+1000000000
عرض للطباعة
mobitek قلبت عليا المواجع :majd(4): :majd(4):
:stink[1]::stink[1]::stink[1]:
انا مقلبتش مواجع ولا حاجه
انا لو اتكلمت مش هيكفينى 20 صفحه
بجد مصر احسن من البلد دى
اول ما سافرت كنت هموت وارجع يوم واحد
اول ما رجعت كان نفسى انزل ابوس الارض بس خفت الناس تضحك عليا
الناس هناك كانت بتعزينى وانا راجع
وانا كنت عاوز ارقص
طبعا التفتيش فى المطار والاكراميات المطلوبه وطريقه المعامله فى بلدى فكرتنى بمطار الشارقه قلت عادى
بعدها بمده قصيره بدأت المشوار تانى
قلت هسافر تانى بس زياره اشوف الوضع
رحت اجدد الرخصه علشان اطلع رخصه دوليه
كرهت اليوم اللى فكرت فيه اجددها
كل ما اروح مصلحه حكوميه
افتكر هناك وانا الوافد الغريب طريقه المعامله (واحنا هناك بنتعامل على اننا درجه تانيه يعنى اقل من اهل البلد) الاقى اننا هنا بنتعامل درجه عاشره
اسوق عربيتى الاقى الناس بتكسر عليا قلت عادى اقضيها تاكسيات الناس تضحك عليا
وتقولى انت اتكبرت علينا وعاوز تحسسنا انك جاى من امريكا
ادخل مطعم واشوف مستوى النظافه افتكر مطاعم الهنود هناك(اللى هى ارخص واقل درجه ) اكتشف انهم احسن من هنا
اروح اى مكان واقارن اكتشف اننا لازم نخسر
اقول هشترى عربيه اتوماتيك وجديده الاقى السعر خرافى
اسمع واحد مش عاجبه اى كلام يقولك انت فاكرنى هندى
اقوله انت لو اتعاملت مع الهنود المحاسبين والمهندسين كنت احترمتهم
مش كلهم زى اميتاب باتشان ولا كلهم زبالين فى الشوارع
كفايه علشان انا بتعب
يا رب
طلعنا منها على خير وانا مش هرجع تانى
اللهم انى ظلمت نفسى ظلما كثيرا
ررررررر غـــــــــــــــم كل السلبيات والاشياء اللى تخلى الواحد يكره نفسه والبلد واللى فيها
لكن لو كل واحد فينا حط نفسه اليوم مكان اى مواطن فلسطينى محاصر وعايش معاناه من يوم ما اتولد
اظن شعووووورك تجاه مصر هيختلف 360 درجه
مش هقول بحبها الا لما نتغير احنا او هى تتحرك وتغير اللى بيكرهونا فيها
مسكينه يا بلدى الكل مش عاجبه فيكى حاجه والاغلبيه مش طايقه حتى تشوف وشششششك غصب عنا .............
لكن تفضلى بلدى ووطنى فيكى اهلى وبيتى واصحاب وناسى
لو هحبك يبقى عشان لحد الان فيه كثير من الامان فيكى
محدش بيكره بلده
بس كل واحد بيحبها من وجهه نظره هو
ومنهم اللى متهيأله انه بيكرهها
بس يوم ما بيسيبها بيتمنى يرجعها
ومنهم اللى بيكره وضعه المادى او الاجتماعى وبيحاول يهرب
ومنهم اللى بيكره اسلوب المعيشه
بس حد بيكره بلده لاء
ولو سألتى اى واحد من اى جنسيه
مصرى هندى صومالى حتى بتوع بلاد واق الواق
هتلاقيهم بيكرهوا حاجه معينه مش البلد
والدليل على كده
طالما مصر وحشه
قاعدين فيها ليه
ليه اللى بيسافر بيرجع علشان يتجوز من مصر
ليه بيحوش فلوسه فى بنوك فى مصر
ليه بيشترى بيت فى مصر مش فى البلد اللى شغال فيها
ليه حتى اللى بيهاجر وبياخد الجنسيه بيحلم يرجع ولو زياره
ليه دايما بيقول انه مصرى الاصل والمولد
لان كل واحد بيحب بلده
مهما كره اى حاجه فيها بس بيحبها كلها اجمالا
يعنى انا بكره الروتين اللى فى البلد
بكره الاستهتار والرشوه
بكره الشوارع اللى مليانه زباله
بكره الوضع المالى والشغل فى البلد
بس اول ما سافرت
كرهت النظافه والفلوس والدنيا السهله لانها مش فى مصر
واول فرصه كنت راجع
بس لو رحت تانى هبقى رايح وانا عارف انا كرهت ايه
مش انى كاره البلد
هروح علشان عيشه احسن
مرتب اعلى
مكان ارقى
بس هضحى بالبلد اللى بحبها
بأهلها بشوارعها بحكومتها
حتى بالزحمه اللى فيها
يعنى يا احبها كلها يا اكرهها كلها
وزى ما قلت فى الاول كل واحد بيحب بلده
حتى لو كانت ايه
يعنى مش عيب انهم فى قطر بيحبوا بلدهم
وبيعبروا عن ده
والدليل على كده
خلى اى واحد يشتم فى مصر والمصريين
هتلاقى كل المصريين بيردوا عليه حتى اللى فاكر نفسه بيكرهه