ايه انسب زيت موتور ١٥٠٠٠٠ ك علشان صوت الموتور عالي و اتقالي اغير زيت .
بوينير 2005
1600 cc
عرض للطباعة
ايه انسب زيت موتور ١٥٠٠٠٠ ك علشان صوت الموتور عالي و اتقالي اغير زيت .
بوينير 2005
1600 cc
دايما... أنسب زيت موتور هو المكتوب في كتالوج عربيتك اللي بييجي معاها.. مش أي حاجة تانية..
وتوصيات الكتالوج غالبا بتبقى حاجتين.. اللزوجة + مستوى الخدمة (الأداء والجودة)
ما ينفعش تبص على واحدة وتسيب التانية... لازم الاتنين مع بعض.. ده لو عايز تحافظ على موتور عربيتك..
حسب معلوماتي..توصيات كتالوج البوينتر هي كالتالي:
مستوى الأداء:
API SJ على الأقل (يعني تقدر تحط SL أو SM أو SN)
أو
ACEA A2
الكلام ده لازم تلاقيه على ظهر علبة الزيت اللي هتشتريه.. ولو ما لقيتوش.. ما تشتريهوش.. علشان ببساطة ما ينفعكش..
اللزوجة:
15W-40 فقط... ومفيش أي لزوجات تانية مذكورة في الكتالوج..
الحتة دي هتصعب الأمور علينا شوية.. بس ليها حلول إن شاء الله.
حسب الكتالوج.. الزيت بالمواصفات دي يشتغل معاك 15 ألف كيلومتر أو 12 شهر... أيهما أقرب
وما تقلقش.. الكتالوج مش بيكتب حاجة تعمل مشاكل مع العربية.. أبدا.
لو الكتالوج بتاع العربية موجود مع حضرتك يا ريت تقولنا مكتوب فيه إيه.. احتمال تكون التوصيات مختلفة...
أما لو مش موجود معاك وحبيت تنزله.. فتقدر تنزله من هنا:
Volkswagen Gol/Pointer Owners Manual (Spanish)
للأسف الكتالوج بالإسباني وكمان نسخته مش واضحة كويس (دي النسخة الوحيدة اللي لقيتها .. بصعوبة)
طيب.. إيه بقى الزيوت اللي تشتغل معاك وتكون مطابقة لمواصفات الكتالوج؟؟
أنصحك بأي واحد من دول:
زيت توتال كوارتز 5000 بلزوجة 15W-40 (مش متأكد من وجوده في مصر)..
https://p1.akcdn.net/full/260154798....0-15w40-4l.jpg
الزيت ده مواصفته أعلى من الكتالوج (API SL)
زيت مصر للبترول Misr1 SL بلزوجة 15W-40
https://encrypted-tbn2.gstatic.com/i...crqSVDk_I7Ht5U
الصورة لعبوة الـ20W-50
الزيت ده مواصفته أعلى من الكتالوج (API SL)
زيت مصر سوبر 10000 بلزوجة 15W-40
https://encrypted-tbn1.gstatic.com/i..._IA9FFOES6RaDw
الصورة لعبوة الـ20W-50
الزيت ده مواصفته أعلى من الكتالوج (API SJ)
في زيوت لاستخدامات مواتير الديزل (والبنزين بردو).. ومع إنها زيوت لمواتير الديزل أساسا بس تنفع مع مواتير البنزين كويس جدا..
زيت توتال RUBIA TIR 7400 بلزوجة 15W-40
https://cf3.s3.souqcdn.com/item/2018..._139367980.jpg
http://204.92.52.209/Egypte/pdf/rubi...7400_15w40.pdf
مستوى جودته أعلى من طلب الكتالوج API CI-4/CH-4/SL
زيت موبيل دلفاك MX بلزوجة 15W-40
Mobil Delvac MX™ 15W-40
https://lowespetroleum.com.au/wp-con...-15-40-5L3.jpg
مستوى جودته أعلى من طلب الكتالوج API CI-4/CH-4/SL/SJ .. بس اتأكد من وجود "MX" على علبة الزيت.. وإن مواصفاته مكتوب فيها SL أو SJ... ولو ما لقيتهمش ما تشتريهوش.
زيت مانول TS4 بلزوجة 15W-40
https://mannol.de/imgbank/Image/publ...44500500_b.jpg
اسأل عند "شل" بردو.. احتمال تلاقي عندهم نفس اللزوجة (15W-40) ...
وسواء كانت العبوة حمرا أو صفرا أو زرقا... كلهم يمشوا معاك لإن مستوى أداؤهم كلهم API SL... بس الأفضل طبعا هو شل الأزرق وبعد كده الأصفر.. وخلي آخر اختيار هو شل الأحمر.
وممكن تلاقي في ماركات تانية بس مش مشهورة أو منتشرة.. زي "زادو" مثلا..
المهم إن أي زيت من أي ماركة عليه نفس مواصفات الكتالوج أو أعلى زي ما شرحتلك هيمشي معاك زي الفل.
لو عايز تعرف معلومات أكتر عن الزيوت... أنصحك تدخل على الموضوع ده:
القواعد الذهبية لاختيار زيت العربية.... موسوعة مبسطة لأساسيات زيوت المحركات
...