مساعدة عاجلة في البطارية

**dr_timo** · 17-12-2008 03:12 AM

بصو ياجماعة انا جايب العربية بولونيز من اسبوعين البطرية دارت اول عشر تيام بصعوبة الصبح فيهم وبعد كدة بقت بالزق يدوبك تتزق مرة الصبح وبعد كدة طول اليوم بتدور بسهولة بيكون الدينامو شحن البطارية الحبة اللي مشيتهم المشكلة يعني فحكاية الصبح بس المهم رحت لواحد صاحب بابا هوة مهندس عميد في الجيش وفاتح محل بطاريات بس راجل امين وشاطر اوي طبعا جرب كل حاجة وشحن واحماض وارباع ودينامو ومارش وكله واخر حاجة عمل تركيبة ماية كدة النهردة وحطهالي وقالي دي اخر محاولة لو منفعتش هتضطر تجيب بطارية هوة بيقول انه عنده بطارية نوعها كويس اوي بس هية خمسين امبير تقريبا او خمسة وخمسين مش سبعين يعني زي اللي كانت فيها انا مش عارف اصلا هية البلونيز بطاريتها الاصلية سبعين ولا اية بس القديمة سبعين بس يمكن متكونش الاصلية اكيد اتغيرت بس المهندس قالي ان البطارية دي جهدها اعلي كمان من السبعين امبير لان نوعها كويس جدا ولوقطة انه جابه انا شاكك في المعلومة دي بس بردة الراجل دة اكنه زي عمي وامين جدا ومهندس وبيفهم دة غير انه قالي انها ارخص من السبعين يعني مش عايز يضحك عليا فسعرها كان الافضله يديني ام سعر غالي فعايز رئيكم وياريت اللي يعرف سعر البطارية كام سواء الخمسين او السبعين وشكراااااااا

**dr_timo** · 17-12-2008 07:07 PM

اية ياجماعة عشر مشاهدات ومفيش ولا رد هوة الموضوع صعب اوي كدة ولا اية انا رايح للراجل دلوقتي مش عارف بقي هجيبها وخلاص

**dr_timo** · 18-12-2008 01:20 PM

اية ياجماعة هوة انا موضوعي دة معموله هايد ولا لابس طقية اخفي محدش عارف يشوفو عشان يرد عليا ولا اية

**azkol2005** · 18-12-2008 01:56 PM

بص يا نجم انت تروح لكذا كهربائي بطاريات وتخليه يشوف البطاريه على الطبيعه ومكانها في العربيه عشان الحجم اللي بتاخده

وكل واحد منهم تتكلم معاه في الامبير
ثم الماركات
ثم الاسعار
ثم تشكره وتنصرف على وعد بالعوده اليه ان شاء الله

وهكذا 3 او 4 مختصين تاخد منهم الراي وتجمع اكبر قدر من المعلومات ثم تتخذ القرار

وبالتوفيق