رد مع اقتباس
أولا وقبل أي شيء... التغاضي عن الكتالوج أكبر غلطة ممكن تقع فيها... لإن هو اللي بيحدد أساسا تشتري الزيت بناء على إيه...
ليه؟؟؟
لإن كل شركة زيوت عندها أنواع زيوت كتير علشان تتناسب مع طلبات المواتير المختلفة وكمان ميزانيات الزباين.
فلما تروح تختار.. اختار اللي يناسبك من الماركة حسب الكتالوج وحسب ميزانيتك... مش العكس.
أما إذا كنت بتستفسر عن الماركة بشكل عام :
آيسن مش كوري... آيسن شركة يابانية تابعة لمجموعة تويوتا بتصنع أجزاء كتير في العربية منها أجزاء في الفرامل والدبرياج والموتور والبودي .. وهي أكبر وأهم و مُصَنّع في العالم للفتيس.. وأكثرهم جودة وأقلهم في الأعطال.
باختصار.. آيسن هي اللي ادت لتويوتا اعتماديتها المعروفة عنها.
ادخل هنا علشان تتعرف على قوة المجموعة أكتر...
Aisin
بالنسبة للزيوت....
آيسن زي أي شركة زيوت في العالم... بتعمل أنواع كتير من الزيوت بحيث تتناسب مع طلبات المواتير المختلفة وكمان مع الميزانيات المختلفة... وزيوت الأساس فيها متنوعة...
عندهم زيوت زيوت من المجموعة الرابعة والخامسة (PAO و إستر) ودي أعلى مستوى في دنيا زيوت المحركات حاليا..
وعندهم زيوت تخليقية من المجموعة الثالثة.. زي معظم الزيوت التخليقية اللي في السوق...
وعندهم كمان زيوت نصف تخليقية (تخليقية + معدنية)... بردو زي شركات تانية كتير..
عيبهم الوحيد من وجهة نظري إن معندهمش أي زيوت متوافقة مع المواصفات الأوروبية (ACEA)... وبالتالي أحسن عربيات تشتغل معاها هي الياباني والكوري والأمريكي.
بس من ناحية تانية... آيسن مش هتبص للعربيات الأوروبية زي ما الشركات في أوروبا مش بتبص للعربيات اليابانية... آيسن عندها عملاء يغنوها عن 100 شركة عربيات أوروبية.
انت بقى .. عربيتك إيه؟؟؟
...
الموضوع: حد جرب انواع الزيت دى
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
حد جرب انواع الزيت دى -
انشر الموضوع فى : hasad">النهاردة كنت بشترى زيت فرامل للعربية وعرفت ان الزيت البندكس واللوكهيد فيه مضروب منه كتير فى السوق فلقيت نوع كورى اسمه aisin العبوة نص كيلو ب 50 جنيه . المهم انى لقيت نوعين زيت اول مرة اسمع عنهم الاول اسمه aisin تخليقى لزوجة 5w50 سعر العبوة 4 لتر 320 جنيه وزيت acdelco تخليقى لزوجة 5w30 سعر العبوة 4 لتر 400 جنيه طبعا سعرهم ممتاز وخصوصا بعد الشيل الترا ما وصل ل 595 جنيه من يوم الجمعه اللى فاتت . يا ترى حد منكم جرب اى نوع منهم ورايكم ايه فى اداءهم ... انا بتكلم عن الزيت فى العموم بغض النظر عن مواصفات الكتالوج لكل سيارة لان فيه لزوجة مختلفة من نفس الزيوت تناسب كل العربيات
ودى صور للعبوات
والله أعلى وأعلم
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
-
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
-
مقصدش إنى حتغاضى عن كتالوج العربية فى اختيار لزوجة الزيت انا اقصد إسأل عن الزيت بشكل عام
اما عربيتى فهى كيا ريو 2003والله أعلى وأعلم
-
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
-
ودى صورة من كتالوج العربية اتمنى حضرتك تشوفها وتقولى انسب لزوجة وانسب زيت ليها وربنا يزيدك من علمه ويجعله فى ميزان حسناتك . مع العلم ان حاطط دلوقتى شيل الترا 5w40 والحمد لله مش بينقص بس عايز اروح شوية للزيوت الاقتصادية فى سعرها ويكون الاداء متقارب
والله أعلى وأعلم
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
حسب الكتالوج عندك... تقدر تحط أي زيت مستوى جودته api sg أو أعلى منه.. طبعا العربية تعتبر قديمة شوية والمواصفات بتاعت الزيوت الموجودة ساعتها كانت ضعيفة بالنسبة لدلوقتي...
المشاركة الأصلية كتبت بواسطة lidosasa
ودى صورة من كتالوج العربية اتمنى حضرتك تشوفها وتقولى انسب لزوجة وانسب زيت ليها وربنا يزيدك من علمه ويجعله فى ميزان حسناتك . مع العلم ان حاطط دلوقتى شيل الترا 5w40 والحمد لله مش بينقص بس عايز اروح شوية للزيوت الاقتصادية فى سعرها ويكون الاداء متقارب
ده غير إن العربية معمولة لمستوى اقتصادي معين.. مش المفروض يدفع كتير علشان العربية تمشي كويس.
باختصار.. تقدر تحط أي زيت مستوى جودته sg أو sh أو sj أو sl أو sm أو sn بالترتيب من الأسوأ إلى الأفضل..
بالنسبة للزوجة.. فأفضل شيء هو الالتزام بالكتالوج (ومؤكد تبعد عن الزيوت أحادية اللزوجة)..
اللزوجات المناسبة من الكتالوج كالتالي:
20w40 - 20w-50
10w-40 - 10w-50
5w-20 - 5w-30 (تستخدمهم في حالة إنهم زيوت تخليقية فقط.. وما تخافش.. كل اللي في مصر زيوت تخليقية)
لو هتستخدم زيت تخليقي يبقى خليك في لزوجة 5w-30..
لإن لزوجة 5w-20 دايما بيبقى عليها تعليقات في الكتالوجات إنها ما تنفعش في القيادة بسرعات ثابتة لمدد طويلة (في السفر يعني).. ده غير إنها نادرة جدا في مصر وتكاد تكون مش موجودة أصلا.
لزوجة 5w-40 مش مكتوبة في الكتالوج وبالتالي ما تستخدمهاش... ولو كانت مسموح بيها كنت هقوللك علطول روح على زيت التعاون التخليقي..
لو حابب توفر.. ممكن تروح على الزيوت نصف التخليقية.. ودي غالبا هتلاقي منها لزوجة 10w-40.. ومناسبة ليك بردو.. طبعا أنا بقول مناسبة على أساس مستوى الجودة... هو الأساس في الحكم.
أو ممكن بردو تروح للزيوت المعدنية لو عايز توفير أكتر.. خصوصا لو كنت من الناس اللي مشيها قليل.. والسوق مليان زيوت تناسبك.. بس غالبا هتحس إن العربية تقلت في المشي.
قولنا بردو أسلوب سواقتك واستخدامك للعربية علشان نعرف نساعدك أكتر... الحاجات دي هي اللي بتفرق.. مش الكيلومترات اللي ماشياها العربية خالص.
...Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
-
رقم العضوية : 129853
تاريخ التسجيل : 01Oct2012
المشاركات : 985
النوع : ذكر
الاقامة : دمنهور
السيارة: سوزوكى ماروتى
السيارة[2]: كيا ريو
الحالة :
-
سواقتى داخل المدينة مشاوير قليلة مش بتزيد عن 200 كيلو فى الإسبوع كله وعايز زيت احطه فى العربية وانساه سنة فهل زيت aisin اللى لزوجته 5w50 مناسب لعربيتى ولسواقتى وخصوصاً ان سعره ممتاز 320 جنيه ولا اجيب acdelco لزوجة 5w30 ودا سعره 400 جنيه مع العلم ان الشيل وموبيل المعدنى لزوجة 20w50 سعرهم دلوقتى 295 جنيه وفى النهاية معدنى مش تخليقى زى الزيوت اللى ذكرتها
والله أعلى وأعلم
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
طيب... المشاركة الأصلية كتبت بواسطة lidosasa
أول حاجة لازم حضرتك تعرفها إن مفيش زيوت بتقعد سنة في الموتور ما عدا زيوت المجموعة الرابعة والخامسة... ودول سعر الجالون (4 لتر) منهم لا يقل عن 600 جنيه.. وأتوقع إنه وصل في حدود الـ700 دلوقتي.
أي زيت تاني بيقعد 6 شهور بس.. حتى الزيوت التخليقية العادية المتوفرة في السوق...
تاني حاجة... ما دام اللزوجة مش مكتوبة في الكتالوج يبقى مالوش لازمة نغير من نفسنا..
ثالث حاجة.. طريقة السواقة بتفرق فيها إزاي بتحمل على الموتور... يعني حضرتك غاوي قرص وشد ولا سواقتك هادية.. بتركب العربية لوحدك أغلب الوقت ولا دايما معاك ناس وحمولة...
خلي بالك كمان إن طبيعة المشاوير القصيرة بتخلي الزيت يبوظ بسرعة
ادخل هنا علشان تعرف السبب...
https://www.nilemotors.net/Nile/4900...post3876087103 (إمتى تغير زيت الموتور؟؟؟)
بالنسبة لزيت AC Delco... فالماركة دي أساسا هي المورد الرئيسي لقطع الغيار في مجموعة جنرال موتوزر... يعني تعتبر زي آيسن ودنسو بالنسبة لتويوتا.
بشكل عام الزيت مناسب لعربيتك جدا... بس ما تخليهوش في الموتور أكتر من 10 آلاف كيلومتر أو 6 شهور... أيهما أقرب.
لو آيسن عندها نفس اللزوجة دي يبقى أحسن لإن غالبا هيكون أرخص... وبردو ما تخليهوش في الموتور أكتر من 10 آلاف أو 6 شهور.
...
-
رقم العضوية : 201369
تاريخ التسجيل : 07Oct2017
المشاركات : 2
النوع : ذكر
الاقامة : نجع حمادي قنا
السيارة: نيسان صني 2002
السيارة[2]: اكسنت
الحالة :
-
لو سمحت عربيتي نيسان صني اتوماتيك 2002 ماشيه 318 الف كيلو والماكينه لا ينقص زيتها ابدا
فما أنسب نوع زيت مع العلم انا بمشي حوالي 1200 كيلو في الشهر أو أقل أحيانا أو أكثر قليلا
-
رقم العضوية : 120845
تاريخ التسجيل : 22Feb2012
المشاركات : 93
النوع : ذكر
الاقامة : مصر
السيارة: دايو لانوس 2008
السيارة[2]: فيات 125
الحالة :
-
السلام عليكم
الاستاذ بوريو استشارى الزيوت يارب تكون بخير عندى سؤالين لحضرتك
1- انا عربيتى دايو لانوس 2008 عاملة 155 الف كيلو وحضرتك مشكورا كنت متجاوب معايا ونصحتنى انى استخدم لذوجة زيت 5w30 موبيل ون سؤالى فية ناس كتير بتشكر فى زيت امسويل ويعتبر ارخص من موبيل تقريبا اللتى ب 125 ج يعنى ال 4 لتر ب 500 دنيه اية راى حضرتك بيقولوا بيقعد 15 الف كيلو او سنة
2- السؤال الثانى فى كتالوج دايو لانوس اللى حضرتك مشكورا نزلتة توجد لذوجات متعدةة على سبيل المثال 5w30 - 10w40 وغيرها فيه ناس كتير فسرت الاختلاف دى بان حسب عدد الكيلوهات اللى العربية عملها مثلا
لو اقل من 100 الف كيلو نستخدم 5w30
لو اكبر من 100 الف كيلو واقل من 200 الف كيلو نستخدم 10w 40 ( حالة عربيتى اللى عاملة 155 الف كيلو وكنت بحط موبيل ون 5w30)
ايه راى حضرتك فى الكلام دة
وشكرا مقدما على النصائح والاستفادة وربنا يكرمك
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
hasad">دايما استخدم الزيوت حسب توصيات كتالوج عربيتك فقط.. أو أفضل منها. المشاركة الأصلية كتبت بواسطة بكر خليفه الطه
كتالوج الصني N16 تقدر حضرتك تنزله من هنا:
https://drive.google.com/file/d/0B5R...ew?usp=sharing
ده كتالوج النسخة الأمريكية من صني (اسمها هناك سنترا)... تقدر تعتمد عليه في كل شيء ما عدا الزيوت لإن أمريكا ليها قوانين بتجبر المصنعين إنهم يستخدموا زيوت خفيفة علشان التوفير في البنزين.
توصيات الصني للشرق الأوسط أوسع بكتير بحيث تقدر تقريبا تستخدم معظم أنواع الزيوت الموجودة في السوق..
بص على الصورتين دول:
حسب الصورتين دول.. توصيات الزيت المناسب كالتالي:
مستوى الأداء (جودة الزيت):
طبقا لـAPI بمستوى SE أو SF أو SG أو SH أو SJ أو SL أو SM أو SN بالترتيب من الأسوأ إلى الأحسن.
طبعا.. كل ما المستوى علي كل ما السعر زاد... بس المستوى الأعلى بيحافظ أكتر على الموتور.
ويفضل كمان يكون الزيت معتمد من ILSAC بمستويات GF-1 أو GF-2 أو GF-3 أو GF-4 أو GF-5
على فكرة...
مستوى الأداء اهم بكتير من اللزوجة... فخد بالك كويس.
بالنسبة للزوجة.. تقدر تحط أي زيت بواحد من اللزوجات دي:
20W-50 أو 20W-40
15W-50 أو 15W-40
10W-50 أو 10W-40أو 10W-30
5W-30 أو 5W-20 (اللزوجتين دول بالذات لازم يكونوا زيوت تخليقية فقط).
اختيار اللزوجة راجع لـ3 حاجات:
طريقة استخدامك للعربية (كل ما كان استخدامك فيه تحميل على الموتور كل ما احتجت لزيت أثقل)
حالة الموتور الميكانيكية (كل ما كان الموتور بياكل زيت كل ما احتجت لزيت أثقل)
يا ريت تقولنا إيه طريقة استخدامك للعربية وكمان الزيوت المتاحة قدامك.. وإن شاء الله نساعدك.
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المواضيع المتشابهه
-
ما هو افضل انواع فلتر الزيت لموتور سيتروين ax 1400 cc
بواسطة hinrey_2 في المنتدى ستـــرويـنمشاركات: 1آخر مشاركة: 25-04-2016, 04:24 PM -
طريقة تغيير ساعة الزيت ( حساس الزيت) فى محرك السيارة ..بالفيديو
بواسطة مصطفى-حسن في المنتدى المنتــــــدى العـــــــــــام للسيــاراتمشاركات: 2آخر مشاركة: 18-04-2016, 06:04 PM -
فروق الزيت (اختلاف انواع الزيت ومسافاتها )
بواسطة elmo7amed في المنتدى هيــونــداىمشاركات: 19آخر مشاركة: 14-06-2013, 03:26 PM -
هى الفورد سكورد انواع؟؟؟؟؟ ولو انواع ....واية الفرق بينهم؟؟؟
بواسطة dondark في المنتدى فـــــوردمشاركات: 17آخر مشاركة: 03-08-2011, 03:18 PM
المفضلات