استشاره يااهل الخبره (فيكترا/كورولا)

**outosend** · 15-12-2008 12:49 AM

معلش ياجماعه يمكن سؤالى غريب شويه بس انا عايز اجيب عربيه فى حدود 70 الف ومش عايز ادخل فى حوارات الاقساط والفوايد والحاجات دى
فقولت اجيب حاجه مستعمله بالحدود دى وقدامى خيارين محتار بينهم اوبل فيكترا 2000-2003 اوتوماتيك 2000cc او تويوتا كورولا 2001-2002 اوتوماتيك او مانيوال 1300cc
ايه رايكم

**M.Mokhtar** · 15-12-2008 12:08 PM

كمتعه قياده واحساس بالفخامه والثبات والقوه يبقى اكيد فكترا
كمصاريف اقل وقطع غيار رخيصه يبقى كرولا

شوف انت عاوز ايه وقرر

بس انت متأكد ان سعر الفكترا 2003 اوتو 2000 سىسى ب 70 الف بس؟؟؟؟؟؟؟؟؟؟
اعتقد السعر ده صعب الا لو الحاله مش كويسه اوى

**outosend** · 15-12-2008 02:55 PM

لا ال2003 اللى حالتها كويسه اغلى فعلا
انا قدامى 2000 و2001 وكان فى 2003 بس فيها شغل فى الموتور
انا حاسس ان الفيكترا بريستيج اكتر بس خايف من التكييف بتاعها وبيقولو قطع غيارها غاليه
والكورولا ميزتها اكثر انتشارا فاسعار قطع غيارها ارخص وبنزينها ااقل طبعا علشان 1300 واسمع ان مشاكلها برده قليله كعاده التويوتا
ربنا يسهل واوصل للقرار الصح

**Abdo_Eldesokey** · 15-12-2008 03:05 PM

الصراحة صعب جدا ً تلاقي كورولا نضيفة موديلها أقل من 2003 ، وأنا طبعا ً مركز جدا ً في الموضوع ده لأن والدي معاه كورولا

لكن الفيكترا ما شاء الله ، ممكن تبقى موديل 97 وتحس إنها زيرو

أنا رأيي الفيكترا تكسب ، بس تبقى قادر على قطع الغيار

**M.Mokhtar** · 15-12-2008 03:29 PM

شوف يا باشا
الامانى كله غالى فى قطع الغيار
بس عمر افتراضى طويل لو دايما شغال فى الاصلى

كركوب بقى وقياده
ماتقارنش دى بدى خالص

مشاكل الاوبل (التكييف - الحراره)
بالنسبة للتكيف لو الدوره بتاعته سليمه وقطع اصليه ومتحافظ عليه مفيش فيه اى مشاكل
المشاكل بتظهر بعد العك اللى الصناعيه بتعمله فى التكييف
بس برده مش فى كفاءة اليابانى

الحراره موضوع كله اشتغاله
دوره التبريد لو نظيفه ومفيهاش تسريب انسى موضوع الحراره ده
الطبيعى بتاع اوبل درجه حراره عاليه 80 - 90 حسب الموتور وبيتحمل لغايه 100
لو وصلت ل 100 تبدا تقلق

بالنسبة بقى للاسعار انا عن نفسى عربيتى موديل 2000 وناوى ابيع بس السعر اعلى من اللى انت بتقول عليه عشان فيها كماليات Cdx ومرفوعه 4 سنين وحاله نظيفه جدا

**KHALED AYMAN** · 15-12-2008 04:15 PM

فعلا انا شايف ان الفيكترا تكسب بس اهم حاجه ان لو ربنا كرمك و قررت تجيبها هات حاجه نضيفه لان الاوبل لو حد لعب فيه مش بيرجع لاصله و ان شاء الله لما تجيبها حافظ عليها و اعمل صيانتها فى التوكيل او عند حد فاااااااااااهم كويس (الناس فى المنتدى هنا ممكن يقولولك على صنايعيه كويسن)
متنساش لفتى بقى .

**outosend** · 16-12-2008 12:28 AM

مرسى ياجماعه لارائكو القيمه دى هاركز فى الفيكترا اكتر ان شاء الله

استاذ محمد مختار انا مش اد الcdx ياباشا بس لو عربيك زى الصوره اللى انت حاططها مستعد ازود المبلغ بتاع 40 جنيه (انا اصرف مايهمنيش)
ان شاء الله هاشوف واحده يوم الاربعاء فى مدينه نصر موديل 2000 صاحبها بيقول 65 الف جنيه ربنا يسهل وتطلع حالتها معقوله (هو كفايه انى اكشف عليها فى بنزينه ولا التوكيل افضل؟)

فينوس باشا انت تأمر لفتك محفوظه اكيد

**M.Mokhtar** · 16-12-2008 12:45 AM

المشاركة الأصلية كتبت بواسطة outosend

مرسى ياجماعه لارائكو القيمه دى هاركز فى الفيكترا اكتر ان شاء الله

استاذ محمد مختار انا مش اد الcdx ياباشا بس لو عربيك زى الصوره اللى انت حاططها مستعد ازود المبلغ بتاع 40 جنيه (انا اصرف مايهمنيش)
ان شاء الله هاشوف واحده يوم الاربعاء فى مدينه نصر موديل 2000 صاحبها بيقول 65 الف جنيه ربنا يسهل وتطلع حالتها معقوله (هو كفايه انى اكشف عليها فى بنزينه ولا التوكيل افضل؟)

فينوس باشا انت تأمر لفتك محفوظه اكيد

يا باشا عربيتى تحت امرك من غير فلوس خالص
بس لفتين وتنزل :)

ياريت تكشف فى التوكيل احسن
هيطلعلك كل كبيره وصغيره فى العربيه حتى لو مسمار ناقص هيقولك عليه
بس طبعا مكلف شويه :(