اغـــــــار منــهم **** واكـــرهك يا مصــر

**دموع الثلج** · 25-12-2008 07:43 PM

يا نوووووووووووور

لالالالالا مش كده اااااالمصرى بيطاطا لكفيله بره

واحنا هنا فى بلدنا بنطاطاااااااااااااااااااا اااااااااااااااااا لهم ميه مره يلا بقى قوليلى بنعمل كده وهما اللى عندنا مش احنا اللى عندهم

**دموع الثلج** · 25-12-2008 09:13 PM

المشاركة الأصلية كتبت بواسطة enas75

بقول اية حلوة قوي فكره العلم دي

اية رايكم نعملة استيكر زس استيكر المنتدي ونحطة علي جنب العربية (علشان المرور مايتلككش) ويتوزع علي الاعضاء واكيد حيفرق.........

ايدى على كتفك صممى شكل الاستيكرز وانا اووووول من يحطه على العربيه وووووووطز فى المرور وقانونه

**PRO-DRIVE** · 25-12-2008 09:25 PM

المشاركة الأصلية كتبت بواسطة Ahmed Samy

مازال البعض يقارن

و يقولوا الحفاة العراة اللي كنا بنساعدهم و نأكلهم و ووووووو

مع اني مش ضد الدول دي ولا معاها

بس ماشي

هما يا سيدي حفاة و عراة و زبالة و زفت طين كمان كويس كده

ننساهم بقى و نبص لبلدنا

اللي بيحبها

يقوللى عملتله ايه علشان يحبها

بس ياريت بلاش الشمس و الهوا و السحاب لأن الحاجات دي موجودة في كل حتة

البلاد الزبالة اللي مش عاجباكو دي أهلها بيموتوا فيها علشان واكلين شاربين نايمين راكبين ببلاش

علشان عندهم بترول وزيت و قطران ..ماشي عندهم

واحنا ؟ ما عندناش

طب مين اللي قال ؟؟

هو كده كنا اغنيا زمان و نصرف عليهم

و دلوقتي هما بقوا أغنياء

ده مش معناه اننا نبقى فقرا ..ولا أيه !!!

بس مصر بقت فقيرة

و مش عارفين نأكلكو و نشربكو

أصلكو كتير

و تسمع أرقام بتتصرف في حاجات ...تفقع

بس برضه مش مشكلة

مفيش موارد

خلاص بقى مادام مصر دي مش قادرة تعيشنا و لا سايبانا نعيش فيها حتى

يبقى شيل ده من ده

و اللي بيحبها على كده ..أحييه على وطنيته و أتمنى أيامه تكون رمادي ...(لأن اللي جاي فيها أسود)

يا دكتور بجد والله you r the man :)

**enas75** · 26-12-2008 11:01 AM

خلاص يبقي كل واحد عندة موهبة الابداع الفني نحاول كلنا ونشوف احلي شكل ونعمله
دموع انا احولييت من المتاهة اللي انتي حطاها( مين يودي علي فين)
بيفكرني بحال شوارعنا وبلدنا

**دموع الثلج** · 26-12-2008 11:55 AM

المشاركة الأصلية كتبت بواسطة enas75

خلاص يبقي كل واحد عندة موهبة الابداع الفني نحاول كلنا ونشوف احلي شكل ونعمله
دموع انا احولييت من المتاهة

اللي انتي حطاها( مين يودي علي فين

)
بيفكرني بحال شوارعنا وبلدنا

ههههههههه دى مش متاهه دى ناس بتعيش على قفا ناس
وناس بتزق ناس عشان تطلع على قفاهم
وناس قاعده ومرتاحه ومدلدلين رجليهم فوق دماغ الناس كمان
وناس بتجرى وتتعب وتطلع وفى الاخر تقع
وعجبى من الاخر ده حال الناس والحياه هنا

**totaa** · 29-12-2008 03:45 AM

الأخت الغاااااالية / دموع الثلج

الحقيقة موضوعك جدا شيق وجدا هام واسمحي لي بما اننى مغتربة إني أكون شاهدة على الموضوع بمعنى انى اسجل تعليقاتي ومشاهداتي
بداية كل انسان مهما كانت مساااويء بلده فهو لا يستطيع التنصل من هويته ولا يستطيع كره تلك البلد التي يحمل طميها عرق جدوده ..وسحابها أمجادهم ..وحضاراتهم المحفورة فى القلوب قبل العقول والجدران
مصر ...مصر ...مصر
كلمة لو يعلم من يحكمونها مقدار تلك الكلمة وأن يعتزوا بهوية الانسان المصري ومراعاة إنسانيته أمام العالم باسره ومراعاة آدميته حتى داخلها ..لفعلوا كل ما هو مستحيل ..لكن العكس هو اللي بيحصل ..يقللون من شاننا فنقل فى عيون الاخرين ..ممن طفوا فوق بحار البترول والاموال ..فجلسوا ..ووقفنا ..ارتاحوا وشقينا ..ناموا وسهرنا .. من أجل كسب لقمة العيش التي افتقدناها داخل بلدنا
طيب تعالوا بقة للانسان المصري نفسه وبعيد عن الحكام
احنا نمتلك من السلبيات الكثير ومش قادرين نغير من نفسنا
مثلا
1) النظافة ..هاتولى مبنى واحد نضيف زى اقل مبنى برة
2) هاتولى موظف بيشتغل بضمير وقاعد على مكتبه زى الناس
3) هاتولى ..انسان مش باصص فى ايد اللى فى غيره وبيحسده عليه
الكلام مفتوح ومش هيخلص بيننا هنا

بس اعمل ايه برضه مصر بتوحشنى ..وبحبها ..وبموت عليها ..لكن بغير اوي لما اشوف حال الناس برة وحالنا احنا كدة وبيوصل الحال بيا لدرجة البكا والنفسنة على رايكم

بعتذر على هذه الإطالة ولكن احسستُ أن عليا مشاركتكم

وتقبلوا تحياتي وفائق احترامي

**just_poss** · 29-12-2008 09:45 AM

على فكره انا جيت الدوحه من اسبوعين بس في رحلة عمل وشوفت الناس هنا اد ايه عندها انتماء وفخر ببلدها وحب لاميرهم ورغم ان الدوله ماشي فيها نظام الملكيه بس متلاقيش في الشوارع صورللامير ولا اي حد من العيله المالكه ومقابل ده بتلاقي علم قطر في كل حته الناس دي مؤمنه ان الدوله هيا الاصل والناس والامير كلها بتشتغل لصالح البلد من غير نفاق وكلام كتير

عموما انا عجبتني اخلاق القطرين صعب تلاقي حد قطري بيرفع صوته على حد وعندهم عاده حلوه لما اي حد يقابلك في الشارع علطول يبتسم في وشك اكنه بيشوفك كل يوم.. هما ناس محترمه وعلموا غير القطرين الاحترام.. الحاجه الي زعلتني المصرين بيشتموا في بلدهم حتى في الغربه قدام القريب والغريب وعندهم كره غريب لبعض عشان كل واحد مصري شايف ان الي حواليه عايزين يمشوه وياخدوا مكانه.. على عكس ده بأه الهنود كلهم بيطلعوا في الشوارع الساعه 2 يوم الجمعه عشان يشوفوا ويسلموا على بعض ويعملوا علاقات جديده المنظر يخليك تحس ان احنا بقينا في نيودلهي

**just_poss** · 29-12-2008 12:06 PM

عايز اضيف حاجه بسيطه بما اننا في منتدى للسيارات
انا كنت حوشت قرشين عشان اجيب بيهم الانترا في ام الدنيا.. لما جتلي فرصة السفر للدوحه قلت يا وله اما نشوف الفلوس بتاعة الالانترا ممكن تجيبلي ايه برا.

عارفين تجيب ايه؟؟

بي ام X5 2005.. يا حبيبتي يا مصر

**wesam_salom** · 29-12-2008 02:01 PM

المشاركة الأصلية كتبت بواسطة zooma2

يا جماعة والله صدقوني مصر من أفضل الدول العربية واجملها
انا كنت عايش ف دبي لغاية من شهرين بس ورجعت مصر ومش ناوي اسافر تاني
مصر بلد جميلة جدا بس اللي يبصلها على أنها حلوة
البلاد دي كلها لسه جديدة وتعدادها كله ما يعديش 8 مليون ولا حصلها احتلال ولا لسه حصل نهب ونصب
شوفوا بقى بعد خمسين سنة بس هايكون شكلها ازاي وبعد ما يوصل سكانها 20 مليون (مش 80 مليون وبلد بقالها 2000 سنة ولسه فيها حياة رغم الاحتلالات والنهب وغيره)
أقوللكم حاجة بصوا في الشوارع أول كل سنة هتلافوا كل موديلات العربيات الجديدة موجودة ف الشارع (ف مصر) وبأعداد كبيرة كمان
على فكرة والله كان ممكن افضل واقف مستني تاكسي ف دبي اكتر من ساعة وبعد ماالاقي ممكن افضل واقف ف دوار (صينية عندنا) أكترمن ساعة ونص والاهم ممكن لو بعربيتي اقعد ادور على باركنج نص ساعة بعد ساعة ونص ف طريق ماياخدش ربع ساعة المفروض
والله العظيم مصر جميلة جدا
اسف للاطالة بس انا واحد بيحب مصر بجد

الف حمد لله على عودتك بالسلامه
وكلنا بنحب مصر حتى لو بنكدب ونقول عكس كده
بس ليا تعليق صغير لانى مريت بنفس الموقف

بكره تندم

وتقول انا ايه اللى جابنى
اول ما تدخل مصلحه حكوميه علشان تخلص ورقه صغيره
هتفتكر الدلع هناك فى الجوازات والعمل والعمال
لما تشترى عربيه وتدفع مبالغ خياليه هتفتكر الحراج بتاع الشارقه
لما تيجى تفحصها هتفتكر محطات ادنوك
لما تيجى تطلع رخصه وتحتاج لواسطه
هتفتكر الامتحان هناك والدقه وانك لن تحصل على الليسن الا لو كنت سائق ماهر
لما يقابلك كمين وامين شرطه يقولك فتح مخك وادفع وانت مش غلطان
هتفتكر هناك وانت غلطان والشرطى بيقولك بكل ادب واحترام الليسن والملكيه يا طيب
لما تخاف هنا تروح القسم تشتكى هتفتكر وانت هناك قاعد فى التكييف وحد مشتكيك
هتفتكر هنا وانت بتعدى الطريق ومش عارف تعديه ازاى اشارات عبور المشاه هناك
لو كنت زهقت من دبى اهلا بيك فى القاهره

بكره لما حد يفكرك هتحس انه بيقلب عليك المواجع