هل إنت شايف إن التهور في السواقة مرتبط بالشباب ؟

انا شايف معظم الناس مخلية فيه إقتران بين الشباب و التهور و إن الشاب اللي راكب عربية أبوه و أمه جايبنهاله و مش حاسس بتمنها و إن لو عمل حادثة بيجيبوله غيرها و إنه نازل الشارع فقط عشان يلعب و يجري و خلاص عرفنا قصة حياته و أبوه و أمه بمجرد إن شفناه معدي بالعربية ، و لو حصل أي موقف في الشارع بين شاب سايق عربية و راجل كبير سايق، الناس بتغلط الشاب قبل ما تعرف أي حاجة و من غير ما تشوف و مهما كان الموقف فا الشاب هو اللي غلطان .

فين حين إن انا كل يوم عالطريق بشوف الناس و الشعر الأبيض بيزغرط في دماغها بتاخد من أدامي غرز مميتة ! و مميتة بمعني مميتة ... و يبقي معاه مراته و ولاده في العربية و ماشي زي الثعبان في الطريق و غرز غرز غرز .. ده غير إن اما يبقوا ماشيين وراك يبقي لازق فيك يعني لو لمست الفرامل لأي ظرف إنتوا الإتنين ضعتوا ! و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .

انا مش عايز أخوض في حوارات قتلت بحثاَ زي إن الجيل اللي بيشتكي هو اللي ربي الجيل اللي بيشتكي منه في الأساس (هو يعني هيجيبوه من برة !؟) أو إن الشباب اللي بيترمي عليه كل اللوم جه الدنيا أصلاَ لقي البلد بتطلع في الروح .. انا بس هسأل سؤال بسيط جداَ

هل إنت شايف إن التهور في السواقة مرتبط بالشباب ؟

والله عندك حق ياموتورايزر
انا مرة في واحد كان هايتسبب في ان العربية تتقلب بيا او اخبط في سور الكوبري بسبب اني بطأت قدامه في مطلع الكوبري فعشان يعاقبني جه جري ورايا لحد ماعداني وبقي قدامي وعلى منزل الكوبري قعد يعمل حركات زي اللي بتيجي في الافلام الاجنبية لما يقعد ينزق عليك تيجي يمين يقفل عليك اليمين تيجي شمال يقفل عليك الشمال لحد ماكان هايلبسني في سور الكوبري بجد وبقيت اقول ايه المجنون ده بيعمل كده ليه :O_stupid[1]:(طبعا انا مكنتش اعرف ان هو ده اللي كان ورايا في مطلع الكوبري) هديت سرعتي وسبته يعمل العك بتاعه لحد ماخلص وبعدين جريت لحد ماحصلته وبقوله انت ايه اللي بتعمله ده انت كنت هاتموتني :H_angry[1]: واذ بي افاجئ بإنه راجل كبير سنه يعدي ال 40 سنة او 45 مثلا وشعره ابيض شوية وعمال يزعقلي ويقولي انتي مين اللي علمك السواقة ومعرفش ايه وكلام كتير مفهمتوش وبعدين استوعبت انه هو نفس الراجل اللي كان عمال يديني كلكسات علي مطلع الكوبري والظاهر انه افتكرني مش عايزة اعديه فحب يلقني درس مميت كنت هاروح ضحيته انا واختي والعربية المسكينة عشان راجل معندوش لا اخلاق ولا ضمير ولا مخ ولا اي حاجة اصلا والغريب انه بعد مازعقلي ومشي اختى قالتلي مترديش عليه ده اصلا باين عليه مجنون لانه بعد ماعدانا كان هايخبط ولد ماشي علي رجليه وقعد يروح يمين وشمال زي ماعمل قدامنا باين عليه مجنون بجد.
بجد عمري ماكنت اتخيل ان الغل يوصل ببني ادم لدرجة انه يزنق عليا بالطريقة المرعبة دي ولولا ستر ربنا واني اتحكمت في العربية شوية لكنت دلوقتي في عداد الاموات او بعاهه مثلا بسبب تهور الشخص ده منه لله وقع قلبي في رجليا اصلا.
واهوه راجل كبير المفروض انه يكون عاقل ومحتر يعني وميعملش الحركات دي.
بس هو موضوع ارتباط التهور بفئة الشباب ده ليه اسباب ان بعض الشباب مبتكونش فارقة معاه اوي وبيكون عنده طاقة زيادة وبيكون مندفع وتصرفاته مش محسوبة نتيجة لان خبرته في الحياة قليلة والدنيا لسة مبهدلتش فيه يعني زي الناس الكبار اللي عدوا المراحل دي وعقلوا يعني.

مع اني شايفة بقي ان فئة الشباب دي اكتر فئة مظلومة وطالع عينيها وبتعاني بجد وكبرت قبل الاوان بسبب الظروف الزفت اللي نزلت علينا وعلي البلد دي :H_angry[1]:

اقتباس:

---

المشاركة الأصلية كتبت بواسطة MoToRiZeR

و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .

---

موقف حصل معايا قريب ...

كنت ماشي بالعربية فى احد الأحياء الهادئة اللى معروف ان هناك فى تسيب مروري فظيع على اساس ان مفيش عسكرى و كدا ( حى الجامعة-ش.أحمد ماهر)

المهم...ماشي زي اي بني ادم بيسوق ( الشارع كان فاضي خالص ) و لقيت واحد جاي عكس الطريق و منور الفوج و لما لقانى جاي فى وشه قعد يقلبلي عالى ( على أساس ان انا الى جاى فى الإتجاه الغلط يعنى ) ... روحت فاتح النور العالى .. ايوا... و روحت واقف في وشه ... و هو اشتغل كلاكسات وتقليب نور تانى ... روحت واخد يميني ( انا كنت ملتصق بالجزيرة اللى في النص ) و بعدين ببصله لقيته بيقوللى " فية أية يا بنى ؟ "
تخيلوا ؟
في اية يا بني ... ؟
روحت ضاحك كدا و مشيت انا بكلم نفسي و بقول مفيش فايدة ...


اللي يغيظ اكتر و اكتر انه كان راجل شكله عنده اكتر من 50 سنة و من الإستيكر بتاع جامعة المنصورة على العربية .. دا يوضح لكم انه فى الغالب دكتور جامعى ...
:wink:

لما الدكتور الجامعى مش عارف " فى أية ؟ "
مين اللى هيعرف و يمشى فى الإتجاه الصح؟ ... بتاع الكاررو ؟


و طبعا لأ موضوع التهور ملوش دعوة بالشباب و هفضل مصر على موقفى

شكراً

بجد يا جماعه
ربنا يهدي

لسه تالت يوم العيد راجل كبير حوالى 50 سنه محترم معاه بيجو 406 وماشى طاير بعربيته وعمال ياخد فى غرز وفى الاخر خبط ولد بعجله وطبعا ضرب فرامل والحمد لله كنت وراه بمسافه المشكله نزل يبص على عربيته وقعد يشتم فى الولد !!!!!!!!!!!!

اقتباس:

---

المشاركة الأصلية كتبت بواسطة SuccessCre8or

موقف حصل معايا قريب ...

كنت ماشي بالعربية فى احد الأحياء الهادئة اللى معروف ان هناك فى تسيب مروري فظيع على اساس ان مفيش عسكرى و كدا ( حى الجامعة-ش.أحمد ماهر)

المهم...ماشي زي اي بني ادم بيسوق ( الشارع كان فاضي خالص ) و لقيت واحد جاي عكس الطريق و منور الفوج و لما لقانى جاي فى وشه قعد يقلبلي عالى ( على أساس ان انا الى جاى فى الإتجاه الغلط يعنى ) ... روحت فاتح النور العالى .. ايوا... و روحت واقف في وشه ... و هو اشتغل كلاكسات وتقليب نور تانى ... روحت واخد يميني ( انا كنت ملتصق بالجزيرة اللى في النص ) و بعدين ببصله لقيته بيقوللى " فية أية يا بنى ؟ "
تخيلوا ؟
في اية يا بني ... ؟
روحت ضاحك كدا و مشيت انا بكلم نفسي و بقول مفيش فايدة ...


اللي يغيظ اكتر و اكتر انه كان راجل شكله عنده اكتر من 50 سنة و من الإستيكر بتاع جامعة المنصورة على العربية .. دا يوضح لكم انه فى الغالب دكتور جامعى ...
:wink:

لما الدكتور الجامعى مش عارف " فى أية ؟ "
مين اللى هيعرف و يمشى فى الإتجاه الصح؟ ... بتاع الكاررو ؟


و طبعا لأ موضوع التهور ملوش دعوة بالشباب و هفضل مصر على موقفى

شكراً

---

والله يا باشا الراجل ممكن يكون معذور ، يمكن جم في ساعة عصرية كده وغيروا اتجاه الشارع زي ما بيعملوا ، وطبعا ً لا انت ولا الراجل هتعرفوا الاتجاه الصح فين :dzey:

التهور مش مرتبط بالشباب و لكنه مرتبط بالشباشب الي بتسوق

الحسنه تخص والسئة تعم ...
والشباب كله سيئات ... من 18 سنة ل 25 سنة معروف ان السن ده بيبقى متهور وسريع وميعملش حساب حد معاه فى الطريق ..( تفكير جاهل ) .
انا لما ببقي سايق وحد يعمل حركة غبية واجى جمبه علشان اهزقه والاقيه رجل كبير ببعد عنه تماااااامااااا لانى عارف انه هيقول ان ده شباب متهور ومجانين وبتاع ومش ممكن يعترف بخطاه ابداا ...
النهارده واحدة داخلة الميدان عندنا غلط ... ماشية عكس .
وكنت هلبس فيها وش فى وش على طول والحمد لله خدت بالى قبلها . وفضلنا واقين قدام بعض لفترة ..
وفى الاخر راحت قلت ادبها و قعدت تشتم وسكت مردتش وفضلت واقف بتاع 10 دقايق قدامها .. لغاية لما جه راجل قالها يا مدام انتى داخلة عكس وهو اللى صح ..
راحت داخلة شارع جانبي وطارت من غير ما تعتذر حتى !!!

بصراحه انا اللى شفته واعرفه ان معظم الشباب وليس كله متهور وده من اللى شفته بعينى من جرى وامريكانى وعدم التزام وقله ادب وعدم احترام من فئه الشباب اللى ماتعبش فى القرش او معتمد على والده ووالدته

صحيح ممكن يكون كبار كمان بيعملوا كده لكن مش للدرجه دى

انا في رأيي ايوة يا جماعه التهور في السواقة في الغالب الاعم مرتبط بالشباب...ودة طبيعي لان مرحلة الشباب هي اعلي مراحل الحيوية والطاقة و النشاط عند الانسان...وايلي ما بيقدرش يتحكم ويوجة الطاقة دي صح...بنشوف منهم حجات كتير غير التهور في السواقة...
يعني اغلب ايلي بيتحرش بالبنات في الشوارع من الشباب..
اغلب ايلي بيبلطج ...ويقل ادبة...ويتخانق علي الفاضية والمليانة..من الشباب..
اغلب ايلي بيعملوا حوادث نتيجة خطأ بشري ...وغالبا سرعه فائقة..من الشباب
اغلب ايلي قاعد علي القهاوي (بما فيها الكفايهات الحديثة) وبيدخن...من الشباب...
اغلب ايلي علي النت ....وبيدردش ...من الشباب..
اغلب ابطال الرياضين من الشباب....


الشباب هو سن الطاقة والانتاج ...واغلب الاندافعات الهرمونية بتتم في الوقت دة...
والشباب برضة علشان الناس تبقي عارفة....من سن المراهقة ...يعني من 17 ولا 18 سنة ....لحد 40 سنة...
بعد الـ 40 سنة ...دي مرحلة العقل الراجع ...ومحاسبة النفس علي كل صغيرة وكبيرة ...ومرحلة بداية النهاية...الاياقاعات الحيوية بتقل ...وطاقة الجسم بتخبو..

وطبعا لكل قاعدة شواز...يعني ممكن تلاقي واحد كبير بيتصابي...ودة حالة من حالات الخلل السلوكي او النفسي...
وفي شباب ..مالوش في الجري والسخونة...والحجات دي....

وعموما ربنا يهدي الناس كلها...

------------------------
ملحوظة هامة....
ما زلت في مرحلة الشباب......

كلامك صح %100 و دايما بفكر فيه, انا ممكن اجرى اوقات لو مستعجل لكن تهور لدرجة التخلف العقلى و سواقين المكروباصات لأ و ساعات اخد غرز بمزاجى لكن بكون حريص و غرز هنا يعنى سرعات معقوله تخلينى اقدر اتحكم مع مراعاة غباء الاخرين.
انا اخترت الشباب رغم انى شاب داخل فى ال22 و من حوالى سنه كده و انا مش بتهور و بسوق بهدوء رغم ان السواقه الهاديه متنفعش فى الغابه اللى بنسوق فيها :majd(2):
لكن الحقيقه ان الشباب عقلهم متفاوت فى منهم اللى عقله صغير جدا و بيستغبى و يقرف غيره من غير سبب و فى الهادىء اللى يشلك و فى المعتدل...
و ايضا الناس الكبيره دماغها بتبقى اكبر شويه و فى منهم اللى دماغه صغيره جدا بس ارحم من الشباب شويه. على الاقل مش هتلاقى واحد كبير بيجرى و جايب 140-160 على طرق عموميه و فيها بنى آدمين.. معظمهم شباب و متفهمش بيستفيدوا ايه و لو حصل حاجه بيضيعوا كلهم.....
دا رأيى انا و طبعا كلنا عارفين موضوع اصل امه اللى جيبهاله... رغم ان ماما مش بتشتغل و مش بتسوق يا دوب بتطبخ و تتفرج على التليفزيون و غلبانه :biggrin2:
تحياتى

بصراحة انا عن نفسى شاب متهور أحسن من مليون واحد عاقل ما بيعرفش يسوق كل معرفته بالسواقة هى المشى على الشمال بسرعة 30 ك/س و فرامل عمال على بطال و على فكرة انا لما ببقى سايق و الاقى شاب متهور زى ما الناس بتقول بعديله و اطنش و أقول ما انا كنت فى يوم من الايام باعمل كده و أكتر انما لما يبقى راجل كبير و كباره و يعمل حركات و يطلع اللى حواليه على الرصيف يبقى ده يستاهل ضرب أبو وردة على أم رأسه

ربنا يهدي الجميع

انا شايف ان التهور مش مرتبط بالشباب بس هو غالبا الى بيتهور الشباب و لكن ده ميمنعش ان الكبار برده ساعات بيكونو متهورين جدااااااااااااا و اكتر من الشباب كمان ابسط مثل شوف سواقين المقطوره بيبقو غالبا سنهم كبير و تلاقيه ماشى اكن الطريق ده هو الصاله الى فى بيته يمين فى شمال و طاير ولا فى دماغه .

بص يا مستر محمود....أولاً لازم نفرق بين سلوكيات القيادة المنيلة بستين نيلة و اللى كلنا مهما حاولنا تجنبها بيجى و قت بنقع فيها....زى المشى ببطء فى الشمال و المشى عكس ع الاتجاه...و الوقوف فى امكان خطأ زى مطالع الكبارى و التقاطعات...الخ.و مابن التهور و اللى بالنسبة لى مقترن بشكل رئيسى بالجرى بسرعات كبيرة فى اماكن ماتسمحش بالأضافة طبعاً للغرز الغبية و عدم ترك مسافة فاصلة مناسبة خاصةً ع السرعات العالية....وده فى رأيى الشخصى بيبقى مرتبط اكتر بالسن الصغير...يعنى الخلاصة الاخطاء و السلوكيات الهباب هتلاقيه عند الكل...و التهور بشكل خاص عند الشباب...و ده طبعا مش معناه ان كل الشباب كده و لا معناه برده ان مافيش ناس كبيرة ما بتتهورش...بس ان شايف الموضوع عند الشباب زايد شوية...حتى يبانلك من الموضوعات الكتير من نوعية انا شديت بال 125 بتاعتى مع كورولا و و ربنا نصرنى عليه :b4_611: ....و "و انا ماشى بال 128 بتاعتى 200 خدت غرزة من بى ام" الى اخره من الموضوعات الغنية عن التعريف.....و اعتقد ان الدليل على كده انك لو سألت ناس كتير هتقولك انها كانت بتسوق بتهور فى الأول...فى بدايتها مع السواقة و انا نفسى كنت بسوق بسرعة فى اوقات كتير بس بعقل ...لحد ما بقيت من مستخدمى الدائرى...بدأت اقلق و احس ان الموضوع ممكن يقلب بمصيبة..نتيجة اخطاء الغير.
بالنسبة لنظرة الناس للشباب اللى راكبين عربيات و ان اهاليهم جايبها لهم ...فده عادى ...زى نظرة الناس للى راكب عربية عموما اى كان نوعها...لو خبط حد هيقلولك عشان انت راكب عربية....او لو زمرت لحد واقف فى نص الشارع هيبصلك بمنتهى الأشمئزاز....بس ده ما يمنعش ان النظرية بتبقى صحيحة فى الكثير من الحالات...و أسف ع الاطالة.

[grade="800080 800080 800080 800080"]اولا.. أهنيك يا موتورايزر علي الموضوع ده
ثانيا.. مش كل تهور يبقي مرتبط بالشباب , لان برضه فيه رجالة و ستات كبار و شعرهم شايب و بيسوقوا بتهور شديد و خاصة علي الطرق السريعة

المشكلة بصراحة تتلخص في حالة عدم الالتزام اللي بنعيشها و اللي انبثق منها التهور و سلوكيات القيادة الخطأ اللي كلنا بنشترك فيها سواء بقصد أو غير قصد[/grade]

اقتباس:

---

المشاركة الأصلية كتبت بواسطة hero

انا في رأيي ايوة يا جماعه التهور في السواقة في الغالب الاعم مرتبط بالشباب...ودة طبيعي لان مرحلة الشباب هي اعلي مراحل الحيوية والطاقة و النشاط عند الانسان...وايلي ما بيقدرش يتحكم ويوجة الطاقة دي صح...بنشوف منهم حجات كتير غير التهور في السواقة...
يعني اغلب ايلي بيتحرش بالبنات في الشوارع من الشباب..
اغلب ايلي بيبلطج ...ويقل ادبة...ويتخانق علي الفاضية والمليانة..من الشباب..
اغلب ايلي بيعملوا حوادث نتيجة خطأ بشري ...وغالبا سرعه فائقة..من الشباب
اغلب ايلي قاعد علي القهاوي (بما فيها الكفايهات الحديثة) وبيدخن...من الشباب...
اغلب ايلي علي النت ....وبيدردش ...من الشباب..
اغلب ابطال الرياضين من الشباب....


الشباب هو سن الطاقة والانتاج ...واغلب الاندافعات الهرمونية بتتم في الوقت دة...
والشباب برضة علشان الناس تبقي عارفة....من سن المراهقة ...يعني من 17 ولا 18 سنة ....لحد 40 سنة...
بعد الـ 40 سنة ...دي مرحلة العقل الراجع ...ومحاسبة النفس علي كل صغيرة وكبيرة ...ومرحلة بداية النهاية...الاياقاعات الحيوية بتقل ...وطاقة الجسم بتخبو..

وطبعا لكل قاعدة شواز...يعني ممكن تلاقي واحد كبير بيتصابي...ودة حالة من حالات الخلل السلوكي او النفسي...
وفي شباب ..مالوش في الجري والسخونة...والحجات دي....

وعموما ربنا يهدي الناس كلها...

------------------------
ملحوظة هامة....
ما زلت في مرحلة الشباب......

---

اقتباس:

---

المشاركة الأصلية كتبت بواسطة SS

بص يا مستر محمود....أولاً لازم نفرق بين سلوكيات القيادة المنيلة بستين نيلة و اللى كلنا مهما حاولنا تجنبها بيجى و قت بنقع فيها....زى المشى ببطء فى الشمال و المشى عكس ع الاتجاه...و الوقوف فى امكان خطأ زى مطالع الكبارى و التقاطعات...الخ.و مابن التهور و اللى بالنسبة لى مقترن بشكل رئيسى بالجرى بسرعات كبيرة فى اماكن ماتسمحش بالأضافة طبعاً للغرز الغبية و عدم ترك مسافة فاصلة مناسبة خاصةً ع السرعات العالية....وده فى رأيى الشخصى بيبقى مرتبط اكتر بالسن الصغير...يعنى الخلاصة الاخطاء و السلوكيات الهباب هتلاقيه عند الكل...و التهور بشكل خاص عند الشباب...و ده طبعا مش معناه ان كل الشباب كده و لا معناه برده ان مافيش ناس كبيرة ما بتتهورش...بس ان شايف الموضوع عند الشباب زايد شوية...حتى يبانلك من الموضوعات الكتير من نوعية انا شديت بال 125 بتاعتى مع كورولا و و ربنا نصرنى عليه :b4_611: ....و "و انا ماشى بال 128 بتاعتى 200 خدت غرزة من بى ام" الى اخره من الموضوعات الغنية عن التعريف.....و اعتقد ان الدليل على كده انك لو سألت ناس كتير هتقولك انها كانت بتسوق بتهور فى الأول...فى بدايتها مع السواقة و انا نفسى كنت بسوق بسرعة فى اوقات كتير بس بعقل ...لحد ما بقيت من مستخدمى الدائرى...بدأت اقلق و احس ان الموضوع ممكن يقلب بمصيبة..نتيجة اخطاء الغير.
بالنسبة لنظرة الناس للشباب اللى راكبين عربيات و ان اهاليهم جايبها لهم ...فده عادى ...زى نظرة الناس للى راكب عربية عموما اى كان نوعها...لو خبط حد هيقلولك عشان انت راكب عربية....او لو زمرت لحد واقف فى نص الشارع هيبصلك بمنتهى الأشمئزاز....بس ده ما يمنعش ان النظرية بتبقى صحيحة فى الكثير من الحالات...و أسف ع الاطالة.

---

[align=center]
+1000000000000[/align]

والله مش مرتبطة بالشباااب خاالص فية ناس عندها 50 سنة ومتهورين اكتر من الشبااب

انا مرة في واحد كان هايتسبب في ان العربية تتقلب بيا او اخبط في سور الكوبري بسبب اني بطأت قدامه في مطلع الكوبري فعشان يعاقبني جه جري ورايا لحد ماعداني وبقي قدامي وعلى منزل الكوبري قعد يعمل حركات زي اللي بتيجي في الافلام الاجنبية لما يقعد ينزق عليك تيجي يمين يقفل عليك اليمين تيجي شمال يقفل عليك الشمال لحد ماكان هايلبسني في سور الكوبري بجد وبقيت اقول ايه المجنون ده بيعمل كده ليه (طبعا انا مكنتش اعرف ان هو ده اللي كان ورايا في مطلع الكوبري) هديت سرعتي وسبته يعمل العك بتاعه لحد ماخلص وبعدين جريت لحد ماحصلته وبقوله انت ايه اللي بتعمله ده انت كنت هاتموتني واذ بي افاجئ بإنه راجل كبير سنه يعدي ال 40 سنة او 45 مثلا وشعره ابيض شوية وعمال يزعقلي ويقولي انتي مين اللي علمك السواقة ومعرفش ايه وكلام كتير مفهمتوش وبعدين استوعبت انه هو نفس الراجل اللي كان عمال يديني كلكسات علي مطلع الكوبري والظاهر انه افتكرني مش عايزة اعديه فحب يلقني درس مميت كنت هاروح ضحيته انا واختي والعربية المسكينة عشان راجل معندوش لا اخلاق ولا ضمير ولا مخ ولا اي حاجة اصلا والغريب انه بعد مازعقلي ومشي اختى قالتلي مترديش عليه ده اصلا باين عليه مجنون لانه بعد ماعدانا كان هايخبط ولد ماشي علي رجليه وقعد يروح يمين وشمال زي ماعمل قدامنا باين عليه مجنون بجد.
بجد عمري ماكنت اتخيل ان الغل يوصل ببني ادم لدرجة انه يزنق عليا بالطريقة المرعبة دي ولولا ستر ربنا واني اتحكمت في العربية شوية لكنت دلوقتي في عداد الاموات او بعاهه مثلا بسبب تهور الشخص ده منه لله وقع قلبي في رجليا اصلا.



نفس الموقف تماما فى مطلع كوبرى الازهر وقف فجاة لماذا لا اعلم ولم تكن امامه اى سيارات ولكن وفى المنتصف تماما تخيلوا الكارثة قام ييجى يمين وشمال عشوائى وكادت السيارة تصطدم بسور الكوبرى ونحن فى اعلى نقطه منه لولا ستر ربنا ومهارة اخى لكنا اموات ميته لا يعلم بها الا الله المصيبه انه راجل كبير

انا لحد دلوقتي محصليش مواقف مع اي شاب
معظمهم ناس كبيرة
في العيد الي فات مثلاً
ماشي على كوبري قصر النيل باليل الساعة 3 و عربية ورايا جيب ( فورد ) منور النور العالي
المهم شاورلتله انه يطفي النور قعد يقلب و مطفاش
المهم في اخر الكوبري في صينية عند الأوبرا بلف من عندها و انا ماسك الشمال لقيته حدف عليا بغباء و هدى مرة واحدة و فتح
المهم قولت مش هسيبه
روحت حارق على الاول و حرقت جامد على التاني ( لدرجة ان العربية فصلت ) مش عارف كدة غلط و لا عادي برصاحة انا اتخضيت ساعتها
و رحت جايبه و مديله انتظار و كسرت بغباء قوي عليه لحد ما سمعت صوت الكاوتش بتاعه في الارض
مرة تانية تالت يوم العيد في شارع فيصل ( الشارع بيبقى واقف طبييعي جداً ده العادي بتاعه )
المهم واقف على اقصى اليمين و مدي انتظار كمان
لقيت قطر معدي من جنبي و راح مطير المراية الشمال
روحت طالع و سلك نفسي و جبته و نزلتله لقيته راجل كبير و بيقولي انا واقفلك و الله ما تضربش و انا اجيبلك واحدة غيرها
المهم واحد جه ورايا و جايب المراية لقيتها سليمة ركبتها و مشيت

اقتباس:

---

المشاركة الأصلية كتبت بواسطة MoToRiZeR

انا شايف معظم الناس مخلية فيه إقتران بين الشباب و التهور و إن الشاب اللي راكب عربية أبوه و أمه جايبنهاله و مش حاسس بتمنها و إن لو عمل حادثة بيجيبوله غيرها و إنه نازل الشارع فقط عشان يلعب و يجري و خلاص عرفنا قصة حياته و أبوه و أمه بمجرد إن شفناه معدي بالعربية ، و لو حصل أي موقف في الشارع بين شاب سايق عربية و راجل كبير سايق، الناس بتغلط الشاب قبل ما تعرف أي حاجة و من غير ما تشوف و مهما كان الموقف فا الشاب هو اللي غلطان .

فين حين إن انا كل يوم عالطريق بشوف الناس و الشعر الأبيض بيزغرط في دماغها بتاخد من أدامي غرز مميتة ! و مميتة بمعني مميتة ... و يبقي معاه مراته و ولاده في العربية و ماشي زي الثعبان في الطريق و غرز غرز غرز .. ده غير إن اما يبقوا ماشيين وراك يبقي لازق فيك يعني لو لمست الفرامل لأي ظرف إنتوا الإتنين ضعتوا ! و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .

انا مش عايز أخوض في حوارات قتلت بحثاَ زي إن الجيل اللي بيشتكي هو اللي ربي الجيل اللي بيشتكي منه في الأساس (هو يعني هيجيبوه من برة !؟) أو إن الشباب اللي بيترمي عليه كل اللوم جه الدنيا أصلاَ لقي البلد بتطلع في الروح .. انا بس هسأل سؤال بسيط جداَ

هل إنت شايف إن التهور في السواقة مرتبط بالشباب ؟

---

+11111111111

هو مرتبط بالشباب بس انا شايف ان فى شباب كويس كتير فى السواقة متهور بس عارف امكانياتة وحدودة وفى شباب متهور بغباء بيقلد ويجرى وخمس وخلاص ودة هو الخطر بعينة .

ايواننننننننننننننننننننن نننننننن
سواقة الشباب سريعة - متهورة
- رد فعله سريع اذا اتقابلتوا في تقاطع - بيكون أقرب حل للواقع والحياة الواقعية سواء يقف ويسيبك تعدي او يقطع عليك الطريق بطريقة تخليك ماتلمسشي الفرامل
- اذا الطريق اتقفل وانت في وش شاب متهور وسريع ، العند والكبر مش بيركبه وبيكون سريع في انه يحاول يعدي معاك لو العربية تعدي على الشعرة ولو متعديش مابيحاولشي واللي بيرجع في الحالة اللي شايف نفسه اقرب للنقطة الواسعة في الطريق من غير تناكة ولا صوت عالي ولا قلة أدب
- الشاب لما بيلاقي اي نوع تاني ماسك شمال وماشي بالراحة مش بيحجر دماغه ويقلب نور ويضرب كلاكسسات بيدي اشارة وينزل هو يتخطى من اليمين ( رد فعل خاطئ لتصرف خاطئ من الأصل ) لأن اللي ماشي في الشمال مش هيوسع طبعا ونقيس على كدة مواقف كتيييير
في طبعا نسبة كبيرة ( غالبا بيكون عيل - مش مدرك للمسؤولية اساسا ) سواقتهم متهورة وأقرب للهبل منها للسواقة اصلا دول الله يحرقهم
المشاكل اللي ان قلتها في الأول اكتر مشاكل بتقابلنا وبيكون رد فعل اللي قدامك مش تمام في اي حالة تانية
يعني مثلا لو ست سايقة او بنوتة رقيقة فاهمة ان المفروض الشارع كله يقف وهي تعدي الأول زي مانكون داخلين الأسانسير مثلا
طبعا مش هنتكلم عن صنف السواقين عشان دول سواقتهم عبارة عن حرب نفسية مع بتوع الملاكي
انا رأيي في الآخر ان التهور مش مرتبط بسواقة الشباب لكن سرعة رد الفعل هي سمة سواقة أغلب الشباب ودا طبعا بيكون مشكلة للناس اللي بتفكر كتير وهي سايقة وفي الآخر ممكن رد فعلها يكون غلط مش صح مع انه خد وقت كتير في التفكير

لكل قاعدة شواذ
يعنى الطبيعى ان التهور مرتبط بالشباب
لكن ميمنعش وجود عواجيز متهورين

التهور فى السواقه مرتبط باللامبالاه وعدم الاحساس بالمسئوليه ...

لا اكيد مش الشباب بس

كل السائقين المصريين متهورين ( مش أقل من 95 % )
و المتهورين درجات أكثرهم
سائقي الميكروباص و الشباب
سائقي النقل الخفيف و الثقيل
سائقي الملاكي فيهم المتهور المتخلف و دول كتير قوي قوي ..... و فيهم القلة المحترمة .... بس قلة قليلة مش باينة

هي مصر عايز تتمسح من أول و جديد و نبني على نظافة

اقتباس:

---

المشاركة الأصلية كتبت بواسطة tutankhamoun

هي مصر عايز تتمسح من أول و جديد و نبني على نظافة

---

من يوم ما اتولدت وانا بفكر فى حل تانى بس اعتقد ان مفيش غير كدا فعلا ..:36_7_4[1]::36_7_4[1]:

التهور فى السواقة مرتبط بالشباب طبعا ... بس كل قاعدة ليها شواذ

عندك حق يا اخي هناك سن خطر للرجال بعد 50سنة و خصوصا لو اشتري العربية بعد ما كبر و طلع عينه بيبقي عايش في دور الروش اللي عاوز البنات تاخذ بالها منه(اقصد من العربية طبعا)ربنا يستر علينا لما توصل لهذا السن

لالالالالالالالالالالالال الالالا

انا عن نفسى شايف انه مرتبط و مش مرتبط بمعنى ان فيه شباب كتير جدا متهورين بس برضه فيه ناس كبيره برضه اكثر تهور من الشباب يعنى مره كنت راجع من كارفور و رايح ميامى و شفت واحد فى المرايا معاه سكودا اوكتافيا واخد الشارع تمليك قاعد ماشى شمال فى يمين و ياخد الطريق من اخر الشمال لحد اخر اليمين بالعرض تقريبا المهم استنيته لحد ما جه ورايا و بصراحه مرضيتش اعديه و هو قعد يقلب نور و يدى كلاكسات قمت انا مديله انتظار و ولا كأنى سامع حاجه و بعدين اللى جنبى جرى شويه اتفتحت غرزه قدامه قام جى طاير و خابط فى مرايتى و حادف عليا خلانى الزق فى الرصيف و الحمد لله مطلعتش عليه قمت جارى وراه و مسبتهوش جبته عند البحر قلبتله نور و اديتله كلاكسات قام جارى و اما لقانى وراه بقى يزنق عليا لدرجه انه كان بيفرمل عليا(يعنى يجرى و اما يلاقينى وراه على طول يكبس فرامل عايز يلبسنى فيه من ورا و حبقى انا الغلطان) المهم اما عمل كده مسبتهوش عملت زى ما عمل و اكتر شويه جه جنبى و قالى انا العب معاك ماشى لكن أتغاشم لأ !!!!!!!!! بصتله و انا مذهول و كان جنبى واحد صحبى ركنت و خليته ينزل يسوق مكانى من كتر ما حرق دمى و اعصابى المشكله انه كان اقرع و حبه الشعر اللى عنده بييييييييييييييض !!
و اسف على التطويل

اقتباس:

---

المشاركة الأصلية كتبت بواسطة MoToRiZeR

انا شايف معظم الناس مخلية فيه إقتران بين الشباب و التهور و إن الشاب اللي راكب عربية أبوه و أمه جايبنهاله و مش حاسس بتمنها و إن لو عمل حادثة بيجيبوله غيرها و إنه نازل الشارع فقط عشان يلعب و يجري و خلاص عرفنا قصة حياته و أبوه و أمه بمجرد إن شفناه معدي بالعربية ، و لو حصل أي موقف في الشارع بين شاب سايق عربية و راجل كبير سايق، الناس بتغلط الشاب قبل ما تعرف أي حاجة و من غير ما تشوف و مهما كان الموقف فا الشاب هو اللي غلطان .

فين حين إن انا كل يوم عالطريق بشوف الناس و الشعر الأبيض بيزغرط في دماغها بتاخد من أدامي غرز مميتة ! و مميتة بمعني مميتة ... و يبقي معاه مراته و ولاده في العربية و ماشي زي الثعبان في الطريق و غرز غرز غرز .. ده غير إن اما يبقوا ماشيين وراك يبقي لازق فيك يعني لو لمست الفرامل لأي ظرف إنتوا الإتنين ضعتوا ! و انا بصراحة ببقي مستغرب جداَ و انا عندي 21 سنة و بجري ورا واحد عنده 40 ولا 50 سنة عشان أقوله سوق كويس إنت مش لوحدك في الشارع .

انا مش عايز أخوض في حوارات قتلت بحثاَ زي إن الجيل اللي بيشتكي هو اللي ربي الجيل اللي بيشتكي منه في الأساس (هو يعني هيجيبوه من برة !؟) أو إن الشباب اللي بيترمي عليه كل اللوم جه الدنيا أصلاَ لقي البلد بتطلع في الروح .. انا بس هسأل سؤال بسيط جداَ

هل إنت شايف إن التهور في السواقة مرتبط بالشباب ؟

---

التهور في السواقة و السرعة مرتبط بالشباب

الدليل إن التأمين على العربية أغلى لم يكون السايق شاب

التأمين على عربية بيسقها واحد و ابنه أغلى من لو الاب بيسوق لواحده

طبعا ده النظام في أوروبا و أمريكا و هذا مبني على إحصائيات.

التهور فعلا موش مرتبط بالشباب وان كان في شباب متهورين جدااااااااا بس مش الاغلبيه

لا صدقونى مش شرط فى ناس كبيرة بتجرى جرى رهيب زى بابا مثلا على طول 160 170 على الصحراوى معرفش اية حبة فى كدة بس هو صراحة شغلة كتير اوى وصعب

التهور فعلا مش مرتبط بالشباب لان فى ناس كبيرة متهورة وكلنا عارفين ان الراجل لما سنة بيكبر عقلة بيصغر فبيتصرف تصرفات شباب وممكن يغرز وانا شوفت دة بعينى ولكن طبعا انا مش بقول كلة كدة فى ناس كبيرة هادية وراسية وعاقلة جدا ودى الاغلبية

اقتباس:

---

المشاركة الأصلية كتبت بواسطة samofox

التهور فعلا مش مرتبط بالشباب لان فى ناس كبيرة متهورة وكلنا عارفين ان الراجل لما سنة بيكبر عقلة بيصغر فبيتصرف تصرفات شباب وممكن يغرز وانا شوفت دة بعينى ولكن طبعا انا مش بقول كلة كدة فى ناس كبيرة هادية وراسية وعاقلة جدا ودى الاغلبية

---

معلش مع احترامى ليك مين قالك ان فيه تناسب عكسى بين السن والعقل
بالعكس انا شايف ان الطبيعى مع تقدم العمر العقل يتفتح وينضج
بس اكيد مفيش مقاييس ابدا
انا بربط التهور فى السواقه بالوعى والمسؤلية
يعنى فيه بصراحة شباب بحس انهم مسؤليين وفعلا وبحس فيهم روح المسؤليه والوعى والخوف على النفس والاخرين
وفيه شباب تانى فى التوهان
اذن الموضوع مش مرتبط بسن وربنا يكفينى ويكفيكم شر الطريق

أعتقد ان اللي راكب العربية بغض النظر عن سنه يا إما تعبان في فلوسها (حاسس بالمسئولية) دا حتى لو اتهور هيبقى بحساب واكيد مش هيهور ويعمل حاجة هبلة الا نادر
اللي مش حاسس بالمسئولية ( بابي جابله العربية & او عربية مامي ) دا هيبقى اكيد متهور وبهبل كمان
وانا صغير (قبل ماطلع رخصة يعني وانا عندي حوالي 16 سنة) ماشي بعربية الوالد(مقلبها طبعاً) وقفشت على راجل كبير عشان طلع من شارع جانبي مرة واحدة (بس انا كنت طاير في الرئيسي)وقفت وقعدت ازعق معاه لحد ماراح قاللي يابني انت معاك رخصة رحت جاري
التهور مرتبط بالاحساس بالمسئولية ومن ساعة الواحد ركب عربية بتعبه ببقى عايز اشيلها من الأرض وامشي بيها في المطبات والشوارع المكسرة واذا اتهورت بالكتييييير اوي غرزة ولا جري مع عربية حتة صغيرة مرة وتعدي سليمة وخلاص على كدة

الى حد كبير

ونادراً ما يكون المتهور فى القيادة شخص ناضج