شوفت بعيني محدش قاللي(موضوع متجدد بالصور)

**Hossam_Hassan** · 15-09-2007 10:38 AM

حادثة على منزل المقطم يوم الخميس الماضى، الست اللى كانت سايقة اللانوس 2007 كانت بتتكلم فى الموبايل و معرفتش تسيطر على العربية فى ملف نازل فعدت الجزيرة و لبست فى الميكروباص، العجيب ان الأكصدام الأمامى للانوس سليم!!!! بس الحمد لله محدش حصله حاجة

الاستيكر ده اتلزق بقدرة قادر على اللانوس بعد الحادثة بساعة واحدة حسب تصريحات العسكرى اللى موقفينه جنب العربيتين من 3 أيام، العسكرى هيتجنن و عاوز يشيلوهم علشان يرجع النقطة و الست صاحبة اللانوس مش معترفة انها غلطانة و مش موافقة تدفع اى تعويض و لا حتى تكاليف قطر الميكروباص.

**sherif_84** · 15-09-2007 03:33 PM

والله ياشباب ربنا يحفظنا من شر الحوادث يارب أنا والدى بيشتغل فالعاشر وهو رايح أو جاى لازم يشوف حادثة يوميا عالطريق وكل الحوادث تريلات بمقطورة وتكون مقلوبة على جنبها متعرفش ازاى :?:
يعنى تريلات بالثقل ده كله وبتتقلب وعلى فكرة كل ده بسبب السواقين العيال اللى بيتعاطوا المخدرات قبل ما يسوق التريلا أو بيبقى ضاربله 5 زجاجات بيرة مثلا ويبقى سكران طينة وبعدين يسوق والله بلدنا دى فعلا بلد العجائب
دى الايام اللى الواحد قعدها فالسعودية شفت التزام ومن الشاحنات أيما التزام كل تريلا ماسكة الحارة اليمين من الطريق من نفسه كده ............ فعلا على رأى شيرين ماشربتش من نيلهــــا

**ahmed1981** · 15-09-2007 04:10 PM

المشاركة الأصلية كتبت بواسطة sherif_84

وكل الحوادث تريلات بمقطورة وتكون مقلوبة على جنبها متعرفش ازاى :?:

في دراسة إحصائية إتعملت ونتيجتها إن أغلب الحوادث بسبب النقل بمقطورة
ووصت الدراسة بمنع النقل بمقطورة نهائياً

وتم عمل قرار من وزارة الداخلية بذلك
وقبل أن ينفذ القرار تم إيقاف تنفيذه لأجل غير مسمى لأسباب غامضة لم تعلنها وزارة الداخلية

وقد يكون السبب مشروع تنظيم الأسرة أو أن ملوك النقل بمقطورة إشتروا وزارة الداخلية في الخصخصة؟؟؟؟؟؟!!!!!!!