المشاركة الأصلية كتبت بواسطة fighter
عربية جميلة جدا لو حالتها نظيفة عن تجربة بعد 128 و 127 و لادا 2105 ولادا 1500
هي احسن من اي واحده فيهم هي مشكلتها الوحيده انها تقيله في الاول و الثاني لكن الثالث معقول و الرابع بتعها يخليك تجيب اي عربية من الاربعة بعد ما تكون فرقت عنك و بعد كده الخامس 150 و انته مطمن علشان هي ثابتة جدا اكتر من 127 و 128 علشان جر خلفي و من اللادا علشان اتقل
و قطع غيارها خليط من 125 و 1300 و 132 و متوفرة كمان انا مركب لها جنوط اسبور و كاوتش 185 /70 ده بيخليها مكلبشة في الارض و انا مسافر بيها علي 140 كم بيعدي من جنبي اتوبيس السوبر جيت طاير في طريق حارتين (الغردقة العين السخنة ) ولا بتتحرك من مكانها ولا بتتهز انا كنت اخد عربية شاهين من صديق لي و ماشي 120 (مصر اسكندرية) ولما كنت اعدي عربية نقل العربية تعوم (مش قوي يعني بس كنت بحس بيها)
ومن مميزاتها تنكها 40 لتر و مش بتاكل بنزين لو الكاربرتير مظبوط لكن لو مش مظبوط فهي غول بنزين و الكاربرتير بتعها 2 باب الباب الثاني بيفتح عند السرعات العالية او الحرق الجامد علي الموتور ففيه ناس بتلغي الباب الثاني علشان توفر بنزين
اما من حيث الوسع فهي واسعة جدا من الداخل و خصوصا الشنطة لان التانك تحت العربية و الاستبن له مكان في ارضية الشنطة
و قعدتها مريحه مش زي اللادا و الفيات الواحد بيحس انه قاعد علي كراسي خشب بتاعة القهوة البلدي او كرسي حمام
كمان فتح الشنطه من الداخل زي اي موديل 2008
ممكن تقلبها عربية 1/2 نقل لان الكنبة الخلفية الدهر بينام و ممكن لو معاك شنط تملاها او اطفال تنام في الخلف و انته مسافر
كمان الدركسيون بتاعها بيتحرك فوق و تحت
كمان لو انت بتفهم في الميكانيكا ولو بسيط لو وقفت منك ممكن تصلحا و انت واقف علشان حوضها واسع جدا و كل حاجة امامك و خصوصا الاسبراتير لان 128 الابلاتين و الكوندنسر كانوا معذبني فيها
بالاضافة لان اهم حاجه فيها ان الكل بيوسعلك و انت ماشي قديم او جديد عكس 127 الي كنت بحس فيها ان كل الناس حتدوس عليا حتي الي ماشيين علي رجليهم
و اهم ميزه و خصوصا لو خبط بيها من الامام او الخلف ان اكصدامها اعلي من اكصدام اي عربية انه مش حيصلك حاجه و حتمشي عادي خالص حي لو لا قدر الله حاجه جامدة لان العفشة و الماتور مش لازقين في اول العربية هما جوه حوالي 30 سم