بسم الله الرحمن الرحيم

انا من ذوى الاحتياجات الخاصة وليا عربية كل 5 سنين ومعايا جواب

اشتريت عربية قبل كدا من الاستثمار فى بورسعيد من تاجر بيستورد عربيات المعاقين وعدى عليها 5 سنين وناوى اشترى عربية تانية

لاحظت ان التجار يا اما بيغشوا فى العربيات او ياخدوا منها حاجات او ياخدوا عمولة كبيرة بتوصل ل 20 الف

فقررت انى استورد العربية بنفسى من موقع بيبيع عربيات مستعملة واسعارها معقولة

والموقع اللى اختارته : https://www.sbtjapan.com

لقيته بقاله 25 سنة و شارح حالة العربية وهتتكلف كام بالشحن لحد ميناء الاسكندرية بالظبط

بس النقطة اللى قلقان منها حالة العربية من حيث الموتور والفتيس وطبعا حالة الصاج من حيث راشة ايه او مركبة نص ولا ربع لا قدر الله

وطبعا انا بعتت لادارة الموقع وقاللى حالة العربية جيدة جدا ومحصلهاش حوادث ولا راشة حاجة وهما مش بيبيعوا عربية ولا يأكدوا على استمارة البيع الا لما يتأكدوا انها سليمة , ودا كلام يحترم بس برضو لازم الفار يلعب فى عبى

دى ردودهم :
Untitled-1 copy.jpg

السؤال :

1- فى حد جرب يشترى عربية مستعملة من النت قبل كدا يفيدنا ؟

2- هل اثق فى كلام ادارة الموقع من حيث العربية سليمة ؟

3- فى حد جرب الموقع دا بالتحديد ؟


شكرا