المشاركة الأصلية كتبت بواسطة mokhtar
يا جماعه مين قال ان اليابانى احسن من الاوروبى انا عن نفسى مقتنع ان الاوروبى افضل وتكنولوجيته اعلى بس بحب اليابانى اكتر وبرتاحله نفسيا يعنى لو معايا فلوس تجيب الاتنين هاختار اليابانى لانها بجد العربيات اللى تريحك ومتقلبش دماغك ...اليابانى خصوصا الماركات الجامده زى الهوندا والتويوتا تركب وتنسى حط بنزين وغير زيت وكل سنه وانت طيب بالرغم من اقتناعى باهميه الصيانه الدوريه انما الاوروبى من فرط التكنولوجيا اللى فيه مش اى حد يشتغل فيه وعايز شغل متخصص ومصاريفه كتير ودى الحاجه اللى انا محبهاش فى العربيه انها تبقى بلاعه مصاريف بالرغم من الاداء العالى والثبات الوهمى اللى بيبقى عليه السيارات الالمانيه مثلا ومش موجود بنفس الدرجه فى اليابانى
السيارات اليابانيه فيهم ميزه بتعجبنى اوى انهم مش بيجبوا يزعلوا حد يعنى ايه ؟ يعنى كل سوق ومستهلك له خصائصه واذواقه واجواء المكان ده بيعملوا ليه اللى هو عايزه تلاقيهم اكتر عربيات تستحمل حر ورطوبه الخليج ومعظمهم معدى النص مليون كم تيجى لاوروبا وامريكا والاجواء البارده والتلوج تلاقى اليابانى برضه مناسب جدا خصوصا فى امريكا ولما الامريكان بدؤا يبطلوا يركبوا عربياتهم الضخمه مالقوش قدامهم غير اليابانى وخصوصا الهوندا اكورد والتويوتا كامرى اللى مكتسحين السوق الامريكى ..الناس دى بيفهموا كويس اوى فى بحوث التسويق وكيفيه تطبيقاتها وظروفه واجواءه ورغبات واذواق المستهلك ويعمله اللى هو عايزه بعكس الاوروبى اللى بحس ان عندهم شويه تناكه فى موضوع الاسواق الخارجيه ده يعنى الخليج عايز عربيات تستحمل الحر الفظيع كانهم بيقولوا طززززز مايهمناش سوق الخليج وده اللى مخلى سوق زى السوق الخليجى الاوروبى فيه ضايع باستثناء المرسيدس وال BMW اللى عملوا سمعات كويسه والماركات الرياضيه زى البورش والفيرارى واللامبورجينى انما فعلا فى اختفاء للاوروبى فى الخليج ودايما اللى ركب اوبل مثلا او بيجو فى السعوديه والامارات تلاقى مشاكل الحراره عنده مابتنتهيش والتكيف مش بقوه اليابانى يمكن الاوروبيين ليهم مثلا نزعه قوميه شويه وان اهم حاجه ان عربياتهم تتباع فى السوق الاوروبى وبعد كده مش مهم اى حاجه ..اليابانى تركبه وتريح دماغك على الاخر
..mokhtar..