سؤال بخصوص زيت الموتور (أرجو الإفادة)

**maka** · 21-12-2008 12:50 AM

المشاركة الأصلية كتبت بواسطة lonedoctor

معلش اخى الكريم لاستخدامى مصطلحات nomenclatures غير دارجة فى مصر نظرا لانى اعيش خارج مصر منذ عدة سنوات وهذه هى الاسماء الدارجة عندنا فى المملكة السعودية وكذلك نوعية المنتجات

معلش على ايه ده احنا اخوات

**mohamed2002** · 22-12-2008 12:41 AM

بستخدم مصر للبترول 7500 الرصاصي بس ملاحظ ان صوت الموتور عالي اية الحل؟

**lonedoctor** · 22-12-2008 02:17 PM

المشاركة الأصلية كتبت بواسطة mohamed2002

بستخدم مصر للبترول 7500 الرصاصي بس ملاحظ ان صوت الموتور عالي اية الحل؟

موتور الادا يوجد به جنزير حديد مسؤول عن الكاتينا بدلا من السير المطاطى الموجود فى السيارات الاخرى وهو سبب خشونة وعلو صوت الموتور فى السيارة المهم هذا الجنزير له قطعة تركب عليه اسمها شداد الجنزير وليها رجلاش احيانا بتكون باظت او الجنزير مرخى يحتاج رجلاش لشده مره اخرى فيؤدى لانخفاض الصوت الى حد ما وكذلك نعومة الموتور فعموما اسال الميكانيكى اللى بتتعامل معاه عن هذا الموضوع وجرب وبلغنى بالنتيجة وانا عن نفسى تعرضت لنفس الموضوع وكان العيب انه الشداد نفسه اتكسر واعتقد انه كان سعره رخيص لا يتعدى 20 جنيه

**mohamed2002** · 22-12-2008 05:33 PM

المشاركة الأصلية كتبت بواسطة lonedoctor

موتور الادا يوجد به جنزير حديد مسؤول عن الكاتينا بدلا من السير المطاطى الموجود فى السيارات الاخرى وهو سبب خشونة وعلو صوت الموتور فى السيارة المهم هذا الجنزير له قطعة تركب عليه اسمها شداد الجنزير وليها رجلاش احيانا بتكون باظت او الجنزير مرخى يحتاج رجلاش لشده مره اخرى فيؤدى لانخفاض الصوت الى حد ما وكذلك نعومة الموتور فعموما اسال الميكانيكى اللى بتتعامل معاه عن هذا الموضوع وجرب وبلغنى بالنتيجة وانا عن نفسى تعرضت لنفس الموضوع وكان العيب انه الشداد نفسه اتكسر واعتقد انه كان سعره رخيص لا يتعدى 20 جنيه

ان شاء الله ,هية الاليكو نظام السير اية فيها؟

**maka** · 22-12-2008 07:05 PM

المشاركة الأصلية كتبت بواسطة mohamed2002

بستخدم مصر للبترول 7500 الرصاصي بس ملاحظ ان صوت الموتور عالي اية الحل؟

من تجربتى معه انه سريع البخر

**lonedoctor** · 22-12-2008 07:30 PM

المشاركة الأصلية كتبت بواسطة mohamed2002

ان شاء الله ,هية الاليكو نظام السير اية فيها؟

هو نفسه زى اللادا العادية جنزير بس الفرق انه بالرغم ان وضع الموتور بالطول الا انه جر امامى على كبالن (نفس نظام الكريسلر الامريكى)

**meeezo333eg** · 23-12-2008 01:05 AM

استعمل زيت الامارات باور ماكس ب 37 جنيه و اذا لزم الامر زوده زيت شنبر ب 12 جنيه و انسى الحرق كمان كام شهر

**mohmet** · 25-12-2008 04:04 PM

انا بستعمل زيت موبيل ديلفاك الجركن الازرق و ده سعره حوال اربعين جنيه و كثافته عاليه و مناسب جدا للسياره

**Abdm** · 06-01-2009 02:00 PM

المشاركة الأصلية كتبت بواسطة maka

تصحيح

اسمه زيت شنبر وده انا شفت منه نوعين نوع فى البنزينات

امريكى الصنع اسمه stp وهو 450 مللى ب 19 جنيه ونوع

تانى فى كارفور مستورد برضه 300 مللى ب 12.5

اما زيت الريسورس فى اعضاء هنا جربوه ومجبش نتيجة نهائى

يا جماعة الزيت الامريكى دة أنا جربتة وهو لاينصح باستخدامة فى الشتاء نهائى لانة تقيل جدا على الموتور فى الشتاء وبعد ما استخدمتة رجعت غيرتة تانى وحطيت زيت خفيف على الموتور . هو ممكن يستخدم فى الصيف علشان الجو حر لكن فى الشتاء لالالالالالالالالالالا .

**maka** · 06-01-2009 02:07 PM

نقلا عن الاستاذ سبعاوى

زيت الشمبر هو عبارة عن مكون بترولى عالى الللزوجة ولا تتأثر لزوجته بدرجات الحرارة العالية

عندما يتم إضافته على الزيت العادى يرفع من لزوجته لدرجة كبيرة مما يجعله مناسبا لملئ خلوصات المحركات القديمة ومنع تسرب الزيت الى غرف الإحتراق وبالتالى الإحتراق والدختة ونقصان الزيت

زيت الشمبر مفيد جدا للمحركات الخفيفة لأنه:

1- يمنع خروج دخنة زرقاء من الشكمان

2- يمنع نقصان الزيت او يحد منه

3- يحسن اداء المحرك الخفيف

4- يخفض من صوت المحرك

5- يطيل من فترة تشغيل المحرك قبل الإجتياج للعمرة بشرط استعماله مع كل غيار زيت

6- يطيل عمر الزيت فى المحرك الخفيف قبل الإحتياج لتغيير الزيت

عيبه انه بيخلى تدوير المحرك صعب جدا فى الشتاء بسبب لزوجته وبالتالى لازم يكون المارش فى حالة ممتازة، كما ان لابد من تسخين السيارة جيدا قبل الحركة لضمان ملئ كل الفراغات

العيب الآخر انك طالما استعملته مرة لازم تستعمله مع كل غيار زيت لحد لما تبقى تعمل عمرة لأن المحرك بياخد عليه

هام جدا جدا جدا: لا احد يستعمل زيت الشمبر غير مع المحركات الخفيفة فقط، أحذر تماما من وضعه فى محرك سليم

من موضوع

http://www.nilemotors.net/Nile/showt...E1%D4%E4%C8%D1

وانا شايف ان فوايد زيت الشنبر اكتر من عيوبه