قام صحافي عراقي برشق الرئيس الاميركي جورج بوش ورئيس الوزراء العراقي نوري المالكي بحذا

**mahmoud_magdy** · 15-12-2008 02:04 AM

ربنا يكون في عون الصحفي
على اد ما المشهد يضحك جدا
على اد ما الواحد زعلان على الصحفي
اللي الله اعلم مصيره هيكون ايه !!

**homme49** · 15-12-2008 02:13 AM

المشاركة الأصلية كتبت بواسطة Goodle

ياريت يا باشا لو في لينك للفيديو
او ترفعوا على أي موقع

الفيديو كليب موجود فى موقع مصراوى و غدا سوف تجدة فى اليوتيوب عندما تبحث عن كلمة بوش أو الجزمة (الحذاء)

**Bossy_Fadl** · 15-12-2008 02:15 AM

عجبتني اوي الضحكة المختلطة بالشعور بالاهانة اللي كانت علي وش بوش بعد ما اتحدف بالشوز

بس صعبان عليا الراجل ده و مش عارفه مصيره هيكون ايه

ربنا يكرمه هو و كل اللي زيه

بجد شفي غليل ناس كتير اوي

**Ahmed Samy** · 15-12-2008 02:17 AM

المشاركة الأصلية كتبت بواسطة Bossy_Fadl

بوش بعد ما اتحدف بالشوز

يا استاذه بوسي خلي البساط أحمدي

اسمها بعد ما اتحدف بالجزمة

**Bossy_Fadl** · 15-12-2008 02:20 AM

المشاركة الأصلية كتبت بواسطة Ahmed Samy

يا استاذه بوسي خلي البساط أحمدي

اسمها بعد ما اتحدف بالجزمة

منا بصراحة مكسوفة اقول كده في المنتدي

انتو رجالة و واخدين راحتكو

أنا بنت و هيقولو لسانها طويل بقي :k48:

و عموما حضرتك و لا تزعل يا دكتور احمد

بعد ما اتحدف بالجزمة

**نور القمر** · 15-12-2008 02:21 AM

مش مهم تيجي في وشه ولا متجيش
كفاية الاهانه على مرأى ومسمع من الدنيا كلها
دي عمرها ما حصلت قبل كدة
ولسه ياما ربنا هايوريه ذل ومهانه في الدنيا قبل الاخرة
وحسبنا الله ونعم الوكيل

**Terrible_DaRsH** · 15-12-2008 02:26 AM

لا حول ولا قوة الا بالله !!!
الشعب الامريكي قال من نص ساعة :- ( بوش راح للعرب بمفاجاة كبيرة رجع لنا بمفاجاة اكبر ) وشتموه وقالوا انه لازم يتحاكم محاكمة عسكرية علشان سوأ اسمهم وشكلهم فى العالم كله ...
نقوم احنا نقول ان الصحفى ده همجى !!!
____________
الصحفى ده دخل التاريخ من اوسع ابوابه .. ولو حصل له اى حاجة احنا اللى مسئولين عليه .. المحاميين العرب كلهم لازم يقفوا وقفة واحدة والشعب الامريكى مش هيرضي بانه يتعذب ...
احمد بدير لسه قايل ان كل واحد فينا كان لازم يديله جزمة على قفاه ..
نادية لطفى قالت ان ده احلى اغتيال ( خد بالجزمة ) ..
والبعض قال ان الحذاء ده لازم يضع فى متحف ..
وانا بقول ان الراجل ده لو حصل له حاجة هيبقي ردنا عليهم هو اننا نحط الجزمة على علمهم طوال حياتهم ...

**bemocarlo** · 15-12-2008 02:26 AM

الحمد لله ان ربنا كرمني وشوفت الكلب بوش بياخد احلي وداع.لما رئيس اكبر دوله يتحدف بجزمه ده قمه الازدراء والكراهيه وهذا ما يستحقه بل اقل.هذا الصحفي اكد بفعله علي مفهوم الرجوله والنخوه.وهاقول ربنا يحميه حتي لو كان (يزيدي,شيعي,صابئ,سني,كردي,مس يحي).وبدون ذكر اسماء الاخوه اللي خايفين علينا يتقال علينا همج ومش عارف ايه رائ و رائ اخر,موش هزيد عن اللي الاخوه قالوه في رئيس زي بوش غاصب ومحتل ارض وهاتك عرض.وهساءل لما الناس بتعمل كده في الخارج ليه ما يتقالش عليهم همج ليه؟
bemo,ire

**casperinoo** · 15-12-2008 02:29 AM

اهو الراجل ده عمل اللي كل واحد فينا نفسه يعمله....انا مش زعلان عليه بالعكس انا فخور به..
حتي لو مسكوه موتوه ..احنا كده كده ميتين ..بس تفرق لما تموت بسبب موقف شجاع زي ده..الناس تفتكرك بيه علي طول..عن انك تموت في سريرك وحتي اولادك هينسوك