يعني ايه الماتور فيه خشونه ؟؟؟؟

**moudy88** · 16-12-2008 12:32 AM

فيه عربيه نوبيرا 2004 اوتوماتيك معروضه على واحد صاحبي روحت انا وهو نكشف عليها في البنزينه المهم قالي العربيه اساسيتها سليمه وفتح الكبوت وقعد يسخن في الماتور وبعد كده قالنا الماتور فيه خشونه بسبب القرص عليه والعربيه صوتها عالي شويه في السحب مع العلم ان الماتور مابيسربش زيت وحالته كويسه وبيجيب سرعه 140 عند 4 rpm ....ارجوا من الساده الخبراء انهم يفهموني يعني ايه خشونه وهل معنى كده انها هايتعملها عمره قريب وان الماكنه خفيفه ارجو الافاده ضروري واسف على الاطاله

**moudy88** · 16-12-2008 01:17 PM

ايه ياجماعه 23 مشاهده ومافيش ولا رد ......ليه كده بس

**human** · 16-12-2008 02:06 PM

خشونه تقريبا قصه البساتم متاكله شويه او حاجه كده
و الله اعلم

**ehab_mansour** · 16-12-2008 02:15 PM

السلام عليكم
ياباشا موضوع خشونة الموتور ده بيتوقف علي شوية حاجات منها علي حسب علمي :
1- خشونة تسمعها من منطقة الكاتينة وده اسبابها خشونة بلية شداد الكاتينة او بسبب خشونة طلمبة المياة او بسبب شد السير زيادة عن اللازم .
2-خشونة تسمعها من عند الدينامو ودي ممكن يكون بلي الدينامو محتاج يتغير .
3- خشونة ناشئة من الفتيس ودي سببها غالبا بلية الدبرياج ودي لما بتدوس دبرياج والعربية دايرة بتروح .
4- صوت خشونة صادر من داخل المحرك وده ممكن يكون صوت التاكيهات وسببه استخدام بنزين اقل في رقم الأوكتان من الموصي به بمعني يكون موصي في الكاتالوج ببنزين مثلا 92 وصاحبها كان بيحط 80 او 90 بيخلي فيه صوت خشونه وتقيف في السحب وعلي الواقف .
5- ممكن يكون خشونة بسبب تأخر او غياب تغيير الزيت أو استخدام نوع زيت رديء ودي هتروح لما تغير الزيت والفلتر .
هذا والله أعلم علي قدر معرفتي ويارب اكون أفدتك و عموما اكشف عليها عند ميكانيكي كويس عشان تعرف حالتها وسبب الخشونة

**ehab_mansour** · 16-12-2008 02:18 PM

المشاركة الأصلية كتبت بواسطة ehab_mansour

السلام عليكم
ياباشا موضوع خشونة الموتور ده بيتوقف علي شوية حاجات منها علي حسب علمي :
1- خشونة تسمعها من منطقة الكاتينة وده اسبابها خشونة بلية شداد الكاتينة او بسبب خشونة طلمبة المياة او بسبب شد السير زيادة عن اللازم .
2-خشونة تسمعها من عند الدينامو ودي ممكن يكون بلي الدينامو محتاج يتغير .
3- خشونة ناشئة من الفتيس ودي سببها غالبا بلية الدبرياج ودي لما بتدوس دبرياج والعربية دايرة بتروح .
4- صوت خشونة صادر من داخل المحرك وده ممكن يكون صوت التاكيهات وسببه استخدام بنزين اقل في رقم الأوكتان من الموصي به بمعني يكون موصي في الكاتالوج ببنزين مثلا 92 وصاحبها كان بيحط 80 او 90 بيخلي فيه صوت خشونه وتقيف في السحب وعلي الواقف .
5- ممكن يكون خشونة بسبب تأخر او غياب تغيير الزيت أو استخدام نوع زيت رديء ودي هتروح لما تغير الزيت والفلتر .
هذا والله أعلم علي قدر معرفتي ويارب اكون أفدتك و عموما اكشف عليها عند ميكانيكي كويس عشان تعرف حالتها وسبب الخشونة

معلش اسف شيل موضوع بية الدبرياج من ردي لأن السيارة اتوماتيك وما أخدتش بالي
بكرر اسفي

**ehab_mansour** · 21-12-2008 09:03 AM

المشاركة الأصلية كتبت بواسطة moudy88

متشكر جد يابشمهندس على التوضيح ده وجزاك الله خير

الله يكرمك علي ايه احنا في الخدمه

**ehab_mansour** · 21-12-2008 09:14 AM

المشاركة الأصلية كتبت بواسطة saidbakr

انا فعلاً في عربيتي الشاهين في صوت خشونة من الفتيس، و لما بضغط دبرياج الصوت بيروح.
بس فيه ملحوظة تانية عند الغيار الرابع في الفتيس الصوت ده بيروح، في حين انه بيبقى ظاهر في الاولاني و التاني و التالت بشكل واضح. هل على كدة يكون برضو السبب بلية الدبرياج؟!!!

شوف يا باشا موضوع ظهور الصوت علي الغيارات الأولي وعدم ظهوره علي الرابع والخامس ده لأن الأصوات الأخري للكاوتش والهواء الخارجي و... بتغطي علي صوت البلية مع زيادة سرعة السيارة .
يبقي من الأخر الصوت ده سببه البلية لكن هيا لسه فيها شوية يعني ممكن تغيرها دلوقتي لو حبيت تنهي الصوت او تمشي عليها شوية لحد ما تنتهي خالص وده هيكون بصدور صوت مزعج جدا منها دائما .