حبيب قلبى اسلام باشا
كل عربية وليها رواحها يعنى كل موقف له طريقته
مع زميلتك او خطيبتك فيه طريق
مع زمايل العمل الرجاله فيه طريقة تانية
والمدير وزمايل الدراسة والجيران كل واحد وله طريقة
حدد انت عايز ايه عشان ده فيلم
عرض للطباعة
حبيب قلبى اسلام باشا
كل عربية وليها رواحها يعنى كل موقف له طريقته
مع زميلتك او خطيبتك فيه طريق
مع زمايل العمل الرجاله فيه طريقة تانية
والمدير وزمايل الدراسة والجيران كل واحد وله طريقة
حدد انت عايز ايه عشان ده فيلم
الموضوع جامد بالنسبالي عشان انا دايما عندي المشكلة دة و دة مخليني مش بتكلم كتير و دايما ساكت و دايما مفيش حاجة في ذهني اقولها
و دة مأثر جداا على حياتي الاجتماعية و مش عارف لما الواحد هيخطب هيقول اية و لا هيعمل اية
انا بحب الناس جداا و بحب اصحابي اللي في الكلية بس مش بعرف اقول نكت و لا اعمل افشات خالص و دة محسسني بأكتئاب جامد
......................
موضوع مميز جدااا الصراحة برافو :k32:
الموضوع دة حصل ليا وكونت اتمنى وقتها ان الارض تنشق وتبلعنى كونت رايح اتقدم لبنت اعرفها وكونا مظبطين كل حاجة:36_1_34[1]:المهم روحت انا واخويا وابويا واومى المهم دخلنا اواعدنا وطبعا هوما كمان اعدو اتكلمنا حاولى خمس دقائق بس والكلام خلص :shyy: وفعلا كلنا كونا ساكتين كلنا كونا مكسوفين لقيت مرة واحد نفسى بقول وحدووووووووووووووووو :36_3_10[1]: لقيت ابوها بيقولى اية ياعم انتا طالع ورة ميت
قولتلو معلش انا شايف الدنيا ساكتة
وبردو لقيت نفسى بسئل البنت انتو عندكو اية فى التلاجة لقيت كلو ضحك والعملية مشيت :shyy:
ههههههههههههههههههههههههه ههههه ههههههههههههههههههههههههه هههههههههههههه
أضحك الله سنك , جامد اوي والله الموقف دا ههههههههههههههههههههه
انا برضو كنت رايح اتقدم لواحده وكدا واتكلمنا حوالي 5 دقايق ووبقية الوقت قاعدين ساكتين المشكله الاكبر ان انا ووالدي ووالد العروسه مابنتكلمش كتير , مش برجله بس هو علشان مااخدناش على بعض اوي فالمشكله ان احنا اتكلمنا في الحاجات العامه وخلص الكلام فمكناش عارفين نفتح كلام في الحاجات الخاصه لاننا ماعرفناش شخصيتهم ولا هم عرفو شخصيتنا قبل كدا
فالي كان معظم الوقت بيفتح الكلام اخو العروسه ( صاحبي وحبيبي وكفائه :verygood: ) كان دايما بينقذني في السكوت
بس انا لما بحب انهي مثلا موقف Small talk بقول في الاخر ,, ربنا ييسر الامور ان شاء الله
وهو ربنا بيلهم الواحد انه يتكلم في ايه او بيعمل ايه لان صعب احفظ حاجه اقولها في موقف معين , حتى لو حاولت احفظ بنسى :shyy: احلى حاجه خليك على طبيعتك
والله يا باشا دحكتني جدا .. حلوة فكرة عندكو ايه في الثلاجة ..
انا حصلي موقف مشابه بس لأن من الأول محصلش ارتياح لما تم مقابلة الأهل كان الصمت هو أنسب الخيارات لكل الأطراف .
وبالنسبة للموضوع الأصلي انا ببساطة بحب اني متكلمش كثير مع أي حد وبالتالي لو هوه مش عايز يفتح كلام بلتزم بالصمت الرهيب وبعيش في عالمي الخاص لحد ما الوقت يعدي على خير بس في نفس الوقت اللي عايز يتكلم بس مش يرغي بتكلم معاه ..
اما الرغاي ده بيعملي أزمة وبيضايقني جدا وبستعمل معاه اسلوب الطناش تماما يعني يكون هو بيتكلم وانا برضه في عالمي الخاص وممكن في النص أقطع كلامه وافتح موضوع ثاني علشان اسكته او ممكن استأذنه وأقوله انا هسيبك علشان مشغول .. من الآخر بحاول اوصله رسالة اني مش عايز اسمع كلامك ..
مريض بنفس المرض وياريت العلاج بسرعة يا جماعة
طيب جميل اوى ، الردود مشجعة.
طيب انا هتكلم عن نفسى ، انا من حوالى سنة حسيت انى مش اجتماعى اوى ، قليل الكلام حتى مع اصحابى القريبين ، ببقى مضطرب وقلقان وسط ناس اول مرة اعرفهم ، بروح الافراح محبش اقف واهيص مع الناس ، طبعا مع الجنس الآخر كنت ضايع ، فقررت انى اغير نفسى خاصة لما كنت معجب بواحدة وكنت عاجز عن التصرف ، مكنتش عارف اعمل اى حاجة ، قريت شوية كتب Self development ، الموضوع أخد منى شهرين ، قلت لازم اغير طريقة كلامى ، طريقة حركاتى ، ردود افعالى لمواقف معينة ، وقد كان ، والحمد لله دلوقتى أحسن كتير.
من الحاجات اللى لازم تاخد بالك منها عموما ال Body language بتاعتك ، يعنى طريقة مشيتك ، حركاتك وانت بتتكلم ، وقفتك ، لما يتحسن انت بنفسك هتحس بتحسن ، مثلا طريقة المشى انا كنت معظم الوقت بمشى وايدى فى جيبى ، بعدين غيرت طريقة مشيتى بقيت أمشى زى جيمز بوند فى كازينو رويال :cool(1): ، مشية موديلز ، وانا واقف كنت دايما اتكلم وانا متنى (شاب متنى :clown:) ايدى crossed ، بعدين عرفت ان الصح انك تقف ايدك بتوازى رجلك ، ضهرك مفرود ، ولو انت بتتكلم ايدك بتتفاعل مع الكلام ، عينك دايما فى عين اللى قدامك ، ميبقاش كل لحظة عينك بتبص فى مكان ، حط فى دماغك قاعدة ، ال Body language وال Voice tone بيشكلوا دور كبير فى الإنطباع عنك ، لما تكون شاب متنى ومهزوز كدة يبقى بغض النظر عن محتوى حديثك هيتاخد عنك انطباع مش كويس ، حطها قاعدة لما تكلم حد غريب اتكلم كأنك بالظبط بتكلم صديق مقرب.
فيه قاعدة عامة كدة إن كل ما معلوماتك بتزيد بتقل نسبة التوتر ، قس على كدة حاجات مشابهة كتير ، يعنى مثلا واقف بتدى محاضرة ، وقلقك كله إنك هتقف قصاد مجموعة كبيرة من الناس ساكتين بيتفرجوا عليك بس ، توترك وقلقك دة بيقل كل ما حجم معلوماتك عن مادة المحاضرة كبير ، الموضوع مش أكتر من Mind set.
فيه عندنا مفهوم غلط شائع جدا ، لو انت مش بتعرف تتكلم كويس يبقى هتفضل طول عمرك كدة ، لو انت مش بتعرف ترسم يبقى هتفضل طول عمرك كدة ، لو انت على طبيعتك وعاجز عن عمل شىء معين يبقى هتفضل طول عمرك عاجز ، بمعنى آخر الموهبة ، للأسف مفهومنا عن الموهبة خاطىء جدا ، أى حاجة فى الدنيا عبارة عن Skill ممكن تتعلمها بسهولة ، الموهبة بتفرق بين ال Very good and the best ، فن الحوار دى مش موهبة دى مهارة ممكن تتعلمها وتتقنها كمان ، الرسم مش موهبة ، الرسم دة مهارة ممكن تتعلمها ، العزف مش موهبة ، دى مهارة وممكن برضه تتعلمها بسهولة ، كل المطلوب منك إرادة مش أكتر ، انتوا عارفين يا جماعة لو دخلتوا سايتات زى ehow و wikihow ، هتلاقوا حاجات لدرجة How to shake hands ، وبالتفصيل الممل كمان ، متلاقيش الحاجات دى بالعربى ليه؟.
عشان تكون محاور حلو لازم تكون ملم بمفهوم الحوار ، لازم تعرف ازاى تبدأ حوار ، ازاى تسمع اللى قدامك ، ازاى من كلامه تفتح مواضيع تانية ، لحظات الصمت تفتحها ازااى ، تنهى الحوار ازاى ، هتعرف انك بتتحسن لما وقت حوارك مع الناس يزيد.
انا فتحت الموضوع دة عشان الناس تشارك برأيها وخبرتها وأهو نساعد بعض.
IslamGen2
عضو فعال
بعمل كل اللى انت بتقول عليه
و بحس انى مش اجتماعى!
مشكلتى فى الجماعات الكبيرة
لما بتكون لمه! الواحد بيتكسف يتكلم
للاسف اسوء شئ فيا انى خجول
مع انى كنت فى مدرسة مشتركه! و كنت عايش!!!
بس هندسة للاسف مافهاش اى نوع من انواع الجنس الاخر!!
كما قلت لك انا من النوع اللى لو فى وسط عدد قليل ممكن اكون حلو اوى لو ناس عارفهم و حلوين
انما لو شلة كبيرة بلاقى صعوبة انى اتكلم او افتح موضوع!!
روميو باشا أكيد دى أكتر نقطة بتشغل تفكير الواحد ، مفيش حد بيتحرج يتكلم مع راجل قد ما بيتكلم مع الجنس الآخر والعكس صحيح ، دايما لما اتنين من جنسين مختلفين يتكلموا مع بعض لحظات الصمت بتكتر وكل واحد بيحس ان كل كلمة هتطلع من بقه بفلوس ويعمل عليها ألف حساب.
كنت مرة مع واحد صاحبى بنتكلم بعدين وقف الكلام بيننا ، لاقيته ببساطة بيقولى "سكت ليه؟" ، ومن سؤاله لاقينا موضوع تانى نكمل بيه الكلام.
شوف يا سيدى اتفرج على افلام كتير حاول تمزج بين اسلوب الممثل وبين طبيعتك ، انا عن نفسى بيعجبنى أحمد حلمى اوى ، طريقة الكلام وتعابير الوش ، وإفيهاته كمان حلوة ، وأحمد مكى كمان لذيذ اوى فى تامر وشوقية ، المسلسل كله مش بيعجبنى بفتح حلقاته واقلب على مشاهد مكى وبس ، وعمرو رمزى فى حيلهم بينهم جامد اوى برضه ، اسلوبه الرخم وتعليقاته مع تعبيرات وشه جامدة جدا.
أقولك على حاجة ، أى تجمع كبير هو فى الأصل مجموعات صغيرة كل تلاتة اربعة مع بعض ، وطبعا لو انت جديد عالشلة فبتعتمد على صاحبك اللى هو ألريدى عارفهم يعرفك عليهم ، ممكن لو انت قاعد وسطهم تحس انهم عيال بايخة فتفك منهم وتريح دماغك ، فى الجامعة الموضوع بيبقى رخم شوية ، كل جرووب بيبقى منغلق على نفسه ، المواضيع المتاحة انك تتكلم فيها بتبقى أقل ، غير مثلا لو فى حفلة ، عيد ميلاد ، فرح ، خروجة مثلا مع اصحابك واصحابهم.