عايز اركب فتيس 5 سرعات فى ال 504
ايه اللى محتاج اغيره و التكلفة ايه
عرض للطباعة
عايز اركب فتيس 5 سرعات فى ال 504
ايه اللى محتاج اغيره و التكلفة ايه
بص ياباشا هتروح تجيب فتيس ال 505 ال 5 غيار وياريت يكون فتيس ال505 الطياره الكبير طبعا الفتيس اللي هتجيبه هيكون معاه العصايه بتاعته ومش هتحتاج تغير حاجه هتشيل ده وتحط ده وتطلع بالعربيه وخلي بالك العربيه بالفتيس ال 5 غيار هتلاقيها طياره معاك
عربيتك موديل كام؟؟
77 وما فوق مش هتعمل أي تعديل في عصاية الفتيس....أقل من 77 هاتعمل تعديل وسهل لا تقلق
بالنسبة لحلة الفتيس الخمسة غيار (الناعم BA7/5 ) ماينفعش تركب على موتور الـ504 ......فلازم قلب الفتيس بالكامل يتشال من حلة الـ505 ويركب في حلة الـ504 الموضوع سهل ماتقلأش منه ومافيهوش عك
بالنسبة لفتيس الطيارة فاعتقد ده الي بيقوله عليه فتيس 505 ناعم (BA7/5 ) وبيبقى مكتوب عليه .....خد بالك الفتيس بتاع الـ505 الديزل (BA10/5 ) ممكن يركب وأسهل كمان لأنه نفس الحلة.....بس هو خشن جداً وهايخليك تحس إن إنت راكب تريلة
التعديل الي لازم يتعمل في أي موديل هو خرط ترس السرعة بتاع الفتيس القديم عشان يركب على الفتيس الجديد ليلائم عداد السرعة بتاع الـ504 ....لو ماتعملش هاتبقى إنت ماشي على سرعة 60 مثلاً وتلاقي العداد قاري معاك 100
دي صور الترس قبل الخرط
http://www12.0zz0.com/2008/12/24/14/727365430.jpg
http://www12.0zz0.com/2008/12/24/14/326849004.jpg
ودي بعد الخرط
http://www12.0zz0.com/2008/12/24/14/229226046.jpg
http://www12.0zz0.com/2008/12/24/14/682419218.jpg
أخر حاجة عشان تبقى صح.....لازم تجيب كورونة 505 4.11 البطيئة عشان تستفيد من راحة الغيار الخامس
بدون مبالغة ....ميكانيكي واحد بس في مصر ( على حد علمي حتى الأن ) الي بيعمل العملية دي صح!!.....لو محتاج التفاصيل قولي
تكلفة التعديل ده كله لن تقل عن 2500-3000جم :Ka_che1[1]:
الفتيس هايبقى في حدود 1600 فما فوق
الكورنة 600 فما فوق
مصنعية 500 فما فوق
الأسعار دي كانت من 3 سنين عشان كده بقول فما فوق:shine[1]:
يا جماعة الفتيس الاتوماتيك اية رايكم فية طبعا لل504 و لو حد يعرف سعرة يبقى تمام جدا
انا عربيتى 504 وفيها موتور 505 ممكن اعرف تكلفه تركيب فتيس 505 طياره عليها
بص ياباشا خدها علي مرات يعني غير الفتيس اللي عندك الاول واعمل حسابك في 2000 جنيها بالكتير
وبعدين غير الكرونه براحتك واعمل حسابك في 1000 جنيه بالكتير برضه
علي فكره انت كنت ممكن بدل ماتركب موتور ال 505 كنت ركبت كربراتير ال 505 علي موتور ال 504 لأن الفرق بين موتور ال 505 وال 504 هوا ان الكربراتير (كربراتير ال 505 أكبر و بيخلط أحسن بس بياكل بنزين أكتر )
الفتيس الاوتوماتيك كويس علي 504 بس اهم حاجه يكون نضيف زي ما الاخ اسلام بنا قال و التجربه كانت لواحد صحبي وكانو شاريين 504 و ركبولها فتيس 505 اتوماتيك و اتغير 3 مرات و كل مره فتيس جديد ( استعمال طبعا) و كان بيكمل سنه بالعافيه
و السبب انه بيقولك اتحرق بس انا مش عارف السبب الحقيقي هل ده غش من الصنايعي ولا سوء استخدام لان الراجل كان بيقولهم الفتيس الاوتوماتيك بتاع 505 ضعيف ومش بيستحمل !! بيني و بينك ان ما اقتنعتش بالكلام ده و نصحته يغير الراجل ده بس ما سمعش الكلام , و في الاخر غيره بفتيس امريكاني جديد و دي كانت المره الرابعه و قعد معاه حوالي 3 سنين و مفيش مشاكل فيه و بعد كده باع العربيه .