ال Mp3 اللى بيركب ع الولاعه

**m7nsh** · 17-12-2008 12:58 AM

سلام عليكم ياشباب ايه الأخبار ,, يارب يكون كله تمام

دلوقتى العربيه ماروتى بتيجى من غير كاست ولا سماعات ولا اى بتنجان مقلى ,, و طبعا حاجه ممله ملل جبار مش هقولكو يعنى انتو اكيد فاهمين

ونظرا للحاليه الماديه المأشفره والمشى على فيض الباسط فواضح ان الأم بى ثرى اللى بيركب ع الولاعه ده افضل الحلول حاليا

بس انا عاوز افهم ,, هو المفروض بيشتغل مع راديو صح ؟ يعنى لازم الأم بى ثرى اللى هيتوصل بيه يكون فيه راديو ,, صح كده ولا ايه ؟؟ و بيتظبط تردده مع تردد الجهاز ,,و كمان هو لازمله سماعات يتوصل بيها و لا ممكن يطلع صوت لوحده ؟

معلش الواحد خبرته فى الصوتيات دى ميح ,, والعشم فيكوكبير

ياريت تفهمونى هو بيشتغل ازاى ومحتاج ايه بالظبط و الموضوع هيتكلف كام بالتقريب

و شكراااااااااااااا

**ahmed alaa** · 17-12-2008 01:17 AM

اشترى كاست مش شرط يكون جامد راديو كاسيت عادى و ركب اريال محترم و هات الmp3 بتاع الولعة من العتبة ب 60جنية ونازل ب flash memory 1 gb و هاتولف الmp3 مع محطة فى الراديو و بس كدة

**m7nsh** · 17-12-2008 01:37 AM

يعنى لازم كاست فيه راديو عشان يشتغل ؟

مينفعش الأم بى ثريهات اللى فيها راديو دى تقوم بالمهمه ؟

و اه ,, صحيح

ده معناه ان مش لازم يبقى فى سماعات ؟ يعنى الأم بى ثرى بتاع الولاعه ده فيه سماعات منه فيه ولا ايه ؟

ياريت توضيح اكتر ياباشا و انا فعلا متشكر اوى لأهتمامك

**lancerevolution** · 17-12-2008 01:43 AM

أنت فاهم غلط خالص
الإم بى ثرى بتلغى كل خواصه لما توصله بالجهاز دا أكنك موصله بالكمبيوتر بالظبط و ممكن كمان تستعمل فلاشة عشا تبقى أرخض و حجمها أصغر المهم لازم كاسيت وسماعات مش لازم حاجة توب قوى أى حاجة تطلع صوت و تعيش أنت مش حتعمل فرح يعنى ممكن تشوف حاجات مستعمله

**KoDaK_Gti** · 17-12-2008 01:48 AM

المشاركة الأصلية كتبت بواسطة lancerevolution

ممكن تشوف حاجات مستعمله

+1111 هتلاقى كتير جدا

**m7nsh** · 17-12-2008 01:54 AM

هههههه ده الواحد طلع فى التوهان جامد :(

بجد متشكر يارجاله اوى على ردودكو

بس فى سؤال طيب ,, طالما لازم كاست و سماعات ,, طيب ماالواحد يشغل الأم بى ثرى ع الكاست و خلاص ,, ايه لازمه الأم بى ثرى بتاع الولاعه ده على كده ؟؟ (واضح انىعكيت كده جامد )

احم ,, لوالسؤال غبى اوى يعنى نفضوله ولا كانكو شفتوه !

حاجهاخيره ,, ياترى كاست ام بى ثرى و سماعتين (كله مستعمل ) يعملولهم كام دلوقتى ؟و ايه الأنواع اللى ترشحوهالى اسال عليها ؟

و شكرا ليكو بجد مره تانيه