الموضوع: بتشربوا لبن ايه؟

مافيش أحلى من اللبن الطبيعي، اللبن البقري مابستطعموش، وبالمناسبة أي لبن معبأ بيكون ملعوب فيه عشان يدوله طعم قريب لطعم اللبن الجاموسي وكمان يجعلوا لونه أكثر بياضاً لأن اللبن البقري لونه يميل للأصفر. يعني حكاية معلب ومضمون دي تندرج تحت بند "خدعوك فقالوا"
ثايناً أسعار اللبن المعبأ آخر استهبال، في الوقت اللي أسعار اللبن بترخص في كل الدنيا انخفاض منتظم من أكتر من 3 شهور، نلاقي في مصر كل شوية السعر يزيد ربع جنيه، يعني لبن بخيره من 2.5 لـ 2.75 لـ 3 جنيهات، وآخر مرة اشتريته ب 3.25 جنيه (العبوة النصف كيلو)، قلت للبائع "دي آخر مرة اشتريه وقول للمورد كدة كتير والزباين مش هاتشتري بالسعر ده تاني".

بالنسبة لبائعي اللبن في شبرا، يوجد محلات "البطة" و"شربات" بشارع جزيرة بدران (روض الفرج) بس دول سمعت مؤخراً إن الللبن عندهم أغلى من المعدل الطبيعي (بس لبن ممتاز)، وبعدين هناك العديد من بائعي اللبن (سريحة) من سكان الجزيرة -جزيرة الوراق- ممكن تسألي حد من الجيران لو بيتعامل مع إحدى البائعات الأمينات، اللبن من عندهم طبيعي وأصلي والكيلو يتراوح بين أربعة جنيهات و4.5 جنيه.

كمان أحلى نسكافيه بيتعمل باللبن الطبيعي، البقري بيضيع الفوم بعد ما الواحد يضرب في النسكافيه ساعة

المشاركة الأصلية كتبت بواسطة MoToRiZeR

هو ليه الإنسان يشرب لبن أصلاَ

يا ولدي انت اللي يشوفك يعرف انك ما بتشربش لبن على طول ...

انا مابشربش لبن أصلا و مريح دماغى

المشاركة الأصلية كتبت بواسطة Terrible_DaRsH

هو كيلو اللبن السايب زى البودرة !!!!!

اولا نيدو سويسرى مش دنماركى ولا دقيق ولا سكر حتى ..
ثانيا احلى لبن بعده هو COAST مفيش احلى منه ..

مع احترامى لحضرتك شركة فيفى سويسرا هى صاحبة العلامة التجارية فقط ... أما لبن نيدو الموجود فى السوق المصرى فهوانتاج هولندى انتاج وتصنيع وتعبئه وحضرتك ممكن تتأكد بنفسك من أى علبه موجودة فى السوق