يا فندم تروح و ترجع لنا بألف سلامة و اتصل في اي وقت تحبه حضرتك و تشرفنا برضه في اي وقت.
عرض للطباعة
استاذ سامر
انا بعتلك رسالة علي الخاص طلبت منك العنوان وشوية حاجات ياريت ترد عليل و شكرا وانا عربيتي ابيزا 98
الف شكر لحضرتك على الموضوع المتميز والمفيد والاكثر من رائع الحقيقه وعلى مجهودك واهتمامك وبالتوفيق ان شاء الله
سؤال سريع أنا عندى فرامل العجلة الخلفية اليسرى قافشة هل ممكن يكون العيب فى خرطوم زيت هذه العجلة أنه لا يسمح برجوع الزيت وشكرا على هذا المجهود العظيم
اهلا بيك.....
و بالنسبة لسؤالك عن عدم رجوع الزيت نتيجة لمشكلة في الخرطوم فأعتقد بأن الخرطوم ليس له علاقة و المشكلة تكمن في ماستر العجلة فيجب تغيير لاني واضح انه اخذ الزيت و لم يعيده مرة اخري الي الخزنة.
و بعد الكشف عليها عند احد المتخصصين و التأكد من كلامي غير ماستر العجل و بعد هذا تاكد من قوام و شكل سائل الفرامل فربما يكون من نوعية سيئة او ثقيل زيادة عن اللزوم و تسبب في ثقل الماستر و تلفه فتأكد منه قبل ان يتلف اي ماستر أخر, و عامة ستحتاج لزيادة سائل الفرامل (الزيت) بعد تغيير الماستر و انصحك بلوكهيد او بندكس حيث انه اوفر من لوكهيد و في نفس جودته.
سؤال ياباشا انا غيرت تيل الفرامل من اسبوع والفرامل قعدت كام يوم جامده اوى بعد كده حسيت ان الدواسه بعدت عن الأول ومش بتمسك زى الأول رحت لعفشجى قالى اصل التيل مبلط وصنفره ياترى هل ده ليه خطوره ولا عادى يعنى اغير التيل ولا اسيبه ولو سبته فى حل عشان يبقى حلو
وعايز اسأل على حاجه تانى التيل الأولانى كان بيصفر وفى التوكيل شقولى التيل والصفاره راحت فعايز اعرف ايه فوايد شق التيل وعيوبه
من شهر وبتاريخ 28-11-2008
روحت توكيل ميتسوبيشى لحل المشكله اللى تقريبا موجوده عند معظم ملاك اللانسر وهى صوت صفاره عاليه ومزعجه جدااااااا مع الفرمله بالرغم ان التيل اللى كان فيها كان بتاع الفبريكه وكانت ماشيه 25 الف كيلو المهم المهندس قالى مش محتاج يتغير ده يتصنفر ويشتغل فتره قولتلوا لا غيره وخلاص وبالفعل تم تغيره بتيل اصلى وكان سعره 325 جنيه ولونه ازرق ومكتوب عليه ماركه او اسمه sumitomo
وسالت وهو بيركب التيل الطنابير فيها حاجه لا الطنابير سليمه وتمام اوكى راكب التيل والمفاجاءه بعد اسبوع الفرامل بتصفر تانى روحت راح مصنفر التيل والطنابير وراح الصوت واول امبارح رجع الصوت تانى عالى علما الصيانه كانت فى فرع ميتسوبيشى اللى فى بنزينه موبيل اللى امام محطه مترو المعادى مباشره وكده التيل مكملش ال 3000 كيلو والنهارده بعد صلاه الجمعه روحت لميكانيكى معرفه واحد قريبى فك وطلع التيل بيقولى ده ناعم ووحش علشان كده بيصفر اقوله ازاى ده اصلى وتمنه كذا يقولى لا فى نوع تركى كويس انا بستخدمه على طول حركبه وتشوف وفعلا اشتريت التيل ده وكان تمنه 55 جنيه وصناعه تركى وماركه اسمه beser
وطلع يجرب معايا بصراحه والا صوت والا الهواااا راحه اعصاب فزيعه بس المشكله ان حاسس ان الفرامل بقيت اضعف بس هو قالى لسه التيل لما يطبع حتبقى تمام فكنت عاوز اعرف من حضرتكم ايه رائيكم فى الكلام ده مع العلم ان فى التوكيل قالوا ان التيل بيصفر علشان الطنابير عاوزه تتخرط والميكانيكى قالى الطنابير فبريكه وتمام اوعى تخرطها ده من التيل وفعلا كلام مقنع علشان لو عاوزه تتخرط كانت صفره مع التيل التركى ده والا ايه؟؟ ودلوقتى انا ارمى التيل اللى جايبه من شهر ب 325 وسمعت ان غلى بقى ب 425 ومكملش 3000 كيلو والا اركبه واخرط الطنابير والتيل التركى ده لما يطبع حيمسك حلو والا ايه النظام وحيطبع امتى؟؟ وانا شوفت فى المنتدى سحب الهوا من الفرامل ازاى اعمل كده ومين اللى بيعملها ودى بتتعمل ازاى ولما يحصل ايه؟؟؟ معلش يا جماعه صدعتكم من الرغى الكتير ده بس انا اهم حاجه عندى فى العربيه الفرامل وبجد الموضوع ده مجننى ومعكنن عاليا جامد وغلبت مع الفرامل ومش عارف اعمل ايه؟؟؟
اهلا بيك بس انا مش عارف انت رحت لعفشجي ليه عشان الفرامل بتاع العفشة ملوش اي علاقة من قريب اوي بعيد بالفرامل نهائياً, هو اللي بيحشر مناخيره تملي في كل حاجة هو الميكانيكي لكن العفشجي ملهوش دعوة و متخليهوش يلعب في الفرامل تاني ده للتوضيح و بس.
و بالنسبة لصنفرة التيل فهو عيبه انه بياكل من التيل شوية طبعا و لو اتعمل اي كلام بيأثر علي الطنابير, حاجة كمان انا مش عارف هو صنفر و عمل علي اي اساس و ايه علاقة اني الفرامل وطيت بانه يصنفر انا مش عارف بصراحة و الصح انك كنت تروح تاخد هوا تاني عشان الدواسة تعلي معاك لكن صنفرة في التيل و هو لسه جديد ليه؟؟!!!!!
و الحل دلوقتي عشان الفرامل تبقي كويسة تروح لمتخصص فرامل و دبرياج كويس و هو يفك التيل و يشوف الراجل ده اشتغل ازاي لو لقي انه كويس و انه مبهدلش التيل خلاص و اهم حاجة ياخد لك هوا عشان الفرامل ترجع تعلي تاني و عادي العربية بترجع للورشة يتاخد منها هوا مرة و اتنين مفيش مشكلة و لو اخد هوا و الفرامل برضه فيها مشكلة يبدا يبص علي الماستر العمومي و خلافه.
و بالنسبة لموضوع شق التيل هي انه بيشق التيل من الوسط زي بعض التيل اللي بينزل مشقوق اصلا و ده عشان التيل ميلزقش في الطنبورة و يعمل صوت و بيسموه تفريغ هوا.
بس ده مجرد مسكن و بيرجع يصفر تاني بعض فترة و بعد الشق ده ميتاكل و يرجع التيل متساوي.
و فوائده: منع الصفارة دي و عدم تآكل التيل و الطنابير من الاحتكاك.
و عيوبه: انه بيقلل من عزم التيل و قوته لانه لما بينزل كدة من الشركة فالشركة اصلا بتكون عاملة حسابها لكن شغل الورش او التوكيلات حتي مش زي المصنع.