الموضوع: حد يعرف ميل او رقم تليفون مدير كبير في منصور؟؟

المشاركة الأصلية كتبت بواسطة eng\ahmed

المشكلة مش ان منصور اهمل شيفرولية بالعكس مكاسبة من صيانة اوبل اعلى بكتير كفاية فرق السعر فى قطع الغيار
المشكلة ببساطة فى عادة مصرية ظريفة وهى ان صاحبة العربية بنت وهى اللى كانت بتتعامل هناك وبنت + صنايعية = النتيجة معروفة من اهمال وفهلوة ونصب
المفروض مكانتش تستلم العربية اصلا وهى مجرحة وتعمل مشكلة وهى هناك قبل الاستلام لأن دلوقتى هيطلعوا بميت حجة وحجة وان دة مش عيب عندهم والنتيجة معروفة ولو افترضنا انهم اعترفوا بغلطتهم وحلوها هيعملوا اية !! هيرشوها ؟؟ بقت عربية مرشوشة ومعيوبة ومش فابريكة وووووو.....

فى حاجة ممكن متوصلش لحاجة اوى بس هتعمل رخامة ودوشة ابعت ايميل على سايت اوبل نفسة وفية شرح المشكلة كلها بالتفصيل وصور الفواتير وصور الخدوش فى العربية وشوف هيعملوا اية

ماهي المشكلة يا احمد اني دورت فعلا علي اي كونتاكت في السايت بتاع اوبل..
ملقتش اي حاجة.. و ده اللي جنني..

نجرب يا باشا و ربنا يوفق ان شاء الله..
و الف شكر يابو حميد و تسلم ايدك

هى المشكله فعلا انها استلمت العربيه بس مفيش مانع من بعض القلق لمنصور عشان مينساش انه معاه توكيل شركه محترمه ولازم يحافظ على اسمها و عملاؤها ممكن تروح تانى و تعمل هيصه و قلق و تطلع لمدير الفرع او مدير الصيانه !!!! بس حتى لو عملو حاجه هتكون رش العربيه !!!! و دى مش كويسه.
للاسف العيله الاوبلاويه العريقه دى غالبا هتكون تبع شركه تانيه من بعد النهارده بسبب استهتار منصور .

المشاركة الأصلية كتبت بواسطة asaadte

انا معرفش اسماء حد معين
لانى ماتعملتش معاهم قبل كدة
لكن دى سياسة انا اتعلمتها ، لانى شغال فى التفتيش فى شركة كبيرة واتعلمت الحاجات دى من شغلى
انى اخش على الكبير بتاعة واعمل شكوى واقابله ، ساعات ما بحتجش اقابله لان فيه سكرتارية بيخلصوا الموضوع
انا بدخل
فين مكتب المدير العام او مدير خدمة العملاء
لو قابلت موظف فى الطرقة او قابلت الامن
اسال على اسمه
لو قاللوك مين
قلهم اسمك
لو الموضوع كبير وتعرف تخش له يبقى احسن محصلش جهز شكوى مكتوبة من نسختين وانت رايح وسلمها رسمى فى السكرتارية بامضى منهم

اخر حاجة انا عملتها كانت اول السنة فى بنك اجنبى
فتحت الحساب ، استنى كارت ATMييجى مفيش ، اكلم الفرع : احنا بعتنا الطلب لقسم اصدار البطاقات والتاخير عندهم ، اتصل بخدمة العملاء : ماجاش حاجة
ماشى : يوم اجازة وعلى مكتب المدير العام
بصراحة السكرتارية قلبت الدنيا وبالظبط 3 ايام والكارت جه

مرة تانية بنك عام
قدمت طلب على خدمة ، شهر والحاجة ماجاتش ، كلمت مدير خدمة العملاء ، حاضر وطيب ، قلت له : انا لحد دلوقتى مش عايز اصعد الامور برة الفرع ، انا هاستنى لحد يوم الخميس بعد كدة فيه تصرف تانى ، ابتدوا يتحركوا ، مفيش حاجة جت بردة لحد الخميس
الاحد : جبت نمرة سكرتارية رئيس مجلس الادارة ، وتليفون ليهم
اخر النهار
الحاجة فى ايدى

المهم : لو عايز تليفون حد معين او فرع معين لانى معرفش تفاصيل اوى عن الواقعة فممكن ندور عليه
كلمنى على المحمول وربنا يسهل
هابعت الرقم ليك على الخاص

الف الف شكر ليك يافندم عل المساعده و الاهتمام..
بس للأسف الكلام ده حصل من فترة..و المشكلة اتحلت.. و كان التصرف اللي سعاتك قولت عليه ده كان المفروض يتعمل في ساعتها.,. و المشكلة موجوده.. بس للأسف انا مكنتش موجود.. و معرفتش بالقصة دي غير بعدها بفترة كبيرة..

انا شوفت الرسالة الخاصة.. و الف الف شكر ليك يا باشا علي الاهتمام.