السيارة كولت املكها منذ عام 1995 و هي موديل 90_ انا ثاني يد، منذ حوالي عام ظهرت عضة في النقلة الاولى، ذهبت للميكانيكي الذي أتعامل معه منذ أكثر من عشر سنين، قال الواير او الكابل بتاع النقلات و انا كنت اشك في هذا الكلام لأن احساسي انه في الفصل الدبرياج، بعد تعديل الوايراي رجلاش لم يتحسن الوضع فحاول يقنعني ان هذا هو الطبيعي و يوجد "مسوجر" في الغيار الاول و اي كلام فارغ.

ذهبت لحمار أخر دلني عليه صديق. الحمار قال برضو الواير كابل النقلات و لابد من تغييره، مشيت ورا الحمار لحد باب الدار و قال لي هات واير الهيونداي اكسيل جديد، بعد ما لفيت لقيته فإذا به مختلف الطول و لا يصلح روحت رجعته و جبت واحد إستيراد، الحمار 2 قال ده هايل و ركبه، طبعا محصلش تغيير راح مكرر اسطوانةان ده الطبيعي و لازم تكون في عضة.

قررت اساير الباهيم لاني مش فاضي و قيادتي للسيارة قليلة في كل حال، المشكلة دي بدأت تحدث في شهر أكتوبر 2017.


في شهرأربعة 2018، حدث ما كنت أخشاه و أنا بدي النقلة الأولى حدث صوت تروس بتحشرج في بعض، فذهبت للحمار الأول.

قرر ساعتها إن الغوايشللغيار الأول باضت و لابد من تغيرها و انه يعرف صديق حمار 3 متخصص فتيسات و انه حبيبه و أخوه، بعد اقل من أسبوع قام الحمار 3 بـ "إصلاح" الفتيس. كانت النتيجة للإصلاح مروعة، مش بس العضة زي ماهي لكن النقلة الأولي بقت مرتين تيجي و مرة متجيش خالص لكن للأمانة الصوت "الشخرة" كما سماها الحمار 1 و عفوا على اللفظ، كانت الشخرة او صوت التروس قد زال، قمت بسؤاله عن ما فعلة حبيبه و أخوه حمار3 قال بانه قام بتغيير المجموعة الأولى و الثانية، ماشي ياعم الحمار لكن ليه النقلة الاولى اصبحت بالحظ تيجي او ما تيجيش، في البداية قال تطبيع و هي كلمة لما اسمعا من حمار اعرف تماما اني بيرتقي من حمار إلى حمار كذاب، مع الاعتذار الى كافة الحمير فهو حيوان مسالم و ربما أذكى من كثير من البشر.

مشيت بالفتيس المتصلح و بالعضة المستعصية مدة يمكن اسبوع او اكثر لحد مبقتش احتمل و رحت للحمار 1 تاني، قلتله اللي حصل ده مش نافع و ما ينفعش انا اقوم بالدعاء لما احب اجيب النقلة الأولى و عملية التطبيع دي مش حاصلة و قلت له باللفظ انه مفروض يشتغل في التسويق مش كفني سيارات، في إشارة إى كذبه، قال دي عادي في العربيات القديمة و ده شئ لازم اتعود علية و هنا منعت نفسي من إصدار صوت مثل صوت التروس و قلتله ماينفعش الكلام و هنا ظهرت عندة الفكرة الامعة بعد تخريبه ، هو و صديقه الفتيس و قال لا بد من فتيس جديد، قلت له الظاهر ان ما فيش حل غير كده لكن اشرت له ان العضة مش حتروح لان مش سببها الفتيس لكنها تسببت في هلاكه، قال و اكد ان العضة من الفتيس و حتروح، ماشي ياعم.. الحمار.

قام الحمار بإحضار الفتيس الإستيراد و تركيبه و أثناء تركيبه و تجربته معرفش عمل ايه المهم دمر اسطوانة الدبرياج و هنا احب اقوم بملحوظة، السيارة عاملها 210 الف كيلومتر، بالديسك الاصلي للمصنع و الاسطوانة تم تغيرها مرة واحدة عند 187 الف كيلو و ده يدي انطباع عن طريقة قيادتي، المهم رجوعا للموضوع قلتله ليه يابني بوظت الاسطوانة قال الفاكيك ان الفتيس كان عزمه شديد عليها اي اسطوانة الدبرياج، مرضيتش اقوله ان البغل ركبها غلط، معلومة هنا ان الاسطوانة كانت متسوبيشي اصلي من التوكيل شركة مصرية سابقا و اضيف ان والدي مهندس ميكانيكا و ان رئيس الصيانة في شركة مصرية رحمة الله عليه، م مصطفى شرابي كان صديقا للعائلة و كان كثير و اغلب صيانة العربية تكون هناك و كل قطع غيارها كانت اصلية. طبعا الوضع تغير بعد تغير التوكيل و اصبحت السيارة قديمة و قطع غيارها توفيقية.

عودة لموضوع الفتيس، الفتيس الاستيراد كان بينقل العيار الاول كل مرة و لكن طبعا العضة ما رحتش، الحمار جاب اسطوانة تانية مستعملة و ملاها. فلتله العضة زي ما هي فكرر الاسطوانة المشروخة المسوجر و ده عادي الخ، طبعا انا اقود السيارة 25 سنة و هي بتعض عادي و انا لا عالبالي ثم فجأة أصابني الجنون و قررت انها بتعض، قلت له يابني بالاش كلام الاونطجية ده قال طب جربها علشان تطبع.


تركته و ذهبت لحمار جديد، رقم 4 ، دلني عليه صديق اخر، حكيت له القصة، جرب العربية و قال عادي، قلتله عادي مش عادي انا عايز اعير مجموعة الدبرياج، اي اسطوانة و ديسك و بلية، و قمت بشراء مجموعة ماركة كوري، و لكن للأسف العضةمرحتش، شكيت في "الفرام" او flywheel و قلتله قال لا مفهاش حاجة، قلت له على الأقل تتجلخ، رفض و طبعا عايز يقاول على فك الفتيس مرة أخرى.

بعدها بحوالي شهرين و انا اتجنب قيادة السيارة حتى لا يصبح مصير الفتيس مثل مصير اللي قبله، دلني اخر على حمار جديد مع وعده انه حصاوي و بيفهم، قلتله عاير ا

غير الفرام رفض و قال مفهوش حاجة فك الفتيس قال البلية مع انها جديدة، ثم و ضع الديسك الاصلي مع البلية القديمة و الاسطوانة الجديد، التركيبة الحلزونية معملتش حاجة، العضة لا تزال موجودة فوافق و قال نجلخ الفرام فلاي ويل، لكن للأسف العضة موجودة و بعد ما كان هو شايف ان فيه عضة راح مكرر ده طبيعي و ازود بس زيت فتيس. فوافته علشان اخلص و خدت السيارة و روحت. كان هذا اليوم.

لقد او شكت على فقد الأمل، طبعا المصاريف المادية مفجعة دون تصليح حقيقي للمشكلة و لم يعد لي طاقة اصرف تاني، غير التلفيات الأخرى تسبب بها الميكانيكية، حمار 1 كسر مرايا الصالون و خبط العربية الرفف الأمامي و الخلفي يمين، خبطات خفيفة لكن بتضايق جدا، دي مفروض أمانة، خد العربية بتيل أمامي جديد و رجعا و التيل شبه خلصان زائد سبب مشكلة في ماستر الفرامل فأحيانا تكون الفرامل ضعيفة جدا و دي لسه مشكلة مش فاضلها، قام اخر ميكانيكي بتغيير كاوتش الماستر الخلفي شمال بعد ظهور تسريب زيت باكن لكن الفرامل مش مضبوطة، و كان رقم 1 بيشيل كابل السرعة من الفتيس علشان يعمل مشاوير و يقوم بإعادته لما أستلم العربية، لحد ما عملت عليه كابسة و لقيته فاصل كابل السرعة و ماكنتش ساعتها بيعمل أي شغل في الفتيس يستدعى فصل الكابل. أخر ميكانيك عمل أكثر م300 كم في يوم واحد و لما سألته ليه كل ده قال ان فسح الاولاد علشان يجرب العربية و انه حط بنزينن من عنده، شكرا جزيلا طبعا 300 كم كان لازم يمون لكن طبعا انا كنت مديله نص تانك و رجعت خاوية تماما، كما قام بخط الرفرف الخلفي شمال و اقسم اتنه مش هوا او انها اتخبطت و هي راكنه و قام بكسر كليبس تثبيت حديد رفع الكابوت و قام رقم واحد بكسر شداد رفع الكرسي الامامي يمين حيث انها بابين و ما خفي كان اعظم.

أريد إصلاح هذه السيارة، ارجو المساعدة.