فتيس الاتومتيك

**EmadHamdy916** · 05-06-2018 10:53 AM

السلام عليك عندي مشكلة لو حد بيفهم في العربيات عربيه النترا 2005 اوتوماتيك١٥٠٠ سي سي.
ساعات وانا ماشي على ال d والسرعة تقريبا مثلا في حدود الاربعين الفتيس صوته يعلى وال rpm يرتفع والفتيس مش بينقل وكانه على الاول او بالكتير التاني ده بيستمر ثانيتين مثلا وبعدين يختفي عملتها كذا مره الكلام دا بعد تغيير البطاريه والزيت بتاع الفتي. ..ودلوقتي مش راضيه تنقل علي الخامس ...وفِي الطلوع كانك طالع علي التاني الكلام دا اول مره يحصل ..

**borio1704** · 05-06-2018 02:20 PM

واضح إن الزيت اللي اتغير مش بتاعها..

إيه اسم الزيت اللي حضرتك حطيته؟؟

عموما.. الإيلانترا والهيونداي عموما له زيت مخصوص.. مش أي زيت يتحط وخلاص.. ولما تيجي تتعامل مع العربية في تغيير الزيوت أو أي سوائل.. لازم ترجع لكتالوج العربية.. لإن العربية متصممة علشان تشتغل باستخدام الزيوت دي.. مش أي حاجة تانية.

الزيت بتاعها اسمه ATF SP-III (أو SP-3)... والزيت ده موجود في كذا ماركة

أي زيت تاني هيعمل مشاكل زي اللي بتحصل معاك دلوقتي.

الزيت موجود عند ميتسوبيشي وهيونداي وكيا.. وكمان موجود عند ماركة اسمها مانول...

المهم إنك لما تيجي تشتري تتأكد إن علبة الزيت مكتوب عليها SP-3 أو SP-III...

خد بالك كويس... مش أي زيت مكتوب عليه (III) يمشي معاك... لازم تلاقي SP-III.

ارجع للمواضيع دي لو عايز معلومات أكتر..

زيت الفتيس atf sp-iii هو ال atf 320 ؟
زيت فتيس فيرنا اوتوماتيك؟
زيت الفتيس فى التوكيل هيونداى النترا

وعلشان تتأكد بنفسك... مواصفات الزيوت موجودة في الكتالوج صفحة 9-4 (صفحة 234 في ملف الـpdf)

وده رابط للكتالوج:
Hyundai Elantra 2004 - Owners Manual

...