تجديد البطاقة الرقمية

**جمال** · 15-12-2008 02:18 AM

آخر وسيلة لاستفزاز الشعب المصرى
اصدر وزير الداخلية قرار بتحديد مدة صلاحية البطاقة الرقمية ب 7 سنوات من تاريخ اصدارها تجدد بعدها .
المهم ان القرار ده يطبق من اول يناير ( بعد كام يوم ) و يجب ان تجدد فى خلال 3 شهور - علما بان اصدار البطاقات بدأ فى 1998
استمارات التجديد ستكون ب 50 ج
طب دلوقتى الداخلية عندها الامكانيات لتجديد كام مليون بطاقة فى 3 شهور؟؟
والخبر بيقول ان بكدة الداخلية هتلم كام مليار جنيه من الشعب الغلبان , يعنى هيه ناقصاهم
ولن يسمع بالتعامل بالبطاقات الغير مجددة فى كل المصالح و البنوك

**hossameid** · 15-12-2008 02:42 AM

المشاركة الأصلية كتبت بواسطة Bossy_Fadl

استغفر الله العظيم

هما مش لاقيين طريقه يعكننوا بيها علي الناس قالوا يخترعوا حاجة جديدة؟

و الله العظيم بغض النظر عن الفلوس

كفايه اوي وقفه الطوابير في الزحمة و الزنقه و الزعيق و الموظفين اللي مبيتفاهموش من عينة فوت علينا بكرة!!!!!!!!!

يعني بدل ما الواحد يريح دماغه من حاجة واحده بس لازم يطلعله فيها عفريت هي كمان؟

و الله الواحد مبقاش عارف يلاقيها منين و لا منين

حسبي الله و نعم الوكيل في دي حكومة بقي

اية دة هو لسا فية ناس بتروح السجل المدنى وتئف فطوابير والكلام دة....أيــــــــا

الواحد يروح النادى كدة زى الباشا وهم عندهم مكتب للسجل المدنى وبيخلصولك كل حاجة و100100 وتخيلو هناك موظفبن السجل المدنى محترمين وبيضحكو ولا كاأننا ف امريكا

**Bossy_Fadl** · 15-12-2008 02:48 AM

المشاركة الأصلية كتبت بواسطة hossameid

اية دة هو لسا فية ناس بتروح السجل المدنى وتئف فطوابير والكلام دة....أيــــــــا

الواحد يروح النادى كدة زى الباشا وهم عندهم مكتب للسجل المدنى وبيخلصولك كل حاجة و100100 وتخيلو هناك موظفبن السجل المدنى محترمين وبيضحكو ولا كاأننا ف امريكا

و اللي النادي بتاعه زي حالاتي مافيهوش مكتب سجل مدني يعمل ايه؟

و اللي مش مشترك في نادي اصلا برضه يعمل ايه؟

We `re in the middle of a crisis here

و في ناس ممكن تحدفنا بالطوب لما يشوفونا بنتناقش عن امكانية توفير مكاتب للسجل المدني في النوادي

الناس تعبانة يا استاذ حسام

و بجد الموضوع هيبقي تقيل اوي علي قلب اي حد

**hossameid** · 15-12-2008 02:59 AM

المشاركة الأصلية كتبت بواسطة Bossy_Fadl

و اللي النادي بتاعه زي حالاتي مافيهوش مكتب سجل مدني يعمل ايه؟

و اللي مش مشترك في نادي اصلا برضه يعمل ايه؟

We `re in the middle of a crisis here

و في ناس ممكن تحدفنا بالطوب لما يشوفونا بنتناقش عن امكانية توفير مكاتب للسجل المدني في النوادي

الناس تعبانة يا استاذ حسام

و بجد الموضوع هيبقي تقيل اوي علي قلب اي حد

أوفر أوفر أوفر
الناس اللى معندهمش مكتب للسجل المدنى فنادى بتاعهم يطالبو بعمل مكتب

والناس اللى مش مشتركة فنادى اصلان يشتركو فنادى

المشكلى الاساسية هى فالاعداد بتاعت الخلق على المصالح الحكومية بجد عدد غير طبيعى الحل الوحيد هو عمل فروع اصغر واكتر عشان الناس تنجز.
يعنى مثلن,ولله الحمد فنادى بتاعنا عندنا الاتى:-
مكتب شهر عقارى (ممكن تعمل فية اى حاجة)
مكتب مرور (لتجديد الرخصة تيديهم الرخصة وتيجى بعد 3 ايام تستلم الرخصة الجديدة ولو فية فحص بيجيبو مندوب من المرور للنادر فيوم معين)
مكتب سجل مدنى
مكتب لدفع فواتير التليفونات

وكفاية كدا لحس حاسس انى حتشتم

**yehia** · 15-12-2008 05:08 AM

الله يرحم البطاقات الورقية... بتاعة "سارية حتى تجدد"

أيااام....

**chato_eg** · 15-12-2008 10:18 AM

وزارة الداخلية دى عايزة تترن علقة محترمة من الشعب
أكتر وزارة مضايقة الناس و عاملة لهم رعب كمان
و فى الآخر يقولك " الشرطة فى خدمة الشعب " و يعلقوا يافطة فى المطار " ادخلوها بسلام آمنين "...لكن واضح إن الأمن ده شىء كان موجود أيام سيدنا يوسف عليه السلام و دلوقتى بقى الأمن يافطة على حائط.....
مين عاد النهاردة حاسس بأى نوع من الأمن ؟
لا فى الشارع و لا فى عربية و لا فى المسجد و لا فى بيتك حتى.....
المفروض يسموها " وزارة استغلال السلطة فى جمع الأموال "

**MoToRiZeR** · 15-12-2008 10:52 AM

ده إيه البلد المقرفة دي

**elassar2010** · 15-12-2008 10:53 AM

المشاركة الأصلية كتبت بواسطة chato_eg

وزارة الداخلية دى عايزة تترن علقة محترمة من الشعب
أكتر وزارة مضايقة الناس و عاملة لهم رعب كمان
و فى الآخر يقولك " الشرطة فى خدمة الشعب " و يعلقوا يافطة فى المطار " ادخلوها بسلام آمنين "...لكن واضح إن الأمن ده شىء كان موجود أيام سيدنا يوسف عليه السلام و دلوقتى بقى الأمن يافطة على حائط.....
مين عاد النهاردة حاسس بأى نوع من الأمن ؟
لا فى الشارع و لا فى عربية و لا فى المسجد و لا فى بيتك حتى.....
المفروض يسموها " وزارة استغلال السلطة فى جمع الأموال "

هما عايزين فلوس وخلاص شوف حضرتك 50جنية فى حوالى 40مليون مواطن يطلع كام ؟؟؟؟؟؟؟؟؟؟
الحكومة بتسرقنا عينى عينك

**chato_eg** · 15-12-2008 03:36 PM

المشاركة الأصلية كتبت بواسطة elassar2010

هما عايزين فلوس وخلاص شوف حضرتك 50جنية فى حوالى 40مليون مواطن يطلع كام ؟؟؟؟؟؟؟؟؟؟

يطلعوا 2 مليار حضرتك
أنا بس عايز أفهم....لو واحد ما جددش...هل عضويته فى البلد دى تسقط

؟؟؟؟

-

الموضوع: تجديد البطاقة الرقمية

LinkBack

أدوات الموضوع

عرض

تجديد البطاقة الرقمية - انشر الموضوع فى :

-

-

-

-

-

-

المواضيع المتشابهه

استمارة البطاقة

استفسار بخصوص تجديد البطاقة الشخصية ؟

اتصورت فى الاشارة الرقمية

ساعة اللوجان الرقمية

:تقنية Dvb-t لاستقبال الدش الرقمى على الجوالات و الأجهزة الرقمية فى مصر 2015::.. هام!

الكلمات الدلالية لهذا الموضوع

المفضلات

المفضلات

ضوابط المشاركة