اية رأيكوا فى الفيات البيا

**egawady** · 18-12-2008 12:24 AM

السلام عليكم ورحمة الله وبركاته
اية رأيكوا يا جماعة فى الفيات البيا ... انا عاوز اعرف عنها كل حاجة لأنى بفكر فيها بجد ،هى الأول كام سى سى ؟ 1300 ولا 1600 ؟
وعاوز اعرف اية وجه الاختلاف بينها وبين السيينا ، وهل الالبيا تقفيل صينى ولا تركى ولا ايطالى ؟
واية اخبارها فى استهلاك البنزين والثبات على السرعات العالية وتوافر قطع الغيار والتعامل مع التوكيل ... والخ

انا باعمل مقارنة بينها وبين الشيفروليه أفيو .. لأن الاتنين تقريباً بنفس السعر .
يا ريت لو فى حد من الأخوة الأعضاء عنده فكرة عن الألبيا يقولنا عليها .

وشكراً جزيلاً

**egawady** · 21-12-2008 11:22 PM

اية يا جماعة .... مفيش ولا رد واحد

هى العربية دى مجهولة قوى كده !!
محدش يعرف عنها أى حاجة !!

**MohabSaeed** · 23-12-2008 02:29 AM

اللبيا = البترا بنسبه 90 % حتى الموتور هو هو
الاختلاف فقط فى الواجهة الاماميه و شكل التابلوه و خامات الصالون ... زى السيينا فاير 1300 . ده بالنسبه للموديل الى نزل مصر , لكن فى تركيا البترا من بدايه تصنيعها و هى اسمها البيا .
هى تقفيل تركى فى منها واحده باقيه عند المصريه للسيارات . مش عارف لسه موجوده ولا اتباعت .
بس التوكيل مش بينزلها دلوقتى العربيه الى عند المصريه ديه استوك اعتقد موديل 2007 .

**egawady** · 24-12-2008 12:39 AM

شكراً جزيلاً للأخ مهاب سعيد

**MohabSaeed** · 24-12-2008 02:02 AM

العفو . لا شكر على واجب . بس حضرتك شوفت الالبيا فين ؟؟؟ انا ركبتها مرتين بس مره فى اعرض اخبار اليوم اول مانزلت , و مره فى المصريه للسيارات و شوفتها مره واحده بس فى الشارع

**aldeeb_egy** · 24-12-2008 04:06 PM

السلام عليكم ورحمة الله
العربية الي حضرتك بتسأل عليها عربية حلوة جدا والتسارع بتعها اقوى من البترا بكتير ده بالنسبة لفئة ال 1600 سي سي ونازلة بكاملمواصفتها في مصر ماعدا الحساسات الخلفية والدفاية على الكراسي ولمبات الزينون الريسية الي بتنزل فيها وال فرامل منع الانغلاق(abs)
بس هي عربية حلوة جدا جدا وقعط غيارها معقولة انا شاري السينا الفياير 1300 وكنت عايز الالبيا بس ماكنتش نازلة ال 1600 كانت موجودة ال 1400
خد بالك من الموضوع ده
ولوعايز اي معلومات عن العربية ممكن تتصل بيه على 0164245428