انا كنت بتكلم عن التيل الامامي , وانا ان شاء الله ناوي اغير تيل خلفي على كده لازم اخرط الطنابير " الخلفيه " ؟؟
عرض للطباعة
انا كنت بتكلم عن التيل الامامي , وانا ان شاء الله ناوي اغير تيل خلفي على كده لازم اخرط الطنابير " الخلفيه " ؟؟
شكرا يا باشا على الاهتمام
بص يا استاذي الطنابير عادة بتكون سكينة قدام او زي ما قلت ديسكات و قباقيب ورا (قباقيب و ليس صرر لاني الصرر دي موضوع تاني خالص و هحاول اجيب صورة لصرر العجل برضه) و دي صور للطنابير الامامي و الخلفي:-
الامامية:-
http://up1.m5zn.com/photo/2009/1/3/11/gd3qf3al2.jpg/jpg
الخلفية:-
http://www12.0zz0.com/2009/01/04/14/120508782.jpg
لكن في بعض الأحيان تكون سكينة في الأمام و الخلف كبعض موديلات الأوبترا و الـ 132 و في بعض الأحيان ايضا تكون أيضاً قباقيب في الأمام و الخلف مثل السوزوكي سوبر كاري و بعض موديلات السيات 133.
الحقنى يا باشا وقولى اعمل ايه علشان اتجننت انا منتظر انه يطبع ويبقى تمام لكن بعد مشوار النهارده 120 كيلو لقيت الاتى التيل طبع واستجابه الفرامل بقيت احسن بكتييير اتبسط جداااااا وقولت اخيرااااا بس مش لحقت افرح ولقيتوا بيصفر تانى على الرغم من خرط الطنابير وتركيب التيل الاصلى واللى تمنه 450 جنيه واللى مش مشى 3000 كيلو تقريبا 2500 كيلو وبرضوا متصنفر واحد فتالى وقالى بص بقى غير زيت الفرامل كله فضيه وحط زيت جديد الكلام ده صح والا لا؟؟؟ وقولى وانجدنى يا باشا اعمل ايه اصل انا خلاص حتجنن من الموضوع ده والورشه بتاعت حضرتك مكانها فين بالظبط ؟؟ وشكرا لأهتمامك
هو طبعا كدة بيفتي لاني زيت الفرامل ملوش اي علاقة بالتصفير خااالص لا من قريب و لا من بعيد لاني التصفير ده بيكون ناتج عن احتكاك التيل بالطنبورة لا اكثر و كدة ممكن تكون خامة التيل ده مش حلوة فعلا بالرغم من انه غالي بجد مش عارف اقولك ايه :Zb_sor1[1]: التيل فعلا غالي و حرام يترمي و عموماً انا هبعت لحضرتك البيانات في رسالة.
بالنسبة لسؤالك الأول مش شرط اني دي تكون افضل او دي تكون افضل بس لكل شئ في الدنيا ميزة و عيب.
و مميزات الطنابير السكينة:
انها مش بتسخن او تقفش زي الطنابير اللي بيركب عليها القباقيب.
و مش بتحتاج لرجلاش زي الخلفية.
مميزات الطنابير الحلة (القباقيب):
انها ليها مساحة احتكاكية اكبر لاني حجم تيل القباقيب اكبر و بكدة الإحتكاك بيكون علي مساحة اكبر من الطنبورة و ده اكيد بيحسن اداء الفرامل كتير و كمان فرامل اليد بتكون متصلة بيها مباشرة اما في السكينة الخلفية عادة بيتعمل فيها فرامل يد منفصلة و النظام ده معمول بيه في الإسبيرانزا الجديدة لتأمين العربية في اي مطلع او منزل فلم يعتمدوا علي الفرامل السكينة فقاموا بعمل حلة او طنبورة اخري لشد فرامل اليد فقط.
و رأيي الشخصي اني نظام الفرامل السكينة او الديسكات في الامام و الحلة او القباقيب في الخلف افضل كثيرا و هو النظام المعمول بيه في نسبة كبيرة من السيارات.
اما سؤالك الثاني فالقباقيب بتكون عبارة عن شئ مستدير كما تري في الصورة في الرد السابق و التيل يكون مركب من داخلها و يحتك فيها من الداخل و ها هو شكل التيل بعد فك الطنابير و يتضح من شكل التيل مكان احتكاكه بالطنبورة:-
http://up1.m5zn.com/photo/2009/1/4/08/kydvnpy35.jpg/jpg
صورة اخري للإيضاح:
http://up1.m5zn.com/photo/2009/1/4/08/lofd0o3s1.jpg/jpg
ارجو أن أكون قد اوضحت لك الفكرة و اي استفسارات اخري انا جاهز و في خدمتكم.
بجد يا باشمهندس سامر انت ممتاز و مكسب للمنتدى ربنا يبارك فيك