الاهلي علي الاقل السادس علي العالم لكن الزمالك السادس في الدوري :biggrin:

**waled369** · 18-12-2008 12:39 PM

المشاركة الأصلية كتبت بواسطة kimo-nubira

واحده واحده على الراجل يا جماعه ممكن نفهمه ان الموضوع هايبقي

فيه مجادله بس باسلوب ارقي من كده انا شايف بصراحه انكم داخلين فيه شمال جامد

على العموم يعني ياريت يتفضل صاحب الموضوع ب مبادره منه بمخاطبه الادراه لغلق الموضوع منعا لحدوث مشاكل

يا كيمو يا عاقل أوي بتعجبني جدا آرائك

أنا بصراحة كنت هادخل قابله و أعمل حاجة عن الموضوع بس هوه سبقني بصراحة .

و عموما خير ربنا ما يجيب زعل و بما أني زملكاوي باقول للأهلي هارد لك ( شفت الروح الرياضية )

**human** · 18-12-2008 01:08 PM

المشاركة الأصلية كتبت بواسطة waled369

و عموما خير ربنا ما يجيب زعل و بما أني زملكاوي باقول للأهلي هارد لك ( شفت الروح الرياضية )

يا سلام يا وليد

ايه الحلاوه ديه

شايفين الزمالكويه اللى بجد بيقولو هارد لك
على الرغم انه فرحان اكيد (و مش هنفرح ليه يعنى) و الراجل بيقول هارد لك

هيه ديه الروح الرياضيه بصحيح

هارد لك للأهلى و معلش للأهلاويه انا مش شايف سبب للزعل اصلا عاملين 17 بطوله فى 4 سنين و زعلانين على بطوله الطبيعى انهم مش منافسين فيها بس احنا اللى بنعيش فى الوهم و احنا عمالين نكاكى بهولمان و رمزى
واللى يجنن اكتر ان الاهلاويه بيفرحوا فى الزمالك لما بيستمر فى الخساره اكن مثلا لو كسب هيحصل الاهلى
ا

يا رب استرها معانا فى تصفيات كاس العالم

**kimo-nubira** · 18-12-2008 01:33 PM

المشاركة الأصلية كتبت بواسطة waled369

يا كيمو يا عاقل أوي بتعجبني جدا آرائك

أنا بصراحة كنت هادخل قابله و أعمل حاجة عن الموضوع بس هوه سبقني بصراحة .

و عموما خير ربنا ما يجيب زعل و بما أني زملكاوي باقول للأهلي هارد لك ( شفت الروح الرياضية )

عمي وعم الشباب والرياضه ... اهنيك على الروح الرياضيه العاليه ديه والله

واحب اقولكم يا جماعه ان وليد من الزملكاويه اللي رحهم الرياضيه عاليه جدا

وبعد اي ماتش يخسر في الاهلي الاقيه اول واحد بيتصل بيا علشان يقولي مبروووك

قصدي علشان يقولي هارد لك وتتعوض وكده .. ياريت كل الزملكاويه زيك يا وليد والله

**bassem.naguib** · 18-12-2008 01:42 PM

الأهلي وحش خالص .. وميستحقش أي حاجة في البطولة دي .. ولا المركز السادس حتى .. أنا اهلاوي مش زملكاوي .. وبحيي الروح الرياضية للزملكاوية في المنتدى واللي ردوا بكل ذوق وروح رياضية .. ويا ريت تكون الروح دي موجوده على الأقل في المنتدى بدون حزازيات .. لأني كنت زعلان لما الزمالك اتغلب من بترول اسيوط .. مش عارف ليه .. مع أني قبل الماتش كنت بشجع بترول اسيوط .. بس زعلت من هزيمة الزمالك .. حسيت أن فيه جبل وبينهار .

وبعدين متنسوش صلاح حال الزمالك حيفيد حال الكرة المصرية .. زيه زي بقييه الأندية .. وفي الأخر النتيجة دوري قوي .. ومنتخب أقوى وأقوى ..

**waled369** · 18-12-2008 01:46 PM

المشاركة الأصلية كتبت بواسطة kimo-nubira

عمي وعم الشباب والرياضه ... اهنيك على الروح الرياضيه العاليه ديه والله

واحب اقولكم يا جماعه ان وليد من الزملكاويه اللي رحهم الرياضيه عاليه جدا

وبعد اي ماتش يخسر في الاهلي الاقيه اول واحد بيتصل بيا علشان يقولي مبروووك

قصدي علشان يقولي هارد لك وتتعوض وكده .. ياريت كل الزملكاويه زيك يا وليد والله

يا فتان يا كيمو هوه أنا أساسا باعرف رقم موبايلك .
و هل يعقل يا شباب ان أنا هاتصل م الكويت علشان أقول مبروك .
جيت تسخنها طلعت فشنك منك يا كيمو

و عامة هارد لك لكل الأهلوية و ربنا يجعل حياتنا أفراح .

**waled369** · 18-12-2008 01:47 PM

المشاركة الأصلية كتبت بواسطة ziabassem

الأهلي وحش خالص .. وميستحقش أي حاجة في البطولة دي .. ولا المركز السادس حتى .. أنا اهلاوي مش زملكاوي .. وبحيي الروح الرياضية للزملكاوية في المنتدى واللي ردوا بكل ذوق وروح رياضية .. ويا ريت تكون الروح دي موجوده على الأقل في المنتدى بدون حزازيات .. لأني كنت زعلان لما الزمالك اتغلب من بترول اسيوط .. مش عارف ليه .. مع أني قبل الماتش كنت بشجع بترول اسيوط .. بس زعلت من هزيمة الزمالك .. حسيت أن فيه جبل وبينهار .

وبعدين متنسوش صلاح حال الزمالك حيفيد حال الكرة المصرية .. زيه زي بقييه الأندية .. وفي الأخر النتيجة دوري قوي .. ومنتخب أقوى وأقوى ..

و الله العظيم انته راجل محترم و هيه دي الأخلاق الرياضية .

**human** · 18-12-2008 02:06 PM

عمر طاهر كان كاتب فى الدستور مانشتات سنه 2009
- شركه جود نيوز تشترى نادى الزمالك و تنتج فيلم عن الجانب الانسانى للكفار قبل الاسلام
- الاهلى يشترى احمد عز من الحزب الوطنى
- الزمالك يتعاقد مع حسام حسن كراس حربه
-

كان فيه تانى و مش فاكره بس ضحكنى جدا

**therock** · 19-12-2008 01:18 AM

يا سلام علي الزملكويه لما تتكلم

**Bossy_Fadl** · 19-12-2008 01:35 AM

المشاركة الأصلية كتبت بواسطة therock

يا سلام علي الزملكويه لما تتكلم

مالهم الزمالكاوية مش فاهمة؟

هما مش من حقهم يتضايقوا لما يقروا كلام زي ده و لا ايه؟

المفروض ميعترضوش يعني و لو اعترضوا نبتدي نفكرهم بالهزائم بتاعة الزمالك و الفتوحات بتاعة الأهلي؟

و الله بقي لكل جواد كبوة

و ياريت زي ما حضرتك اهلاوي و متضايق من "كبوة" الاهلي و اكيد بتتقهر لما الاهلي يخسر ماتش

يبقي المفروض منقعدش نكره الناس في حياتها عشان "فترة" في تاريخ الزمالك و ان شاء الله هتعدي

الحياة مش ناقصه و كفايه التعب اللي الناس شيفاه في كل حاجة في البلد

يبقي علي الاقل نحترم مشاعر بعض انشالله يارب في الكورة بس

نفسي اووووووووووووووي نفرح لبعض و نزعل لبعض و نفتكر ان سواء الاهلي و لا الزمالك الاتنين بره اسمهم "مصرررررررررر"

و علي فكرة انا اهلاوية لحسن حضرتك تفتكر اني زملكاوية و متعصبة