الى المهندس المحترم بوريو ؟ هل زيوت المحركات ايسين الكورى زيوت موثوق بها ؟ لانى ناوى احول الى تخليقى ذات لزوجه 5/30 كما رشحت لى هذه اللزوحه سابقا ولكم جزيل الشكر
عرض للطباعة
الى المهندس المحترم بوريو ؟ هل زيوت المحركات ايسين الكورى زيوت موثوق بها ؟ لانى ناوى احول الى تخليقى ذات لزوجه 5/30 كما رشحت لى هذه اللزوحه سابقا ولكم جزيل الشكر
أهلا وسهلا بحضرتك... وكل سنة حضرتك طيب...
وأدعو الله إني أقدر أساعدك فعلا..
بالنسبة لشركة آيسن..
آيسن مش كوري... آيسن شركة يابانية تابعة لمجموعة تويوتا بتصنع أجزاء كتير في العربية منها أجزاء في الفرامل والدبرياج والموتور والبودي .. وهي أكبر وأهم و مُصَنّع في العالم للفتيس.. وأكثرهم جودة وأقلهم في الأعطال.
باختصار.. آيسن هي اللي ادت لتويوتا اعتماديتها المعروفة عنها.
ادخل هنا علشان تتعرف على قوة المجموعة أكتر...
Aisin
بالنسبة للزيت...
زيت آيسن بلزوجة 5W-30 الموجود في مصر هو زيت "تكنولوجيا تخليقية".. يعني مدة خدمته لا تزيد عن 6 أشهر في الموتور (زي زيت موبل1)
الزيت مطابق لمواصفة API SN و ILSAC GF-5 .. وموفر في استهلاك الوقود (Energy Conserving)...
ودي المواصفات المطلوبة في 95% من السيارات اليابانية والكورية.
دي الداتا شيت بتاعته:
AISIN Fully Synthetic Motor Oil SN 5W 30 40 50 Product Datasheet
عيبه الوحيد من وجهة نظري إنه غير مطابق لمواصفات ACEA الأوروبية.. أو على الأقل.. مش مكتوب في الداتا شيت إنه مطابق لها.
على العموم.. دي مش مشكلة بالنسبة لحضرتك.. لإن كتالوج العربية طالب زيت مطابق إما لمواصفة API SG أو أعلى (يعني ينفع نحط زيت بمواصفات أعلى زي SL أو SM أو SN) أو مطابق لمواصفة ACEA A1 أو A2 أو A3..
أتوقع إن الزيت يكون مكتب عليه مواصفات أكتر من الداتا شيت.. فياريت حضرتك تبص على علبة الزيت قبل ما تشتري علشان تتأكد بنفسك..
من الآخر.. توكل على الله.. وإن شاء الله الزيت ده هيريحك..
الموضوع ده فيه معلومات ممكن تفيدك..
حد جرب انواع الزيت دى
وتحت أمرك في أي أسئلة أخرى..
...
الف شكر لحضرتك وكل سنه وانت طيب