الموضوع: منتخب دايهاتسو يضم لاعبين جدد في تجمعه الجديد

المشاركة الأصلية كتبت بواسطة عمرو عمارة

ما شاء الله لا قوة إلا بالله........منظر العربيات تحفة!!...بس يا محمود كانت عايزة تتاخد بدري شوية والشمس طلعة عشان حلاوة العربيات تبان

إحكلنا يا أخي شوية عن المقابلة.....وبعدين فين باقي الصور؟؟!!...صورة واحدة بس يا رااااجل!!!

هو إيه الي حصل في الباركنج؟.....شكلكوا كده عاملتوا قلق:k40:

عمرو باشا .. المقابلة كانت ناقصة من غيرك و الله :)

تفاصيل المقابلة

انا توجهت لدريم لاند الساعة 11 عشان اتأكد إن كل حاجة تمام في الكافيه و لقيت كله تمام فعلاَ بصيت للعربية لقيتها زي الطين .. قلت أطلع أغسلها في وطنية اللي لازقة في دريم لاند بعد الصلاة .. العربية إتحبست جوة المغسلة لأن كان فيه توك توك بيعمل كار كير (بجد و الله .. كار كير كامل !) كانوا قالبينه و ساندينوا علي خشبة عشان يغسلوا الشاسيه (أول مرة أعرف إن التوك توك له شاسيه انا قلت ده هي العلبة دي بس ) .. فا إتأخرت شوية علي ما طلعت العربية و كان وصل عدد من الناس منهم مهندس محمد عبد الصمد اللي جه في المعاد sharp و أول الواصلين كان باشمهندس أحمد مصطفي اللي بصراحة قام بالواجب و إستقبل الناس كلها لحد ما جيت .. وصلت و كان ناس كتير وصلت و سلمنا علي بعض و ركننا العربيات جنب بعض و الشمس الحقيقة كانت حامية و إتروقنا لحد ما وصلنا للكافيه .. علي ما قعدنا كان ناس تانية وصلت و نورتنا ( علي و دكتور سالي و ياسر و هند و راجي عبده) و توجهنا للكافيه مرة أخري و قعدنا .. ثم إنضم لنا أبو عبد الله و نورنا و مهندس أحمد عبد الوهاب و بعد فترة من الوقت نورنا مصطفي فاروق و شريف شاكر و سومو .. و الحقيقة المقابلة كانت جميلة جداَ و رغم إني متعمقتش في الكلام مع الناس كلها بس حبيت الكلام مع ميدو و مهندس هيثم و طبعاَ علي و ياسر و هند و دكتور سالي .. فيه أعضاء حصلهم ظروف و إعتذروا في اللحظة الأخيرة و كان نفسنا نشوفهم و إن شاء الله تتعوض زي أستاذ توفيق طه و تيمور باشا و علا باشا :) و الظرف الحقيقي المحزن لنا كان تعطل سيارة معاذ وهو في الطريق في المقابلة بسبب إصطدامه بكلب و تسرب مياه الريدياتير فا إضطر ياخد العربية علي ونش للتوكيل و غاب عن المقابلة رغم إنه خلاص كان علي بعد خطوات لكن قدر الله ما شاء فعل ..

overall المقابلة كانت جميلة و فيه تقدم واضح في العدد عن المقابلة اللي فاتت و إن شاء الله من تقدم إلي تقدم .

ظريفة ان يبقى فى حاجة زى كدة.

برافو

شكرا يا محمد إنت راجل master of puppets

كان نفسى اكون معاكوا بس انا بآلى فترة مش دخلت على الجروب عشان مش لاقية وقت، و ماعرفتش غير متأخر.
إن شاء الله احاول المرة الجاية، المهم يكون المكان اقرب شوية.