قام صحافي عراقي برشق الرئيس الاميركي جورج بوش ورئيس الوزراء العراقي نوري المالكي بحذا

**ayman_elkholy** · 15-12-2008 03:42 AM

كان نفسى وشة يلبس الجزمة.

**noon_eg** · 15-12-2008 04:01 AM

الحقيقه الراجل العراقى اللى حدف بوش بالجزمه ده عمل الى كل العرب والمسلمين نفسهم فيه من زمان

من اول يوم افترى فيه بوش على الناس فى افغانسان والعراق والصومال وفلسطين وقتل ملايين الابرياء فى دول عربيه واسلاميه واعدم صدام اول يوم العيد وتسبب بغبائه الشديد وغروره الغيرمحدود فى خسائر فادحه لاقتصاد امريكا والتى ادت بدورها الى الازمه الاقتصاديه العالميه

واخير قال ايه اكتشف انه غلطان فى حربه على العراق وان ما كانش فيه اسلحه دمار شامل وهو للاسف ندمان عى الغلطه دى

الصراحه الرد المناسب الوحيد على الحيوان ده هو ما قام به الصحفى العراقى وبرد نارى واثلج صدرى

**Tamer-Ezzat** · 15-12-2008 04:06 AM

المشاركة الأصلية كتبت بواسطة IslamGen2

بصراحة انا مش شايف غير إن الراجل هزأ نفسه على الفاضى وهياكل ضرب للصبح وحبس وبهدلة عشان ايه يعنى؟ ، حدفه بالجزمة طب برافو عليه استفدنا ايه يعنى؟ ولا حاجة ، وأنا مش شايف أى إهانة لبوش ، زى بالظبط واحد تف عليك فى الشارع ، هتسيبه وتمشى.

لأ مش هزأ نفسه النهاردة واحد حدف بالجذمة بكرة حيطلع واحد يحدف بمصيبة ويحدف بكلام وتهديد كفاية انه هزأ رمز لاميركا
يعنى لما واحد يحرق علم معناه ايه .. دة مش حرق علم دة حدفة بالقديمة

المشكلة انى واثق من ان الراجل دة مش حيلبس جذم تانى ...

**meza** · 15-12-2008 04:25 AM

سؤال جانبى .... إيه اللى يفرح فى 11 سبتمبر ؟!

**Ahmed Samy** · 15-12-2008 04:36 AM

المشاركة الأصلية كتبت بواسطة meza

سؤال جانبى .... إيه اللى يفرح فى 11 سبتمبر ؟!

مش عارف يا ميزا
بس هو اللي كان طالع عليا اني كنت فرحان ولا كأن مصر جابت جون في المانيا في الوقت بدل الضايع من الشوط الإضافي التاني في نهائيات كاس أسيا

.

وخصوصا لما البرجين نزلو هوووووووووووب زرع بصل كده

بعدييين بقى اكتشفت اني كنت مابافهمش لأن ده أسود يوم عدى علينا لحد النهاردة .

وماشفناش راحة من بعده ...

**JD_Cairo** · 15-12-2008 04:52 AM

المشاركة الأصلية كتبت بواسطة IslamGen2

بصراحة انا مش شايف غير إن الراجل هزأ نفسه على الفاضى وهياكل ضرب للصبح وحبس وبهدلة عشان ايه يعنى؟ ، حدفه بالجزمة طب برافو عليه استفدنا ايه يعنى؟ ولا حاجة ، وأنا مش شايف أى إهانة لبوش ، زى بالظبط واحد تف عليك فى الشارع ، هتسيبه وتمشى.

للاسف حال العرب من عجز و وهن و قلة حيلة تخلي اللي عمله الصحفي ده رغم عبثيته مثال للشجاعة و المقاومة ....

**ana3fretelnt** · 15-12-2008 07:22 AM

المشاركة الأصلية كتبت بواسطة Bossy_Fadl

الموضوع شغال علي الحياة علي نار

و بتهيالي دي تعتبر افضل رسالة شكر يقدمها الشعب العراقي للرئيس بوش في نهاية فترتة الرئاسية:k48:

علي فكرة هنا مكان مقاطع الفيديو الخاصه بالسيارات

حضرتك كان المفروض تطرح الموضوع في ساحة الاخبار المنقولة

و الف شكر

كلام حضرتك تمام ولكني لم انتبه لذلك من سرعتي

تقبلو اعتذاري

**MohaMed_Refaat** · 15-12-2008 08:19 AM

دة الراجل دة حيبقى رمز عربى بس كان نفسى تلبس فى بوء بوش اللى مبيبطلش اكاذيب واافتراءات باطلة وسبحان الله الجزمة التانية جت فى العلم الامريكى وتفادت العراقى الكتوب علية الله اكبر سبحان الله
والراجل الصحفى عمل كدة لكرهة لبوش اللى صرح من يومين ان قرار غزو وتدمير العراق كان خطا جسيم كل اللى عمل دة ويرجع يقول كان خطا دة اية الكفر دة .