في اوروبا والدول المتجدمه 50% تقريبا من المدخنين سيدات
في اوروبا والدول المتجدمه برضوا نسبه المدخنين بتقل سنويا
عرض للطباعة
في اوروبا والدول المتجدمه 50% تقريبا من المدخنين سيدات
في اوروبا والدول المتجدمه برضوا نسبه المدخنين بتقل سنويا
بتتكلموا على السيجارة ما خفى كان اعظم
اسالوا اى فرد ساكن بجوار المدينة الجامعيه لاى جامعه فى مصر
وليه مش واحدة صاحبتها يا أستاذ روميو؟
Terrible_DaRsH: اللي بتعمله دا اسمه شخصنة ودا أسلوب غير مستحب ابدا في النقاش...رغم ان الكلام مش موجه ليا ولكن مهما كان فهو اسلوب منفر.
يعني حكاية قريبتك و بنت عمتك وبنت خالتك والكلام دا يتقال لما يكون صاحبك وقاعدين مع بعض، لكن في حوار محترم فالمفروض الناس دي ملكش الحق تتكلم عنهم ولا تجيب سيرتهم لابحلو ولا بوحش.
ياريت تتقبل النصيحة بصدر رحب.
اولا ..يا فندم مادام مغلتطش فقول اللى انت عايزه وكلامك صحيح 100 % على راسي من فوق ..
ثانيا : انا قرات قواعد المنتدى وحافظها كلها تماما وعارف انا بقول ايه ..
ولكن خد بالك ان المبادىء مبتتجزئش ..
واللى ميرضاش حاجة على نفسه ميرضهاش على غيره ...
انا مرضاش حاجة على اى بنت اعرفها فمرضهاش على غيرها ..
سواء كانت قريبة او بعيدة
ولاحظ فى كلامى فى الاول انى محددتش اخت او ام او (بنت خالة او بنت عم ) زى مانت بتقول....
عموما ربنا يهدى العاصي ..
مش الكل بيقول البنت زي الولد
تقليد اعمي
ممكن تكون البنت اجدع من الولد في حجات كتير محترمه غير السجاير
انا مش فاهم السجاير فيها ايه مش الولاد بتشرب فيها ايه لما البنت تشرب؟؟؟؟؟!!!!!!!!!!!
هي مجرد ثقافة متخلفة بتقول اني البنت اللي تشرب سجاير تبقي مش كويسة انا مش فاهم ليه ما الولد بيشرب كمان و لا هي حلال ليه و حرام عليها, و بعدين في ايه ما الولد بيقعد و يسهر في القهاوي و يحشش لحد الصبح بس هنا نقول اه هو ولد هو حر و بقي راجل و بيشرب و سيد الرجالة (و امه تنبسط و تقوله اسم الله عليك يا حبيبي) لكن البنت لو بس ولعت عود كبريت الدنيا تقوم و متقعدش و يبقي لازم نرجمها حتي الموت او ندفنها حية ثقافة ذكورية متخلفة لو تحبوا تمنعوا بجد امنعوا الإغتصاب و التحرش و المعاكسات و غيره و غيره و غيره و غيره................
و كمان رأيي بدل ما نقطع في فروة البنات نعمل حملة لمنع التدخين مثلا عن الولاد و البنات مع العلم اني مدخن بس مفيش مانع يمكن في الحملة دي نبطل التدخين.
لا حول ولا قوة الا بالله
انا عرفت ليه فى بعض البنات بتشرب سجاير
علشان فى ناس ميهمهاش ان البنات يتصلح حالها ولا لا
النخوة راحت خلاص
يا باشا ما انت عارف بقى!!ايه النخوة دى؟؟؟دلوأت خلاص انسى النخوة دى!!تقريبا بقت حاجة عيب!!ما احنا بنشوف العجب كل يوم جت على السجاير يعنى!!!!طيب تقول ايه بقى لما تلاقى شاب ملتحى وشابة منقبة وفى وضع بصراحة لا يليق بالاسلام!!!وتلاقيهم كمان صايمين:B4_039::B4_039::B4_039:
ماحضرتك كنت معايا وشفت بعينك!!!
تقول ايه بقى!!!ربنا يهدى ولا ربنا يرحمنا برحمته!!ولا حسبى الله ونعم الوكيل!!ولا ايه وولا ايه............
http://www.postimage.org/aVXpF4r.gif
هرمى السيجارة اللى فى إيدى و ألطشها قلم على وشها .. و أقولها كده غلط و عيب ... !!!
يا ريت يهمنا الشباب يتصلح حالهم برضه زى ما يهمنا البنات بالظبط ... و بلاش الدعوات اللى جايه من بره اللى بتلقى كل المسئولية على البنت كأنها سبب كل المصائب.
فإصلاح المجتمع لا يعنى إصلاح نصفه فقط على أمل إن النص التانى يتعدى منه.
هو الموضوع مش اننا بنيجى على البنات !الموضوع اننا متعودناش على تصرفات مكنتش موجودة من قبل!!مش السجاير بس دة بقى فكلل حاجة لدرجة ان الواحد لو شاف موقف كويس بقى بيستغرب!!سبحان الله بعد ماكنا لما نشوف او نسمع عن حاجة حصلت لفلان او لاي واحد نضايق ونتعجب دلوات بقى العكس!
http://www.postimage.org/aVY2QPr.jpg
يا باشا خلاص الواحد دلوقتى يروح يقعد على كافى شوب :shyy:تلاقى كل اللى موجودين هناك بنات خلاص راح الحياء والادب
بجد الله عليك في حكاية ارمي السيجارة من ايدي و اقولها كدة غلط و عيب بجد رد جامد يفحم اي حد, و متهيألي لو ده حصل بجد (و انا للأسف متوقع انه يحصل) حيكون رد البنت قلمين سخنين علي وش الشاب ده (و إحتمال يكونوا بالشبشب و تقوله ما انت كمان بتشرب و لا هو حلال ليك و حرام عليا).
فعلا ياريت يهمنا إصلاح الشباب كله مش بس البنات اللي هما في رأي البعض سبب الفساد و الغلاء و البلاء ( و بيني و بينكم يمكن يكونوا سبب أزمة سوق السيارات حاليا كمان), اما الشباب اللي بتقعد طول النهار و الليل علي القهاوي و بتعاكس و بتغتصب و بتشم و بتحشش و بتشرب سجاير ملغمة نقول عااااااادي ولد يا جماعة و هو حر و الواد كبر و من حقه يحشش بس البت لو في ايدها سيجارة عادية بتشربها زيها زي القهوة او الشاي او اي مكيفات تانية نقول شوفوا الفاجرة بتعمل ايه.
و علي فكرة احب اقولكم اني النص التاني اللي هو الشباب في ناس فيه مش هتتعدل خالص لأنها خلاص مالت و باظت و خربت و برضه ناس تطلع و تقولنا البنات ليه!!!!!!!!!! منعرفش بس هو كدة و خلاص.
و علي فكرة بشكر الناس اللي وصفتني بعدم النخوة جدا و بقولهم بس ياريت نصلح الشباب اللي حوالي 75% منه باظ و انهار و خرب زي ما قلت قبل كدة و ياريت نصلح الشباب اللي فاهم الرجولة غلط و فاهم اني الراجل هو اللي ليه الحق في كل شئ و الست تاخد علي دماغها و تسكت و ملهاش اي حق في اي حاجة.
بجد ردك جميل و ردك انت و غيرك زي Terrible_Darsh طمني اني لسه في أمل و لسه في شباب واعية و فاهمة و يستحقوا كلمة رجل بجد.
لو أنا إنسان كويس فعلاً ... يبقى أستحق أتضرب نفس القلمين اللى ضربتهم للبنت دى.
سيدى الفاضل .. أنا لست مع التدخين إطلاقاً ... لكنى أرفض مبدأ الضمير المطاطى فى المعاملة بين الراجل و المرأة ..... و أقسم إنى لو شفت بنتى المستقبلية بتشرب سجاير ما هعاقبها أكتر ما كنت هعاقب إبنى لو شفته بيعمل نفس الحكاية ... لأنى محبش أكون ظالم لأى منهما بسبب نوعه.
فقط للتوضيح.
انا فاهمك صديقي و فاهم قصدك و انا كمان مش مع التدخين بالرغم من اني مدخن....
بس كمان انا مش مع التفرقة او المعاملة اللي فيها خيار و فقوس و لو كنت هعاقب أولادي علي التدخين فلازم أولا انا ابطل و ثانيا عقابي للولد يكون زي عقابي للبنت لاني لو عاقبتها و معاقبتهوش حيفتكر انه يعمل اللي هو عايزه و ده اللي مبوظ كتير من الشباب الفالح بتاعنا.
امال تقولوا ايه
لما بشوف واحد محترم والرجوله واخداه وقاعد فى العربيه هو والمدام عمالين يشربوا سجاير وولادهم قاعدين وراهم وتلاقيه ماشى هو وهى بكل تناكه والله مش عارف ده اتكتب (ذكر) فى شهادة الميلاد ازاى
السجاير اصلا حرام سواء لراجل او لست زيها زى المخدرات و الخمر لانها تضر بجسم الانسان و اللى هو ربنا مديهولنا امانة نحافظ عليها و يوم القيامة حنتسال عن كل ضرر سببناه لجسمنا
وربنا يهدي كل مدخن ويساعده على تبطيل التدخين
و اسال الله ان يهدينا جميعا و ان يدخلنا الجنة
بنات و ستات و صغيرين و كبار كتير قوي بقوا يدخنوا و انا لاحظت انهم من جميع الفئات و الاعمار وربنا يهدي
واضح ان فعلا خلاص كل واحد فينا مشاكله خلصت علشان يدور على مشكلة بنت عمه وللا بنت خالته اللى وللا حتى زميلته فى الكلية او العمل والتى لا هى قاصر ولا هى مراته ولا هو بيصرف عليها مثلا ومع ذلك ينصب كل منا من نفسه وصى شرعى على تصرفات كل بنت فى محيطه استنادا على تفسيرات مجحفة جدا وملتوية لكلمة(قوامون) (يا ترى حد من الى بيستعملوا الكلمة دى عمال على بطال يعرفوا اصلها اللغوى، نقولها كمان مرة لزوم التذكرة، قوام صيغة مبالغة من قائم والقائم بالشئ هو من يمده بالدعم الذى يحتاجه للاستمرار، يعنى لما نقول الزوج قوام على زوجته يعنى هو مسئول عن توفير احتياجاتها، لكن مافيش فى مدلول الكلمة اى معنى يدعم قيام واحد بالحجر على تصرفات زميلته فى الكلية) و استنادا ايضا على مفهومهم الخاص لكلمة (النخوة) والتى يتخذونها ذريعة لكى يدسوا انوفهم فى شئون الآخرين
اللى عايز يدخن هو حر طالما مش بيؤذينى بدخان سيجارته، هو تلقى من التعليم ما يجعله يعرف ان هذا يؤذيه،
لكن الغريبة اننا نجد ان هناك من يرى ان التدخل فى شئون زميلته المدخنة واجب تمليه عليه النخوة -مع انه لن يحرك ساكنا لو رأى زميل له يدخن-فى حين انه يرى ان تدخل نفس الزميلة فى شئونه لو رأته يجلس مع فتاه منفردين هو فعل من افعال الانحشار المذموم فيما لا يخصها، ده على اساس يعنى ان النخوة صفة ملازمة للذكور فقط لكن وجودها لدى فتاه يعتبر قله ذوق مثلا
عندما نكف عن اعتبار اخواتنا من الفتيات والسيدات مواطنين من الدرجة الثانية او اشياء قابلة للتملك سنكون قد خطونا خطوة لا بأس بها فى طريق التحضر
فعلا إزاي ده يتكتب في شهاده الميلاد ذكر؟؟
حتي لو هوه بيدخن لوحده بس , إزاي ده يتكتب في شهاده الميلاد ذكر؟؟
امال فين قوامته علي مراته , ورعايته وتربيته لعياله لما يخنقهم بدخان السجاير اللي بيشربها؟
تفتكر بعد 10 سنين لما ابنه ولا بنته تشرب سجاير هايقدر يفتح بقه معاهم؟
على فكرة لو حضرتك كلمتة هتلاقية يقولك دة التحضر دة البرستيج وهيطلع فى الاخر انك جاهل
وبعدين المشكلة انة ومراتة بيشربوا سجاير قدام الاطفال يعنى هو صدرهم ناقص التلوث الى فى الجو علشان يبقى البيت متعطر بالسجائر وبعدين يلف باطفالة على الداكترة ويشتكى من المرض والفلوس
انا اريت خبر من فترة بيقول ان 30% من حالات الخلع بسبب ان الراجل ريحت فمه وحشه مش عارف الكلام دة صحيح ولا لا طيب ما الى بتهبب و بتشرب سجاير ريحت فمها عملة ازاى انا عن نفسى مش بشرب سجاير و مش بحبها اصلا ولا شكل ولا ريحه بحس ان الى بيشربها شخصيه ضعيفة و مهزوزة
لانهم ديما على لسانهم كلمه نفسى ابطلها بس مش عارف انا اعرف ان لو الواحد كدة قوى و راجل و مش مهزوز ولا شخصيتة ضعيفة ( راجل ) سهل اوى يبطل اما بالنسبه للبنات الى بتشرب لا تعليق ( متهيئلى صعب يبؤوا رجاله و يبطلوا )
يا جماعة الموضوع ده استفزني جدا بس مش بالمعنى اللي انتوا فاهمينه:
أولا ان انتوا مستغربين ان البنت بتشرب سجاير من غير حياء... ماهو ده التطور الطبيعي لعمل الخطأ و تعميمة يعني زمان قوي اهلي كانوا بيقولولي ان الراجل اللي بيشرب سجاير ما يقدرش يقول لأهله انه بيشربها و بعدين بعد كده و لحد السبعينات و التمانينات كمان ماكنش يقدر يشرب سجاير قدام ابوه و بعدين بقى عادي جدا يشرب اي حاجة في اي حتة و قدام اي حد.
ثانيا: تقدروا تقولوا لي هي ايه متعة السجاير اللي الراجل بيلقيها في حرق فلوسه و صحته ... لو فيها اي متعة يبقى البنت لقت فيها نفس المتعة.
ثالثا لو كان الراجل بيطلع زهقه في التدخين و تعبه فالبنات اليومين دول عندهم من الضغوط و الزهق و التعب ما يفوق الرجل عشر مرات يبقى لو بالمنطق ده الراجل بيشرب سيجارة يبقى البنت تشرب مخدرات!!!
يا أصدقائي السجاير عيب و غلط (ومن وجهة نظري حرام) بالنسبة للولد و البنت ...الراجل و الست ...
رابعا: موضوع الحياء لأ الحياء لسه موجود و مماتش مع الحرب ولا حاجة بس احنا مش شايفينوه علشان احنا بقينا كتير قوي و زحمة جدا وفيه الصالح و الطالح صحيح كثر الخبث فكل حاجة بقت كتير و زيادة ده غير ان بطبيعة الحال الحاجة الغريبة أو المنتقدة بطبيعتها بتجذب الأنظار.
خامسا": فيه بنات كتير كمان (وخصوصا اللي مش أسر متدينة جدا و الدين بيحكم تصرفاتهم) مابقتش عارفة الناس عايزين منها ايه تشتغل ولا تقعد في البيت ، تقفل على نفسها و لا تندمج مع الناس ، تبقى منطوية ولا منطلقة ، تبقى استايل و متمشية مع الموضة ولا تحتفظ بزيها الشرقي المحتشم، و بالتالي تتحرر من القيود من دواعي الحرية الشخصية و لا تلتزم بالتقاليد و العادات اللي في الآخر ما خدتش بيها اللي هي عاوزاه من أمان و استقرار.
و على فكرة الحال ده مش بتاع البنت لوحدها لأ كمان ده بتاع كل واحد عايش في البلد ده (برده لو مش بيرجع بتصرفاته للدين) اختلط عنده الحابل بالنابل فإيه لازمة الاستغراب و ده بقى حال الدنيا.
سادسا: في موضوع القوامة للأسف مفهوم غلط جدا عند معظم الرجال وده سبب تاني من أسباب الخنقة، الراجل فاكر انه بجق القوامة (و بأقول بحق) انه يكسر الست مش انه يساعدهاعليها. أنه يضرب اخته على اللبس الفاضح و يعاكس البنت اللي لابساه في الشارع و ممكن يتجوز واحدة بتلبس اسوأ من اخته... منطق متناقض وعقول بايظة و ناس مشوهة.
و أخيرا بدل التعليقات على التصرفات الغلط للأفراد و شرب السجاير ما نحاول نغير من أنفسنا يعني بدل ما تقول للبنت بس بطلي سجاير قول للولد و خليهم يقفلوا مصانع السجاير اللي ارفانا ده و بتخلي اللي ما بيشربش سجاير بيشمها.
تاني " نعيب زماننا و العيب فينا و ما للزمان عيب سوانا"
ربنا يهدي الجميع
تعليق باشمهندس سبعاوي جاب المفيد انا كنت داخل أتكلم في النقطة دي
يا جماعة من الأخر اللي بيدي مصروف لحد مش عاجبه يقطعه !
طيب والبنات الى بتشيش