الموضوع: وفر فلوسك واعرف الحل انتهاء كل مشاكل الحساسات

ملخص الحساسات فى الاوبل كاااااااااااااااااااااااا املة
انتهاء حكاية الحساسات ومشاكلها للابد لو ركزت في البوست دة هاتعرف عربيتك من غير اى حاجة
حصريا مع اوبل الاسطورة الالمانية
الحساس واعراض تلفة والحل
نبدا الكلام
دلوقتي تلاقي واحد منزل بوست يقولك العربية بتقطع الار بي ام بيرقص
اقري البوست دة هايجيب من الاخر احلي علاج
1- حساس الايدل
=========
اهميتة
==== تنظيم الهوا اللى داخل للماتور هو بيكمل دور حساس الماب
- رفع عدد لفات الماتور والعربية بردة لحد ماتسخن نفسها ويرجع تاني ينزل لمعدل الطبيعي تحت الواحد بيرفع ل 2. وينزل ل 8 او 9 تحت الواحد
- لما تشغل التكييف هو لازم يرفع عدد لفات الماتور عشان يعوض الحمل علي المكنة والكهربا
اعراض تلفة
======
- الار بي ام مش ثابت وبيرقص وصوت الماتور بيعلي ويوطي
- العربية الصبح مش بتبقي عاوز تدور الا لما تدوس بنزين ( حالة نادرة )
العربية وانت واقف مش علي غيار بتبقي عاوزة تبطل
- لما تشغل التكييف بتبقي العربية مخنوقة اوي لان الايدل مش بيقوم بدورة رفع عدد لفات الماتور
- وطبعا التقطيع علي السلانية وعدم رفع عدد اللفات الصبح لتسخين العربية
- وبردة اعراضة استهلاك فى البنزين
================================================== =============
2 -tps
تنظبم المشي بالعربية والنقل الاوتوماتيك او مايسمي حساس الدوسة بتاعت البنزين دة ببساطة خالص
اعراض تلفة
=======
العربية بتقطع وتحس انها مخنوقةةةةةةةةةةةةةةةةةةةة اوي اوي اوي ولمبة الاعطال بتنور فى حالات ان الحساس مات خالص
تلاقي العربية بتقطع تقطيع غبي اكنك راكب جمل صحراوي
================================================== ===========
3- حساس الماب
========
تنظيم الهوا اللى داخل للماتور وهو بيكمل الايدل
اعراضة
======
- صوت المكنة عالية اوي
- دخان اسود كتير اوي من الشكمان اكنك راكب 128 موديل 84 ق.م
-العربية وانت ماشي تلاقيها بتتبطل لوحدها تدور تدور زي الفل تمشي شوية العربية تبطل تاني بعد شوية
- طبعا استهلاك بنزين عالي اوي وممكن كمان تشم ريحة بنزين مش محروق
- العربية هاتبقي اكنها متلتة
=================================================
4- حساس الاكسجين ( الفرفور اللى بيوظ بسرعة وبيبهدل العربية )
=======\=========
بيقيس نسبة الاكسجين فى الدخان او العادم لو كتير هايدي امر للكنترول انة يضخ بنزين كتير والعكس
- اعراضة
1- استهلاك عالي اوي للبنزين
2- تلاقي العربية بتطلع كربون فى الشكمان
3- تلاقي العربية بتعنل تفتفة
4- اهم نقطة تلاقي لمبة الاعطال بتنور فى السرعات العالية والمتوسطة 80 90 12 0
ضعف فى الاداء
لازم يتغيير طبعا مش بيتنظف ولا يتصلح
=================================================
5- حساس الكولنت
==========
باين من اسمة بيقيس حرارة مياة التبريد وبيخلي الماتور يسخن مع الايدل
و من خلالة الكمبيوتر بيحدد اذا كانت العربية باردة ولا لا و هل محتاج يشغل مراوح التبريد ولا لا
مكانة فى وش السلند
اعراضة
===
دة بقة مقرف اوي لانة بيتايه مع الايدل فى اعراضة
تلاقي الار بي ام مش بيبقي عالي الصبح عشان يسخن العربية
استهلاك بنزين عالي
وتلاقي الار بي ام بيرقص
المراوح تفضل شغالة علي طول او تشتغل بمزاجاها
================================================== =============
6- حساس الهوا
=======
تحديد نسبة الهوا اللى تدخل للماتور الكنترول بياخد درجة حرارة الهوا الى داخلة للماتور منة ويخلي الرشاشات تزود بخ او تقلل عشان الاحتراق يكمل
اعراضة
استهلاك بنزين متوسط
============================================
7- حساس الكرنك:
و دة وظيفتة تحديد وضع عامود الكرنك للكمبيوتر و من خلالة يتم تحديد توقيت الشرارة و بخ البنزين
مكانة على الجانب الشمال لطنبورة الكرنك
اعراض التلف: غالبا العربية مش حتدور اساسا وتللاقي العربية بتبطل لوحدها وانت ماشي
================================================== ===
8- egr
كلمة EGR هى اختصار لكلمة Exhaust Gases Recycl
بمعنى اعادة تدوير العادم.
وظيفة هذة الاداة هى اعادة ادخال العادم الى المحرك مرة اخرى كنوع من انواع تدوير العادم ودايما موجودة فى الايكوتيك فقط
لما يبوظ بقة اعراض تلفة
==================
1- تبقي دايس بنزين والعربية مش بتستجيب دايس علي الدواسة للاخر وهى زي ما هي
2- العربية وهى سخنة مش تدور لازم تبرد وتتعبك فى التدوير
3- ظهور رائحة بنزين مع العادم

جروب اوبل الاسطورة الالمانية

https://www.facebook.com/groups/Opel...6085429874744/