المشاركة الأصلية كتبت بواسطة ahmed _abo samra
ياباشا سيبك من تاريخ الشركتين ومين اللى اعلى تكنولوجى ومين اقل احنا هنا بنقارن بين عربيتين هما سيفيك وكورولا
بس لازم كل واحد يحدد احتياجاته فى العربيه اللى هيشتريها وبعدين يحدد
مثلا الكورولا دلوقتى نزلت فتيس اوتوماتيك عادى علشان الناس اللى مش عجباها ال mmt وكمان موديل 2010 وفيها كماليات بالهبل وبكام ب 160 الف جنيه
السيفيك الفئه المنتشره واللى كل الناس بتجيبها هى اللى ب 150 الف وناس كثير اعرفهم اشتروا السيفيك بعد لما لقوا نفسهم ممكن ما يعرفوش يتاقلموا مع فتيس الكورولا
واكيد طبعا الكورولا تكسب على الاقل فى مصر والاسباب هى
1- عربيه قطع غيارها فى كل مكان وارخص كمان من السيفيك وفيه اسعار اقل من التوكيل فى شارع دمشق
2- اعادة البيع اعلى
3- كماليات اعلى بالنسبه للرينج السعرى يعنى قارن السيفيك اللى ب 150 الف بالكورولا اللى ب 160
4- عفشه مريحه وناعمه على طرقات مصر اللى من رايىء ما ينفعش معاها عفشه ناشفه لانها طرق متكسره ومليئه بالمطبات ولازم احساس بالرفاهيه فى العفشه وليس تصميم الخشونه للثبات على حساب الراحه
5- خلوص ارضى اعلى من السيفيك علشان تعدى المطبات بالامان والله اعرف ناس معاهم السيفيك بيعانوا معناه قاسيه جدا من المطبات
ميزة السيفيك ان ثباتها اعلى من الكورولا على سرعات فوق 160 وطبعا فين وفين لما واحد فى مصر بيكسر الارقام دى يبقى الواحد مش هيشترى السيفيك مخصوص علشان سرعات زى دى لان الاتنين فئه واحده والفرق لا يتعدى اشواط كثيره خصوصا ان الكورولا ثباتها اعلى من عربيات كثير من نفس الفئه انا جربتها بنفسى ولكن السيفيك ثباتها الاعلى يعود لتصميم العفشه التى تفضل الثبات عن الراحه والخلوص الارضى الاقل وطبعا وزن الكورولا اكتر من السيفيك يعنى لو وطتها وزودت الايرودينامكس بعتب وبودى كيت وعفشه سبور وجنوط يبقى انسى السيفيك
انا مقصد كلامى ان الكورولا الحمد لله بتحقق عدد اهداف ولا تقتصر على حاجه معينه دون الاخرى
يعنى توازن بين الثبات وراحة الركاب وارتفاع مناسب عن الارض وكماليات متفوقه على السيارات المنافسه
غير السيفيك اللى فيها ميزة الثبات ولكن لا تهتم براحة الركاب ولا الخلوص الارضى ولا الكماليات بالنفس للسعر
تحياتى