ال Mp3 اللى بيركب ع الولاعه
سلام عليكم ياشباب ايه الأخبار ,, يارب يكون كله تمام
دلوقتى العربيه ماروتى بتيجى من غير كاست ولا سماعات ولا اى بتنجان مقلى ,, و طبعا حاجه ممله ملل جبار مش هقولكو يعنى انتو اكيد فاهمين
ونظرا للحاليه الماديه المأشفره والمشى على فيض الباسط فواضح ان الأم بى ثرى اللى بيركب ع الولاعه ده افضل الحلول حاليا
بس انا عاوز افهم ,, هو المفروض بيشتغل مع راديو صح ؟ يعنى لازم الأم بى ثرى اللى هيتوصل بيه يكون فيه راديو ,, صح كده ولا ايه ؟؟ و بيتظبط تردده مع تردد الجهاز ,,و كمان هو لازمله سماعات يتوصل بيها و لا ممكن يطلع صوت لوحده ؟:shyy:
معلش الواحد خبرته فى الصوتيات دى ميح ,, والعشم فيكوكبير
ياريت تفهمونى هو بيشتغل ازاى ومحتاج ايه بالظبط و الموضوع هيتكلف كام بالتقريب
و شكراااااااااااااا
