الاهلي علي الاقل السادس علي العالم لكن الزمالك السادس في الدوري :biggrin:
الاهلي علي الاقل السادس علي العالم لكن الزمالك السادس في الدوري :biggrin:
طيب و ايه دخل الزمالك انا عايزة أفهم!
من فضلك بلاش المواضيع اللي ممكن تعمل مشاكل و ضغائن دي بين الأعضاء، و لا خلينا احسن نحط رقم للموضوع ده كموضوع مقفول بسبب تشاحن الأعضاء.
لا يوجد اى افادة لاى عضو من المجادلة الازليه اللى هاتضيع وقتنا
يا ريت نتكلم فى معلومة مفيدة احسن ونفيد بعض
يا جماعه الاهلي كان بيعلب بسم مصر وكان علم مصر البيترفع مش علم الاهلي
أنت عايز ايه طيب مش فهمك ؟
إيه هدف الموضوع ? ولا هما كلمتين حزئينك فقلتهم
رجاء من الادارة غلق الموضوع
مش عارف لازمته الموضوع ده أساسا
و عموما بما أني زملكاوي مبروك للأهلي فوزه بالمركز الأخير .
الاهلى بيلعب بأسمه و لنفسه مصر كدوله لا تتأثر سواء اتغلب الاهلى او غلب
بلاش تسطيح مصر اكتر من كده
و الموضوع كله بيستفز الاعضاء ياريت الاداره تقفله
واحده واحده على الراجل يا جماعه ممكن نفهمه ان الموضوع هايبقي
فيه مجادله بس باسلوب ارقي من كده انا شايف بصراحه انكم داخلين فيه شمال جامد
على العموم يعني ياريت يتفضل صاحب الموضوع ب مبادره منه بمخاطبه الادراه لغلق الموضوع منعا لحدوث مشاكل
الرجاء من الاداره اغلاق الموضوع لعدم وجود اي نفع من استمراره
يا سلام يا وليد
ايه الحلاوه ديه
شايفين الزمالكويه اللى بجد بيقولو هارد لك
على الرغم انه فرحان اكيد (و مش هنفرح ليه يعنى) و الراجل بيقول هارد لك
هيه ديه الروح الرياضيه بصحيح
هارد لك للأهلى و معلش للأهلاويه انا مش شايف سبب للزعل اصلا عاملين 17 بطوله فى 4 سنين و زعلانين على بطوله الطبيعى انهم مش منافسين فيها بس احنا اللى بنعيش فى الوهم و احنا عمالين نكاكى بهولمان و رمزى
واللى يجنن اكتر ان الاهلاويه بيفرحوا فى الزمالك لما بيستمر فى الخساره اكن مثلا لو كسب هيحصل الاهلى
ا
يا رب استرها معانا فى تصفيات كاس العالم
عمي وعم الشباب والرياضه ... اهنيك على الروح الرياضيه العاليه ديه والله
واحب اقولكم يا جماعه ان وليد من الزملكاويه اللي رحهم الرياضيه عاليه جدا
وبعد اي ماتش يخسر في الاهلي الاقيه اول واحد بيتصل بيا علشان يقولي مبروووك :rofl4:
قصدي علشان يقولي هارد لك وتتعوض وكده .. ياريت كل الزملكاويه زيك يا وليد والله :7bteen:
الأهلي وحش خالص .. وميستحقش أي حاجة في البطولة دي .. ولا المركز السادس حتى .. أنا اهلاوي مش زملكاوي .. وبحيي الروح الرياضية للزملكاوية في المنتدى واللي ردوا بكل ذوق وروح رياضية .. ويا ريت تكون الروح دي موجوده على الأقل في المنتدى بدون حزازيات .. لأني كنت زعلان لما الزمالك اتغلب من بترول اسيوط .. مش عارف ليه .. مع أني قبل الماتش كنت بشجع بترول اسيوط .. بس زعلت من هزيمة الزمالك .. حسيت أن فيه جبل وبينهار .
وبعدين متنسوش صلاح حال الزمالك حيفيد حال الكرة المصرية .. زيه زي بقييه الأندية .. وفي الأخر النتيجة دوري قوي .. ومنتخب أقوى وأقوى ..
عمر طاهر كان كاتب فى الدستور مانشتات سنه 2009
- شركه جود نيوز تشترى نادى الزمالك و تنتج فيلم عن الجانب الانسانى للكفار قبل الاسلام
- الاهلى يشترى احمد عز من الحزب الوطنى
- الزمالك يتعاقد مع حسام حسن كراس حربه
-
كان فيه تانى و مش فاكره بس ضحكنى جدا
يا سلام علي الزملكويه لما تتكلم
مالهم الزمالكاوية مش فاهمة؟
هما مش من حقهم يتضايقوا لما يقروا كلام زي ده و لا ايه؟
المفروض ميعترضوش يعني و لو اعترضوا نبتدي نفكرهم بالهزائم بتاعة الزمالك و الفتوحات بتاعة الأهلي؟
و الله بقي لكل جواد كبوة
و ياريت زي ما حضرتك اهلاوي و متضايق من "كبوة" الاهلي و اكيد بتتقهر لما الاهلي يخسر ماتش
يبقي المفروض منقعدش نكره الناس في حياتها عشان "فترة" في تاريخ الزمالك و ان شاء الله هتعدي
الحياة مش ناقصه و كفايه التعب اللي الناس شيفاه في كل حاجة في البلد
يبقي علي الاقل نحترم مشاعر بعض انشالله يارب في الكورة بس
نفسي اووووووووووووووي نفرح لبعض و نزعل لبعض و نفتكر ان سواء الاهلي و لا الزمالك الاتنين بره اسمهم "مصرررررررررر"
و علي فكرة انا اهلاوية لحسن حضرتك تفتكر اني زملكاوية و متعصبة
انا بحترم كلامك يا بوسي واوعدك انا مش هنتكلم في الموضوع ده تاني اوكي
ألطف حاجة إن الأهلي ما زال هو الوحيد القادر على اسعاد الشعب المصري كله .... اذا فاز أسعد الأهلوية و اذا خسر أسعد الزملكاوية و حلفائهم :36_7_7[1]:
انا نفسي مره يا جماعه اسمع اني الزمالك راح اليابان زي الاهلي بدل ماهو عمال يخسر في المحلي
سوررررررررررررررري يا جماعه علي الي كتبته في الموضوع ده
حانعمل ايه يابوسى بس؟
شكلك مالكيش اصحاب زمالكوية اه لو تشوفى مقطعينا ازاى هههههههههه
سيبوا الراجل يفك ياجماعة
بالعكس حواليا كتير جدا زملكاوية و اولهم ولاد خالتي و جيراني
ممكن نهرج او نغلس علي بعض شوية
يعني زي ما بنعمل كتير مثلا هنا في المنتدي انا و كيمو و وليد
لكن عمرنا لا بنغلط في بعض و لا بنستفز بعض
مشكله نوعية الموضوعات دي هنا في المنتدي انها فعلا بتستفز فئة كبيرة جدا من الاعضاء
و الحمد لله ان الاستاذ The rock عرف
عموما محصش حاجة The rock و اهلا بحضرتك معانا
يعني بس كنت عاوزة حضرتك تعرف ان الموضوعات دي بتعمل مشاكل لان الروح السايدة هنا في المنتدي كلها حب و تفاهم
فالموضوعات اللي زي دي بتعمل خلافات بين الاعضاء احنا في غني عنها
و ميرسي علي تفهمك
هما فعلا حزئينة.
عشان اتغربلوا من باتشوكا. وايديلد.
والجعجعة بتاعت الاعلام الاحمر اللى مغرق مصر. يقولك رايحين يلاعبوا مانشستر .كنت اتمنى من كل قلبى انهم يوصلوا ويلاعبوا مانشستر الجبار. عشان يعرفوا قيمتهم ويتنفضوا بالادب. لكن للاسف البطولة دية محترمة ومابيوصلش الا الا اللى يستحق. الاهلى اتفرم من باتشوكا وباتشوكا اتفرم من اديليد . هى قوى فوق قوى. والاهلى اكبر دليل على مستوى الكرة المصرية.
الاهلى بيكسب محلى عشان سارق لاعبى مصر .
وبيكسب افريقى عشان اوروبا سارقه لاعبى افريقيا بمواهبها مش عشان الاهلى افضل.
كفاية ضحك ع الدقون
الله يرحمه صالح سليم الاهلى اعور فى وسط عميان.قال يلاعبوا مانشستر وممكن ياخدوا البطولة. جاتها نيلة اللى عايزة خلف.
وملوش لزمة الموضوع خالص فى المنتدى دة. الواحد مابيصدق يدخل منتدى مفهوش كورة.
الموضوع خرج عن السيطرة ....
خلاص يا جماعة محدش يكتب حاجة تانى .. لغاية لما الادارة تقفل الموضوع ..
هههههههه حسن المستكاوي النهردة كان بيضحك علي كلام زي اللي كاتبه صاحب الموضوع بيقولك قال بيقولو ان الاهلي سادس العالم ههههههههه قال دة العشرين اللي في الدوري الانجليزي اللي مدخلوش البطولة احسن منه فالاهلي اسمها سادس البطولة او اخر البطولة او ابل الاخير كدة يعني مش معني انه طلع اول افريقيا اللي هية اساسا اضعف قارة لان ببساطة كل لعيب فيها مستواه كويس بياخدوه ويحترف يعني مبيسيبوش غير المكسحين وهوة طلع اول المكسحين دول يبقي هوة فريق عالمي لا خالص واديكو شوفتو باتشوكا اللي هوة حاليا التلتاشر عالدوري المكسيكي والفريق الاستورالي اللي متئسس من خمس سنين عملو فيه اية يعني مش العشرين اللي في الدوري الانجليزي بس اللي قبل الاهلي لا الاتناشر اللي في الدوري المكسيكي اللي قبل باتشوكا كمان هههههههه ومش عارف لية ديما كل مالاهلي يتغلب يقومو يقولو الزمالك اتغلب انت مالك بالزمالك غريبة جدا مبدء انك لازم تبص لغيرك سواء في الفوز او الخسارة فيقولك انتو خسرتو من بترول اسيوط طيب مالاهلي اتغلب من الشورطة والشورطة من ساعتها غيرت شعارها بقي الشورطة في خدمة الاهلي حد بقي كان اتكلم ههههههههه ومساء الفل جميعا
ما خلاص يا جماعة !!!
متخلوش الموضوع يتقلب لخناقة بقي ..
انتوا مشفتوش كلامى ولا ايه !!!
ارجوكم محدش يعلق تانى لغايه اما الادارة تقفل الموضوع ..
يعني صاحب الموضوع نفسه اعتذر و سكت
ايه لازمة الكلام الغرييييييييييب ده
و الله العظيم عيب بجد ان يكون ده شعور المصريين ببعض
يعني عمالين نقول نفسنا الزمالك يكسب و لكل جواد كبوة و مش عارفه ايه و برضه مفيش فايده
هو في كلام بيتقال في الموقف ده المفروض اقوله بس مش هاقدر اقوله عشان في هنا ناس زملكاوية في المنتدي ده الواحد بينحني ليهم احتراما فطبعا الواحد يسكت احسن
ههههههههه
ههههههههه
ههههههههه
ههههههههه
ههههههههه
ايه ده تصدق مش قادرة اسكت خلاص:k26:
كلام يضحك اوي:011:
ياربي مش عارفه اسكت:007:
يارب الادارة تسمع استغاثتنا عشان تقفل الموضوع ده و ترحمنا
ربنا يخليك يا وليد باشا .. ده بس من ذوقك .. بس الموضوع مش موضوع اني محترم .. الموضوع أنه المفروض يبقى كده .. احنا مش ناقصين حاجات تنغص علينا عيشتنا اكتر ما هي متنغصه .. وده يكره ده وده ميحبش ده .. كفاية اللي في البلد من سلوكيات .. مش حتبقى كورة كمان
(ده رأيي أنا شخصياً .. وأنا متعصب للأهلي جداً)
مع احترامي لسيادتك البطولة دي مش محترمة بالمرة .. وغير عادلة .. وإلا تقدر تفسر ليا يعني أيه بطل أوروبا يلعب قبل النهائي على طول .. المفروض كل الفرق المشاركة تصفي مع بعضها في البداية وكل الفرق تبتدي المشوار مع بعض .. يعني نظام البطولة زي الزفت ..
مبقولش كده علشان الأهلي خسر وأن الأهلي حاجة كبيرة على مستوى العالم .. علشان اللاعب المصري اياً كان أهلي أو زمالك .... إلخ ينقصه الفكر أنه بيلعب عالمي .. مش على المستوى المحلي أو المستوى القاري .. فلازم يبقى فيه ثقافة لعب عالمية مع فرق كبيرة وخبرات مختلفة .. وده اللي بيعمله الأهلي لما بيجيب فرقة أجنبية كل سنة من مدرسة كروية مختلفة ويلعب معاها .. بس ده مش كفاية للأحتكاك مع العالمية
انا مش فاهم بناءا على ايه الزملكاويه اللي شماتنين في الاهلي اوووي كده بيتكلمو ماتبصو للفريق بتاعكم اللي وقع وقعة الاراجوز ده ...
ده انتو بقيتو تتغلبو من طوب الارض انا حاسس لو لبعتو مع سرس الليان هاتتغلبو والله ...
نصيحه من اخ خليكم في الفريق بتاعكم اللي مخليكو تفرحو لما الاهلي يتهزم مش علشان هو فاز حتي ببطوله واحده توحد ربنا ..
والله خليتم الواحد طلع عن شعوره
وعايز اقولكم اهتمو بالفريق بتاعكم يمكن تعرفو تاخدو حتي دوره رمضانيه في اى مركز شباب
وسؤال اخير لكل الزمالكويه اللي شمتانين .. سادس العالم احسن ولاسادس الدوري ؟؟
مع اعتزاري الشديد لكل الزملكاويه الغير شماتنين وكل واحد عارف نفسه
ينهار ابيض كل ده عشان الكورة هاتخسرو بعض عشان الكورة وشماتة وكلام فارغ .
الحمد لله ما ليش فيها
أنا مش عارف بصراحة المواضيع دى لازمتها أيه.....بعد اللى بيحصل كل مرة لما موضوع زى ده يتفتح!!!!!!!!!!
Zaki32 و dr.timo الأهلى محدش قال عليه أحسن فريق فى العالم ولا أحسن من أى فريق بره مصر......يمكن بعض الناس قالت أنه أحسن فريق فى أفريقيا عشان خد بطولة أفريقيا كذا مرة ورا بعض......بس مش معنى أن الأهلى كسب ماتش معين.....يبقى الأهلى أحسن من الفريق التانى اللى بيلاعبه.....فى المطلق.....لأ هو بس كان الأهلى أحسن فى الماتش ده.
ثانياُ..........أحنا ليه مصممين نقول على الأحتراف سرقة ؟؟؟
يعنى أنا متعود أسمعها على الأهلى بس دى بصراحة أول مرة أسمعها على أوروبا من حضرتك....
يعنى تفتكر أنت لو شغال بقالك 5 سنين فى مكان ب 1000 جم فى الشهر وجه مكان تانى قالك تعالى وأنا هديك 5000 جم فى الشهر.........هتروح ولا هتقوله لأ أصل أنا بحب المكان اللى أنا فيه دلوقتى؟ معتقدش أنك هترفض............و هى دى نفس فكرة الأحتراف....يعنى مش حاجة عيب ومش حرام.
ولو أوروبا مسرقتش لاعبى أفريقيا على حد كلامك.....تفتكر كنت هتشوف ماتشات فى حلاوة وجمال دوريات أسبانيا و أنجلترا و أيطاليا؟
تفتكر أن الدول الأفريقية اللى بتدخل كأس العالم كان هيبقى ده أدائها؟؟
أبسط مثال لينا هو عمرو زكى......فى مصر كان لعيب كويس....فى أنجلترا وفى أقل من 6 شهور بقى لعيب هايل.
وبعدين فيها أيه أن يبقى عندنا أمل أن أحنا نلاعب مانشستر ؟؟؟ مش الماتشات اللى زى دى هى اللى ممكن تعلى مستوى الفريق عن طريق الأحتكاك بالفرق الأقوى؟؟
ولا هو أحنا لازم يعنى نفكر نلعب مع بترول أسيوط والشرطة بس؟؟؟
هو الحلم بقى عيب اليومين دول؟؟؟؟؟؟؟
تعليق أخير...........الأعلام الأحمر واللوبى الأحمر والحاجات دى.......أنتو فعلاً مقتنعين بيها ؟؟؟
السادة الأعضاء
دعونا نتفق بصورة غير رسمية بعدم السماح لفتح مواضيع من هذه النوعية التي لا تهدف لافادة ولكنها
تهدف للاستفزاز مشجعي الاندية الرياضية -في كرة القدم بعتبارها اللعبة الشعبية الاولى في مصر-
لبعضهم البعض.
ندعوكم لمشاركتنا في المتابعة والأشراف على مثل هذه المواضيع التي لا تهدف إلى افادة ولا ياتي من
خلفها الا المشاكل سواء بقصد أو عن غير قصد وذلك عن طريق استخدام تقارير المشاركات، ولا تنسوا
أن منتدى نـايـل مـوتـورز منتدى متخصص في عالم السيارات والمحركات وان القسم الاجتماعي يعتبر
ققسم فرعي خارج تخصص المنتدى للترفية عن الأعضاء فلا داعي أن يكون هذا القسم هو المتسبب
الرئيسي لاكثر المخالفات والمشاكل بالمنتدى.
شكراً لتعاونكم...
إدارة المنتدى 2
(إ.م.2)
ياعم الشباب والرياضة.
الافندى اللى كتب الموضوع وهرب.
داخل يفرغ كلمتين تعبينه. هو ماله ومال الزمالك.
خلى كل واحد فى خيبته.
انا واحد من الناس اللى صحيوا بدرى عشان يشوفوا الفريق اللى بيمثل مصر امام باتشوكا المكسيكى. وكنت اعد انا وصحابى الزملكاوية 10 من وسط حوالى 15 اهلاوى ودى نسبة كويسة قوى للناس اللى بتقول الزمالك ملوش مشجعين.
وكنا بنهيص لما الاهلى بيجيب جوان .
وعادى لما اتغلب .الدنيا كلها بتتغلب. انما زى مايكون الاهلوية على رأسهم ريشة مايحبوش يتغلبوا ودى هى الثقافة اللى لا تودى ولا تجيب.
وعايز اقول لكل اهلاوى على اد تفكيرة .ان الزملكوية لم يشمتوا فى الاهلى .
لان احنا نعترف بسوء نتائجنا ودى الحقيقة اللى الزملكاوية بيعترفوا بيها. ولسوء النتائج وسوء الادارة بسبب المجلس القومى للرياضة.
لان حزننا على نادينا يهمنا اكثر من ان نفرح فى الاهلى . فى بطولة لاهتقدم ولاهتأخر.
والبطولة دية نتيجة لحال الكرة المصرية.
والاهلى والزمالك بصراحة اخرهم محلى وافريقى (لازم نعترف بمستوانا الحقيقى ) وربنا يستر لو ان شاء الله تأهلنا لكأس العالم. هنخلى اللى مايشترى يتفرج.
وبينوا وبينكم مع احترامى لو كنتم اخدتم مركز متقدم. كنتوا بالمعنى المفتشر . هتفجروا ومحدش هيملى عينكم :049:وكفاية الاعلام الاحمر اللى مسيطر ع الساحة بيعد يجعجع ع الفاضى والمليان.
والادهى ليس فقط التطبيل للاهلى ولكن همهم تدمير نادى الزمالك .ليظل الاهلى مسيطر ومهيمن على الكرة فى مصر.
هذا حو حال اعلامنا الرياضى الفاسد . ككثير من المجالات الفاسدة فى مصر. ولا حول ولاقوة الا بالله