طب حضرتك سوقت السيفيك الجديدة او الكورولا او المازدا 3 او الشارك ال2009 وقارنتها بسواقة الفيكترا هل فعلا الفرق واضح ؟
انا عن نفسى اختار السيفيك
اسم كبير و شكل رائع
و قدرة موتو عاليه جداااا
بس مشكلتها قطع غيارها غاليه جداااا و مشكله انها واطيه على الارض
بعديها على طول الكورولا
عشان استهاك بنزين قليل و قليله المشاكل و الاعطال
عشان نبقى منطقيين ومش بنتلكم بالعاطفة وبس لازم نتفق ان المسألة نسبية يعني في الآخر ماينفعش يبقى فيه عربية احسن عند الكل ,,, يعني لو انت مش فارقة معاك الفلوس خالص ممكن تجيب عربية اوروبي ومش مهم عندك تصلح عند التوكيل على طول وماتروحش لميكانيكية ومش مهم عندك اسعار قطع الغيار ولا استهلاك البنزين.
بس انا بتكلم على ظروف بلدنا مطبات عالية ,, ميكانيكية غشيمة مابتفهمش ,, قطع غيار مولعة عند التوكيل ,, طرق بايظة فوسط البلد ,, زحمة هتحتاج وقوف كتير وبنزين كتير ,,,, فا انا بناء على الأسباب دي معا ظروفي أختار الكورولا.
انت اخترت السيفيك مع انك عارف:
1- واطية على الأرض واقل مطب بيحك فيها.
2- قطع غيار غالية.
3- الميكانيكية مابيفهموش فيها.
4- صرف بنزين أعلى.
5- سعر أغلى.
6- إعادة البيع أقل من الكورولا.
وفضلتها عشان اسم كبير ؟؟؟؟؟!!!!!!!!
بصراحة اختلف معاك طب انت عايز تفهمني ان التويوتا مش اسم كبير ؟؟ لمعلوماتك التويوتا موجودة قبل الهوندا ومن اول ما طلعت كان اسمها كبير بس الهوندا جاتلها فترات كتير الناس كانت بتبعد عنها.
ياريت توضحلنا اكتر رأيك
ياباشا الراجل مش قصدة يعنى ان التويوتا اسم مش كبير...لا طبعا كلنا عارفين ان التويتا اساس اليابانى ولكن
الهوندا من احسن المواتير طبعا وكلة عارف كدة
وكمان السيفيك ك توب سبيد اعلى من الكرولا واحسن فى الشكل...(من وجهة نظرى) وبعدين الفيس ال mmt مش قد كدة وكتير من الاعضاء اشتكو منة ..اضف الى معلوماتك ان الكرولا قطع غيارها مش رخيصة زى ما حضرتك متخيل..قريبة جدا من السيفيك بشىء لا يذكر يعنى
سيبك من الكلام دة كلة...
السيفيك يابانى 100 فى 100 ..وهيا افضل اختيار :120105~352:
منين عرفت ان السيفيك التوب سبيد اعلى ؟؟؟؟؟؟؟؟؟؟
على فكره كيمو بيقول انه جاب بيها 226 كم فى منزل وانا جبت بالكورولا 225 فى منزل
وكيمو بيقول لو فى طريق مستقيم حوالى 215 كم
وده نفس اقصى سرعه للكورولا فى طريق مستقيم وفى الاحوال العاديه
يعنى الاتنين شبه متساويين مع الافضليه للكورولا فى التجميع
مين قالك الفتيس mmt مش قد كدا هاتلى لينكات لكثير من الاعضاء اشتكوا منها بعد شهر 7 سنة 2008
اخيرا قولى بقا اسعار قطع غيار الكورولا واسعار قطع غيار السيفيك طالما انك عارف انهم قريبين من بعض
وعلى فكره انا اراهن على الكورولا الاوتوماتيك الجديده انها هتكستح السوق قريب جدا ان شاء الله وبكره تقول ابو سمره قال
تحياتى
:E_braces[1]: السيفيك بتجيب 225 وبتعديهم كمان من غير منازل ولا حاجة لو دخلت اليوتيوب هتلاقى فيديوهات ..دة غير سرعات الاعضاء عنا
بالنسبة لموضوع شهر 7 دة انا اعرف ان ال الفتيس بطىء فى طلعتة وطبعا ياباشا مش هقعد ادور على لينكات عشان ابعتها لحضرتك بس كان فى فترة ..قسم تويوتا كلة بيتكلم على سوء سحب الفتيس دة
ودى اسعار قطع غيار السيفيك ...وصدقنى هتلاقيها شبية للكرولا يعنى مش هيكون فناوس السيفيك ب 1000 والكرولا ب 400 مثلا...الاسعار متقاربة
http://www.nilemotors.net/Nile/showthread.php?t=20785
ودة لينك عن شكوى الاعضاء فى الفتيس...بالنسبة للتاريخ (انا مش فاهم قصدك اية) لو كان قصدك انهم عدلوة اهلا وسهلا احنا منكرهش الخير طبعا
http://www.nilemotors.net/Nile/showthread.php?t=23057
واتشرفت بمشاركة حضرتك
ايه ده هو حضرتك عايش فى وهم فيديوات اليوتيوب اللى بتكون عربيه مثلا 2000 سى سى ويقولك 1600 وعربيه تانيه تكون مرفوعه
عموما ده مش مقياس
وثانيا كل العربيات اللى موجوده على اليوتيوب مش 1600 اصلا
ال 1600 اللى جابت 239 كم ده كان داخل فى الاحمر يعنى لاعب فى الكنترول بتاع العربيه وكدا طبعا هيجيب اجل الموتور قريب لو استمر على كدا
لو حضرتك جربت بنفسك يبقى اهلا وسهلا
انما اليوتيوب والشغل ده ما يدخلش دماغى ابدا
اصل ممكن يكون فيديو لتسارع سياره وهى فى منزل والتانيه الهواء بيقاومها
علشان كدا ده مش مقياس احنا بنتكلم عن ثبوت العوامل
مين قالك ان الكورولا بطيئه فى طلعتها الكلام ده مستحييل طبعا انا بتكلم على mmt يا راجل والله العظيم انا ساعات مش بحب اضغط كيك داون فى الطلعه علشان احافظ على الكاوتش علشان بيفرك جامد فى الارض من الطلعه
بالنسبه ان السيفيك بتعدى 226 فى طريق مستقيم قولى بقا هى السيفيك كام حصان بالظبط ولا كام سى سى لما تجيب 225
على فكره اسرع سرعه ممكنه فى السيارات ال 1600 هو 215 وده رقم قياسى
لان الجيتا والاوكتافيا والماذدا 3 واللانسر اخرهم مش بيتعدى 195 كم
الميجان والفيكترا والاسترا 200
وعلى فكره اساسا انا كنت فى سيفيك طريق اسكندريه الصحراوى والعربيه ما عدتش 210 وده يمكن لان الهواء بيبقى مقابل العربيه وده نفس الكلام عندى فى الكورولا
بالنسبه للتاريخ اللى اقصده هو انا صاحب الموضوع ده مكانش يعرف هو وبعض الملاك ان e مش مخصص للشد والحرق ده نظام اقتصادى بيخلى العربيه تنقل عند 2000 لفه و 1500 لفه يعنى مش للشد ولكن لتوفير استهلاك البنزين
بالنسبه لنقطة قطع الغيار انا اساسا ما قولتلكش ان قطع غيار الكورولا اغلى او ارخص انا بتكلم على انك منين عرفت ان الاتنين متساويين الا اذا كنت تعرفت اسعار قطع غيار الاتنين
وحضرتك كتبت اسعار قطع غيار السيفيك فين بقا الكورولا
ما فيش حاجه اسمها لو فانوس السيفيك مثلا ب 1000 يبقى الكورولا مش هتبقى ب 400 احنا مش بنفرض احنا بنتكلم على الارقام والواقع ومش بالتخيلات والافتراضات
يرجى التحرى من دقة المعلومات
تحياتى
هو لية حضرتك متحيز اوى كدة للكرولا ياسيدى ولا يهمك التويتا الافضل دائما :F_eyeb1[1]:...
مهو لو كل واحد شايف ان عربيتة احسن عربية...يبقى المنتدى دة ملوش لازمة..
بس انا عن نفسى بفضل الهوندات دايما...كفايا انك راكب عربية يبانى 100 فى 100 ومفيش فيها مسمار من برة...بالاضافة ان مفيش حد اشتكى منها فى حاجة
اعتقد لو حضرتك عملت مقارنات واستطلاع ...الهوندا هتكسب ...
:120105~352:
عموما انا توقعت انك يا اما مش هترد
يا اما هتقول كلام ملهوش اى علاقه بالموضوع (وده اللى حصل بالفعل)
انا ما جبتش سيرة خالص ان الكورولا افضل من السيفيك مش عارف جبت الكلام ده منين
احنا كنا بنتكلم انك بتقول ان التوب سبيد للسيفيك يتعدى 225
وانك بتتفرج على اليوتيوب
وعن قطع الغيار
وانك بتقول ان الكورولا فتيسها مش قد كدا وبطىء فى الطلعه وكله طبعا بدون تجربه
يرجى التحرى الدقه فى طريق الرد الصحيحه والرد على المشاركه اللى كتبتها وعدم كتابة اشياء ليس لها علاقه بالموضوع
تحياتى