الموضوع: ايه اكتر حاجة ضايقتك فى عربيتك البروتون

فتحة سقف
فتحة سقف
فتحة سقف
(مثبت السرعة الي اتشال في 2009)
وحدة رفع الزجاج
صوت الموتور يكون اهدى شوية
تكون انعم شوية

أستاذ أحمد بجد موضوعاتك قيمة جدا ومثيرة اشكرك على فتح هذا الموضوع.

اعتقد كل الاخوة قالوا كل حاجة, بس انا في كام حاجة اساسية ومهمة عالاقل بالنسبة ليا:
1-موضوع الخبط في الدريكسيون.
2-تعديل الخامات الداخلية للعربية.
3-استهلاك البنزين.
4-مثبت السرعة مهم جدا.
5-فتحة سقف إن أمكن.
6-موضوع نور الصالون دي رخم بجد يا ريت يعدلوا مكانه.
7-إضافة AUX.
8-الاهتمام بموضوع التقفيل ده اوي علشان بجد موضوع يخنق ان الواحد يستلم حاجة زيرو ويلاقي فيه عيب.
9-عمل check-up كامل عالعربية وقت الاستلام (علشان ميبقاش مشكلة في الفرامل او لمبة معلقة او اي حاجة مهما كانت بسيطة او صغيرة ونروح نعملها مع صيانة ال1000 ونمشي بيها متضريين).

يؤخذ الكلام برضه فى عين الاعتبار و هايتحط فى الايميل ان شاء الله
مشكورين كلكم بجد على المشاركات الحلوة البناءة
وانا كنت اتمنى ان المشاركات تزيد و ناخد افكار اضافية برضه

بس هنا بردوا في سؤال يطرح نفسه
اكيد لو زودوا او ظبطوا الحاجات دي كلها هيزودوا سعرها, طب سعرها زاد وبقى في مستوي العربيات تانية وممكن تكون احسن من الجين تو, هل هتقبي بردوا عند نفس الراي ولا هتجيب حاجة تانية؟؟؟

طبعا لان موش هناخد كل الكلام ده بـ 90000 جنيه و الا نبقى بنحلم ده كفاية الكماليات اللى فيها

ايه يا رجالة مافيش اى اقتراحات
العربية عاجباكم كده ؟
ماحدش عايز يضيف حاجة !!!!

بصراحة العربية فوق الممتازة على سعرها, بس الواحد قلقان ان لو الحاجات دي انضافت سعرها يعلي اوي والواحد يعجز انه يجيبها.
بس عالاقل انهم ميشيلوش حاجة كانت موجودة ومهمة في العربية زي مثبت السرعة.

يا ريت الحاجات دى ترجع تانى:

1- الكساحات الجانبيه وزوائد الاكصدام
2- مثبت السرعه
3-الساعه فى منتصف التابلوه
4- الشكل القديم للجنط

اظن كده مفبش تكاليف زياده .... ولا كده يبقى طمع ولا ايه؟