حد لاحظ كمية البنات اللى بتشر سجاير دلوقت ؟
انا مش عارف هية بقت موضة ولا اية
واللى انا مستغربله انى بشوف بنات محجبة او عير محجبة و بيشربوا سجاير قدام الناس ولا هاممهم اى حاجة
مش عارف فين البنات بتاعت زمان اللى كان عندهم حياء
عرض للطباعة
حد لاحظ كمية البنات اللى بتشر سجاير دلوقت ؟
انا مش عارف هية بقت موضة ولا اية
واللى انا مستغربله انى بشوف بنات محجبة او عير محجبة و بيشربوا سجاير قدام الناس ولا هاممهم اى حاجة
مش عارف فين البنات بتاعت زمان اللى كان عندهم حياء
لا ده كان زمان دلوقتى بقوا بيشربوا سجاير وشيشه وكل حاجه وركز فى كله ديه كله كله يعنى ومحجبين وكل حاجه برضوا وادام الناس ومفيش اى حاجه ديه موضه بس موضه من فتره تقدر تقول سنتين بس الجديد بقى انها مش بقيت سجاير بس وكميه كبيره جدااااااااااا ومش عارف البلد دى رايحه على فين بصراحه
حاجه تحزن فعلاً
هنقول إيه
اتسع الخرق على الراقع
البنات خلاص ياعم بقم دلوأت مشيين بازازة البيرة فالايد اليمين وسجارة الحشيش فالايد الشمال!!دة بقى غير الحجاب اللى الواد مش عارف لازمته ايه! يعنى تلاقى cut_bermoda_stretch
وضاربالك طارحة على شعرها وتقولك محجبة!!
هى دى الموضة!!!!حتى الحجاب بقى موضه
هههههههههههههه
لا يا بهجت يا أباصيرى دا كلام كبير
يعنى من الآخر مفيش فايدة
ترجع للتربيه و المباديء ..
البنات الى عندها حياء
ماتوا بعد الحرب من الحسرة على الرجالة فى الى ماتوا فى الحرب
هههههههههههاقتباس:
البنات الى عندها حياء
ماتوا بعد الحرب من الحسرة على الرجالة فى الى ماتوا فى الحرب
تعليق جامد جداااااا:biggrin::biggrin::biggrin::biggri n:
كنت فى كرفور من يومين وشوفت احد الممثلات الجداد وكانت لابسة من غير هدوم :makeup:و راحد قاعدة فى كافيتريا و طبعا على طول السيجارة طلعت و اتولعت . ودي حاجة طبيعية جدا بس اللى استغربتله ان فى الطرابيزة اللى وراها بنت محجبة ولبسها كويس و برضه بتشرب سجاير يعنى دى لو حد جايبهالك علشان تخطبها حتوافق و انت مغمض:rfds: بصراحة عايزين :khd:
بصراحة ..مش قادر استوعب الموضوع ده
بنت+سجاير= مش راكبة في دماغي خالص
بصراحة منظر مش عاطفي..خصوصا لو كانت حاطة خرطوم الشيشة في فمها..ييععععععع :8954[1]:
وبعدين
بنت+سجاير+حجاب=تهريج
وبصراحة كل اما اشوف واحدة لابسة ما يسمى
الحجاب ومعاه جينز استريتش او بلوزة قصيرة
بابقى نفسي اسألها مين قالك ان الحجاب
معناه تغطية الشعر بس؟!! :k40:
معلش اذا كان ده خارج الموضوع بس كنت عاوز افضفض
يمكن ارتاح
قصدك يا باشا
بننت +حجاب +سجاير = تهريج + ريحة وحشة
انا مش عارف دول لما بيروحوا البيت محدش بيشمهم ولا اللى فى البيت معندهمش مناخير:biggrin:
كالعادة في مجتمع متأخر, لا يجد فيه اغلب الناس القدرة على النجاح, يحاول كل فرد ان يشعر بالتفوق حتى و ان كان مزيف, فتجد ان الرجل في مجتمعنا دوما يحاول ان يجد من هو اضعف منه لينفث عن جميع مركبات النقص والاحباط التي تلازمه, و بالطبع لا يجد انسب من المرأة ليمارس معها جميع محاولات التسلط و الوصاية.
ربما يجد بعض الاخوة الاعضاء هذه المقدمة غريبة و لا علاقة لها بالموضوع, و لكنها اول ما خطر ببالي عند قرائتي للمشاركات السابقة. فلا أعلم تحديدا الاخوة الذين يتعجبون من احوال هذا الزمن و بجاحة بنات "اليومين دول", لماذا اتخذوا من تدخين المرأة بالذات نقطة للنقض؟؟ و الله لو كان الاخوة يهاجمون ظاهرة انتشار التدخين في مجتمعنا رغم انحساره لدى الدول الاكثر تقدما لوافقتهم بشدة لأنني من اكثر الناس كرها للتدخين و ضيقا من المدخنين. اما ان يدين هؤلاء التدخين عندما يكون من امرأة على حين لا يجدوا فيه اي غضاضة اذا كان المدخن رجل, فأرجو الرجوع الى مقدمة تعليقي لأنني اعتقد أن لذلك علاقة قوية به.
بنت = رقة وحياء
سجاير = قلة ادب وبجاحة (سوري جدا بس مفيش تعبير غير ده)
يبقى مستحيل بنت = سجاير ..
متجيش اصلا ..
وعلى فكرة هما مش كتير اوي كده ..
بجد حاجة تقرف
مش عارفه ازاي بيستحملوا الدخان والريحة اللي تقرف دي
ده انا لو في مكان فيه رجل بيدخن ببقه مش طايقه ريحته
فمابالك لو بنت وكمان لو بتشيش
مناظر البنات اللي ماسكة الشيشة في الكوفيهات تقرف
كنا زمان بنتريق على الرجل اللي بيشيش ونقول عليه عامل زي المعلمين
دولقت الناس الاستايل هي اللي بتشيش
أنا لما غيرت الشغل بتاعي ورحت شركة تانية، الناس كانت بتخرج في ال break عشان تشرب سجاير أو تشرب شاي أو حتى تتكلم في التليفون، انا اتصدمت لما لقيت ييجي 5 أو 6 بنات محجبات على غير محجبات بيشربوا سجاير وكل يوم المنظر ده. انا كنت مذبهل لإني اول مرة اشوف كية البنات ده بيشربوا سجاير في نفس الوقت.
بس يا جماعة ده حرية شخصية عايزة تشرب سجاير ، تشرب عصير قصب هي حرة بس ما تأذيش غيرها. الموضوع وما فيه ان احنا مجتمع شرقي مش واخدين على المناظر ده بس احب اطمنكوا ان احنا قدام مستقبل باهر للشباب والبنات ملئ بالمخدرات والمهلوسات وكل حاجة بتلحس الدماغ اللي بقت تتباع في الشارع عيني عينك وبتتعطاها جميع طبقات المجتمع. وحسبى الله ونعم الوكيل فيك يا اللي في بالي يا اللي خربت البلد.
حياء ؟
مين حياء دا اللى مش موجود عند البنات ؟
( حياء ميييين يا استااااااذ ؟؟؟؟؟ )
انا عن نفسى مابشربش سجاير
الناس بتستغرب جدا ان شاب فى سنى و مش بيشرب!!
و اللى انا بستغرب منو لما اكون ماشى فى مكان ما و الاقى ان انا مش بشرب سجاير وفى بنات بتشرب!!
بحس ان دى الموضة!او ان السجاير بتدى بريستيج !!
الله يسترها علينا لما نتجوز و نخلف!! يا ترى ولادنا هيكون شكلهم ايه؟؟
فعلا انا معظم اصدقائي البنات في الأكاديميه بيشربوا سجاير وده طبعا شيء عادي جدا بالنسبه لهم
يا عم انا كنت فى الاكاديمية و كانت البنات بتشرب مخدرات و الكلام دة كان من 9 سنين :44:
خلاص بقى يا عم كفراوى ربنا يهديهم ويصلحلهم الحال:ask:
اللهم امين!!الواحد يتمنى ان كل الناس يتصلح حالها وترجع لربنا!!
اللهم اهدى المسلمين جميعا!
وبعدين..اللي ياكل على درسه ينفع نفسه..على رأي المثل
وابقى خللي البرستيج والتقليد الاعمى" ينفعهم او ينفعهن"(علشان الاخ اللي زعلان ان كلامنا موجه للبنات فقط ما يزعلش)
والله بقى يشربوا سجاير..مخدرات..زبالة..هم احرار..:b4_611:
المهم اننا نتمنى للجميع "رجال ونساء" من الله الهداية
وانه يحمينا ويحمي بناتنا وأولادنا من اصدقاء السوء..
[IMG]http://i376.photobucket.com/albums/o...ssaam/1115.jpg[/IMG]
very stylish
:11:
والله انت قلتى المفيد، برغم ان خطابك قاسى الى حاد ما ، لكن انا كنت لسه هكتب شئ ما بنفس المعنى، لأن الكثيرين تركوا مشاكلهم الشخصية وراحوا يناقشون سلوكيات غيرهم كنوع من انواع فرض الوصاية على هذا الغير،
انا شايف ان قضية التدخين ببساطة هى (كمجرد مثال لرأى خالى من الوصاية)
شاب بيدخن فى مكان مافيهوش حد غيره: واحد عايز يؤذى نفسه، هو حر
شابة بتدخن فى مكان مافيهوش حد غيرها: واحدة عايزة تؤذى نفسها، هى حرة
شاب بيدخن فى مكان عام فيه ناس غيره لا يقبلون رائحة الدخان:واحد بيتخطى مساحة حريته ويؤذى الأخرين، يجب ايقافه
شابه بتدخن فى مكان عام فيه ناس غيرها لا يقبلون رائحة الدخان:واحدة بتتخطى مساحة حريتها وتؤذى الأخرين، يجب ايقافها
لكن حكاية بأه ان الراجل اللى بيدخن ده راجل جامد و macho man في حين ان البنت اللى بتدخن دى واحدة بتمارس فعل فاضح فى الطريق العام يستدعى تدخل كل الأشاوس من الذكور لحمايتها من نفسها وفرض الوصاية على عقلها القاصر فده محض كلام فاضى مالوش معنى
اذكر كلمة لدكتور احمد خالد توفيق بيقول فيها: دائما ما ننتقد النور المبهر الذى ينطلق من السيارة القادمة فى الاتجاه المقابل ويعمى عيوننا، ناسين او متناسين الضوء المبهر الذى ينطلق من سيارتنا ويعمى بدوره عيون قائد السيارة المقابلة
اتركوا الفتيات والسيدات فى حالهم وسوف ينصلح حالهم
جبت من الاخر يا ا/سبعاوى :Ta_clap[1]:
سيبوا البنات فى حالها ...
لما تشوف بنت بتشرب مخدرات خليك فى حالك وانت مالك ...
احنا داخلين فى 2009 يعنى بنتقدم ولغة التحضر والحرية الشخصية هى الاساس ...
ولو جت بنت سالتك معاك مخدرات مش سجاير ..اوعى تقولها لا و تحبطها !!!
حاول انك تساعدها جايز ربنا يهديها وتبطل فى يوم من الايام ...
الموضوع دا حسسني إن الحياء دا شيء فطري، البني ادم بيتولد بيه!! مش شيء مكتسب حسب نوع البيئة والحياة.
وطبعا اللي متأفف اوي من شكل البنت اللي بتدخن، ياريت يتأفف اوي برضو لما يشوف شاب بيدخن لإن كلاهما بيضروه.
والله ياجماعة انا شايفة ان التدخين ده عموما عادة سيئة وبذيئة اصلا
وبتأذي نفسك وغيرك بيها والكلام ده فعلا ينطبق على الجنسين.
ومش فاهمة ليه اي سلوك مُشين نشوفه ونشوف بنت بترتكبه نلوم علي البنت فقط وكإنها هي الوحيدة اللي اجرمت لما عملت كده مع ان السلوك ده اصلا كتير من الرجالة بيعملوه.
ياريت زي مابنلوم البنات اللي بتعمل كده نلوم برده الشباب اللي بتعمل كده لان كلاهما مشترك في الخطأ اصلا وكلاهما يقع عليه اللوم.
وعلى فكرة انا مش بأيد البنت اللي بتدخن ولا بتشرب شيشة او مخدرات تحت بند الحرية الشخصية لأ لازم تُلاوم وتُوبَخ برده زيها زي الولاد اللي بيعملوا كده برده.
عموما ياجماعة انا بنت اهوه وعمري ماشربت سجاير ولا فكرت اصلا اشربها (بالعكس انا بكرهها جدا وبكره ريحتها وعندي حساسية شديدة منها كمان) وفي بنات كتير زيي وعمرهم ماشربوها برده وعندنا حياء وكل حاجة والحمد لله مع اننا من جيل سنة 81 مش 73 وماقبلها ولا حاجة.
بس اللي يدور علي الكويس هيلاقي الكويس واللي يدور علي الوحش برده هيلاقي الوحش سواء في الشباب او في البنات
انا شايف ان محدش قال ان التدخين يجوز للشباب والبنات لا !!
بس برده تخيل لما والدك يدخن سيجارة قدامك وتخيل لما والدتك تدخن هى كمان سيجارة قدامك !!!
((((((((الرجال قوامون على النساء)))))))))
زى ما الشباب بيدخنوا ودى عادة غلط .. طب ما البنات بيلبسوا ضيق وبيحطوا مكياج وميك اب وكل ده غلط فى غلط ... واعتقد ان 95% من بنات مصر بيحطوا مكياج وبيرسموا عينيهم وبيلونوا وشهم وبيعملوا حاجات غريبة كده وكله تحت باند الحجاب .... وده بقي شيء عادى مقابل ليه التدخين عند الشباب ...
فميجيش البنات يزودوا البلى طين ويدخنوا هما كمان ...
عادي يامان..زي مالرجالة "الكول" بتعمل الدوجلاس و بتعمل "البنك" و قصات الشعر الغريبة ذات المسميات العجيبة و السوالف المخيفة اللي بيعملوها. فعادي ان البنات برضو يحطو ميك اب. ودا مش شيء منفر ولاحاجة طالما بيحسن مظهر الشخص.
ولا انت عايز تتخض لما تشوف صاحبك او صاحبتك؟
اما الميني جيب والمعرفش ايه.....فدا تحت بند الحريات اللي مش من حقنا نتدخل فيه....لكن من حقنا نتفرج :D
ما عادي يا جماعة من حقهم يشربوا سجاير براحتهم!!
مش شايف اي سبب يخلليها حاجة غريبة؟؟ مش همة بني آدمين برضوا؟؟
و دي عادة و ادمان مكتسب زي اي حاجة في الدنيا حوالينا
بس مجتمعاتنا اللي بتحلل كل حاجة للراجل و تحرمهاعلى الست لأن المجتمعاتنا الشرقية مجتمعات ذكورية بحتة لا تعترف بالمرأة اصلا
و ايه علاقة الحجاب بالموضوع؟؟ هوة الست مش ممكن تكون متدينة بس صاحبة مزاج برضه زي الراجل؟؟
الشكلة في المجتمع مش في الستات و البنات...بس هوة زيادة الضغوط و محاولتنا جميعا للتخلص من الضغط سواء رجال ام نساء خللى الظاهرة اكثر انتشارا بين الجنسين
بس كده
للي بيحب الفرجة..
كما تدين تدان..
انا برضه رغم انى بدخن الا انى بقرف لما اشوف بنت بدخن بصوا يا جماعة اى واحد بيدخن تلاقى صاحبه علمه اى بنت بدخن يبقا واحد صاحبها علمها
بس خلاص