يا جماعه انا رحت ركبت فرش للجين2 من معرض كبير فى وسط البلد
كنت عايز احافظ على فرش العربيه الاصلى من البهدله والاستعمال وعاوز اغطيه باى طريقه
لما رحت للراجل بتاع الدقى اللى جنب الكوبرى بصراحه معجبنيش انى اروح واجى كذا مره ..
مره للكنبه ومره للكرسى اللى جانبى ومره لكرسى السائق وطبعا من 1000 : 1300 جنيه
طبعا انا عارف ان شغله كويس جدا لان الناس بتشكر فيه وكنت شفت صوره لشغله قبل كدا كان جايبها khpopo وكان الشغل حلو فعلا .. بس انا اللى مستعجل ..
المهم سألت واحد صاحبى لسه مركب فرش لعربيته الجديده وقاللى عليه وقاللى روح شوف عنده ده بيبيع بسعر المصنع واسمهم سبير كار spare car ومكانه فى الفلكى امام وزاره الداخليه.. المهم رحت ولقيت عنده فرشين جاهزين للجين2 فاخترت واحد ..طلعهولى ومعاه اربع شباب هجموا على العربيه بصراحه انا كنت خايف ليبهدلوا حاجه بس للامانه كانو شغالين وعارفين هما بيعملوا ايه .. اثنين قدام كل واحد اشتغل فى كرسى واتنين على الكنبه اللى ورا ومفيش ساعه زمن بس وكنت بحاسب وماشى ..
صحيح الفرش مش مجسم اوى على الكراسى وطبعا الاصلى منظره احسن بس انا كنت عاوز احمى الفرش بتاعها وكدا كدا هو موجود ولو احتاجته كل اللى ح اعمله انى افك الفرش الجديد عندهم برده
المهم الحساب كام ..360 جنيه بعد 400 وهو اللى خفضهم كمان مش انا لانه قاللى ان عليهم خصم على حظى وده سعر المصنع

ودى الصور كمان:
الفرش فى الواجهه شمواه والخلفيه جلد وفبها جراب فى ظهر الكرسى





وادانى البروشور بتاعهم وعلى فكره هما بيصنعوا لمعظم الماركات وعندهم معظم الاكسسوارت كمان (اغطيه وانذار ودواسات و.. حاجات كتيير) وسألت الراجل كمان لو ليا طلبات خاصه فى الفرش يعمالهالى قاللى: يا بيه انت لو عاوز تفرش قطار ح نفرشهولك

طبعا ده مش اعلان ليهم لانهم كل سنه تقريبا بيعرضوا فى اوتوماك وبيصدروا انتاجهم كمان لكذا بلد وعندهم كذا فرع وليهم كمان موقع على النت عليه كل منتجاتهم و بياناتهم
وهو ده الموقع: www.sparecar.net

يمكن الكلام ده يكون مفيد لاى حد عاوز يعمل فرش ومش عارف يعمل ايه أو مكسل وكمان حبيت اعرف رايكو ايه انا كدا اضحك عليه ولا ايه؟ وايه رايكو كمان فى الفرش ده؟

تحياتى