حصل معايا موقف غــــريب جدا من نوعه ..
موقف مبيحصلش غير الافلام بس ..
هو حصل من فترة بس لسه فاكره دلوقتى .....
كنت قاعد لوحدى فى البيت طول النهار وقاعد على الكمبيوتر فى حالى ومرة واحدة جرس الباب رن (ترن ترن ترن) .طبعا رحت فاتح ..
ابص الاقى واحد بتاعDelVery من CookDoor قدامى ..
رحت مزعق فى وشه ..وقلت له مش كل شوية واحد يخبط علينا ويسالنا على شقة ... ايه القرف ده !!
اتفاجت بيه بيقولى هاهاهاها دمك خفيف يا فندم الOrder اهه اتفضل ..
قلت له انت عايز مين يا عم ..
قالى مش دى شقة 4 منزل الاستاذ مصطفى !!!
سكت شوية وقلت له اه انا (الاستاذ مصطفى) انت عايز مين ..!
قالى يا فندم ال order اللى طلبته اهه اتفضل ..
قلت له يا عم انا مطلبتش حاجة انت بتسعبط ؟
قالى عيب يا فندم كده انت عمال تهرج وانا ورايا شغل ..
رحت متنرفز عليه وقلت له انت مين اللى باعتك .. لدرجه انى شكيت انه من الكاميرا المخفية
قالى ال Order ب 120 جنيه اتفضل ..
المهم علينا صوتنا وواحد صاحبي كان نازل وسمع ووقف وسمع الحوار ووالواد مصر على انى اللى طلبت ال Order فقلت له يابنى لو الحساب معقول كنت اديتك لو حرام ادفع 120 جنيه وارمى الاكل فى الاخر ...انت بتتكلم ازاى ...
من هنا لهنا جت لى فكرة .. رحت واخد الرقم بتاع المدير بتاعه ومكلمه ..
الو سلام عليكم ..
وعليكم السلام ...لو سمحت انتوا باعتين رجل بتاع دليفرى وجايب لى اكل ب 120 جنيه وبيقول انى انا اتصلت بيكم لو سمحت اتاكد كده ..شوية وراح قايل لى اسمى الثلاثى صح ورقم تليفون البيت كمان صح استغربت قوى ومبقتش عارف اقول ايه !!!وصاحبي مبقاش مصدقنى ..
فقلت للواد بص يا عم انا مطلبتش حاجة واتفضل مع السلامة وقفلت الباب وببص من العين السحرية لاقيته بيخبط وشكله كمان بيتكلم بجد وغلبان مش قليل الادب يعنى ...
وكان ماشي فعلا وقال بصوت عالى كده وهو ماشي حرام عليك يا شيخ انا اللى هشيل الليلة كده وقعد يقول كلام قطع قلبي صراحة ..
وبينى وبينكم انا كنت جعان جدا...
فعملت ايه ؟؟؟
اتصلت باتنين صحابي وقلت لهم انا عازمكم النهارده على الغداء ولازم تيجوا والاكل فى الطريق ويلا سلام ..ورحت واخد من الواد الاكل وكنت مقهور جداا
بس اللى هون عليا بقي ان صحابي كانوا تحت البيت فجم بسرعة واقتنعوا فعلا انى عازمهم على الغداء وكنت خايف لميجوش ...
ولحد دلوقتى معرفش مين اللى عمل الحركة دى فيا !!!