عربيتي اوكتافيا a5 موديل ٢٠٠٧ وعامله ١١٢ الف كيلو
المهم انا بقالي غيارين زيت بحط ال shell helix ultra 5w-40
ودي لوقت لقيت زيت مستورد shell helix ultra hx7 5w-30 الماني العلبه الزرقاء ب ٨٢٥ جنيه
هل يمكنني تغيير لزوجه الزيت من 5W - 40
الي 5W-30
عرض للطباعة
عربيتي اوكتافيا a5 موديل ٢٠٠٧ وعامله ١١٢ الف كيلو
المهم انا بقالي غيارين زيت بحط ال shell helix ultra 5w-40
ودي لوقت لقيت زيت مستورد shell helix ultra hx7 5w-30 الماني العلبه الزرقاء ب ٨٢٥ جنيه
هل يمكنني تغيير لزوجه الزيت من 5W - 40
الي 5W-30
القاعدة الأساسية دايما هي الالتزام بتوصيات كتالوج عربيتك...
وحسب توصيات كتالوج السكودا A5... فالزيت المطلوب لازم يكون مكتوب على علبته إنه مطابق لمواصفات فولزفاجن رقم VW 502.00
تقدر تنزل كتالوج عربيتك من هنا Škoda Octavia A5 - Owners Manual
التوصيات مكتوبة في صفحة 206
طيب إزاي تعرف إذا كان الزيت ده مطابق للمطلوب ولا لأ؟؟
كل اللي حضرتك هتعمله إنك تبص على ظهر علبة الزيت وتتأكد من وجود كود المواصفة المطلوبة (في حالتك تبقى VW 502.00).. وإذا مش موجود ما تشتريش الزيت.. لإنه كده مش مناسب لعربيتك.
طيب لو كان الزيتين مناسبين (عليهم الكود يعني).. نعمل إيه؟؟؟
نختار الزبت الأخف.. لإنه هيوفر في استهلاك البنزين...
أما لو كانت طريقة استخدام عربيتك فيها إجهاد للموتور.. أو بمعنى أصح تحميل شديد على الموتور.. فساعتها بس نروح على اللزوجات الأعلى...
وحالات التحميل على الموتور هي كالتالي:
- تحميل السيارة بأوزان عالية أكثر من نصف الحمولة القصوى المسموح (في أغلب السيارات الملاكي يكون حد الحمولة الأقصى هم 500 كجم)
- القيادة الرياضية (المقصود هو الشد والقرص على الموتور)
- القيادة على طرق جبلية صعودا أو نزولا (زي القيادة على طرق جبال سيناء أو البحر الأحمر)
- قطر أو سحب سيارات أو مقطورات
- تشغيل السيارات كسيارة أجرة أو دورية شرطة أو سيارة تجارية (لإنها ممكن تتعرض لأي حالة من اللي فوق دول بكثرة)
بالنسبة للمفاضلة بين الزيتين اللي حضرتك بتتكلم عليهم.. فالزيتين مطابقين لمواصفة فولزفاجن VW 502.00... ولكن الأفضلية هنا لزيت الألترا 5W-40 لإنه زيت تخليقي.. أما زيت HX7 5W-30 فهو زيت نصف تخليقي (خليط من الزيت المعدني والتخليقي)
تقدر تاخد معلومات أكتر من هنا:
القواعد الذهبية لاختيار زيت العربية.... موسوعة مبسطة لأساسيات زيوت المحركات
ولو حضرتك عندك أي سؤال تاني أنا تحت أمرك.
...
متشكر جدا علي الشرح الواضح ده