل العربيات
هي بتفرق ايه في الاضائه؟؟؟؟
لا ياسيدى
ده سى دى سونى مشغله على السماعتين بتوع الباب
والبايونير مشغله على العده الكبيرة
لمبات الشبورة فرقت معايا بس بسيط جدا جدا
بس شكل الفانوس وهو منور احلى من الاصفر
والمره الجاية ناوى على زينون للشبورة بصراحة مش هيخليك تحتاج النور العالى داخل البلد خالص
شكرا لردك ياكوداك
ممكن صورة للمبة و هي شغالة في الإشارة .
أنا لسه مركبهم برده بس بيدوا 8 ألوان و جبت الجوز ب 12 جنيه
و غيرت الشبورة للون تلجي الجوز ب 45 جنيه بس الأصفر كانت اضاءته أقوى
و ركبت رنجات أمامي صغيره بتشتغل مع النور الجوز ب 15 جنيه بس مخليه منظر الفانوس روعه
انا ركبت طقم لمبات ليدات للفوانيس الخلفية و المحوظات التالية:
1- الاشارات بتنور وتطفي بسرعه (كأن فية لمبة محروقة)و دة لان لمبات الليدات استهلاكها (واتها) قليل مش زي اللمبات البولة فالفلاشر بيسرع
2- الاشارت لما بتنور مابيبقاش لونها أصفر, بيبقى لونة أقرب للأخضر و دة لأن الليدات إضائتها مزرقة, فمع لون الفانوس الاصفر بتكون النتيجه إضاءة خضراء
*** نصيحة ركبوهم للمارشدير و الفرامل و بلاش في الاشارات
انا كمان ركبتهم في الأشارات ومفرقش اي حاجه
ولا مه الاشاره ولا الاستوب ويمكن فرق سنه صغيره مع المرشدير
علشان عندي الفانوس ملون من جواه يعني فيه طبقتين
وحتي الأشاره الاماميه مانفعش فيهم
ايوة بس هل لقيت الفروق اللي قلت عليها عندك برضة وللا لأ
من حيث سرعه الفلاشر و لون الاشارة اخضر شوية !!!
بالمناسبة
انا جبت اللمبات بتاعه الفانتوس الصغير (4 ليدات) ب 10 جنية للجوز
و بتاعه الاشارات و المارشدير ب 25 جنية للجوز
و بتاعه الفرامل (بتبقى درجتين - زي الاتنين بول) ب30 جنية للجوز